قصيدة البنطلون

موضوع: قصيدة البنطلون السبت يونيو 14, 2008 3:04 pm

الرجل الشمال يمكن طويلة ولا اليمين قصيرة حبة

ماله البنطلون كاشش ولا الجيوب قبة

ست عيال وامهم وحماتي لوحدها سبعة

يا صبر ايووووووووب

يقولك يا بخت من نام مغلوب

طب انام مرة غالب ولا الطريق مكتوب

والغلب بقي غالب

والحياة خد وهات

طبلة ونايات

ضحك واهات

تصدق بالله

الحياة فردة وفردة

هي الرجل الشمال طويلة ولا اليمين قصيرة حبه

اهو قدر مكتوب ومحدش بيستخبي

اهم حاجة تعيش مرتاح

كان ليا واحد صاحبي اسمه عبد الفتاح

عاش اربعين سنة نايم ولما صحي مات

والناس تقولك بص لادام

وكل ما بص لادام الاقي ادام ورا

ههه والله البنطلون دة مسخرة

تصدق الرجل الشمال طويلة واليمين قصيرة

علي كل احسن حاجة تعيش حياتك زي الحمار

مربوط في ساقية وسايبها للاقدار

ولا تتعب نفسك ولا تحتار

كان ليا واحد صاحبي اسمه عبد الستار

باع قيراطين الارض واشتري دار

حبة وباع الدار واشتري ارض

ولا مشيت معاه لا بطول ولا بعرض

مسكين يا عبد الستار

يالله اهو باع الدار والارض وغار

ههههههههه

يا راجل اضحك بلا هم

بلا خوتة وحرقة دم

طب وديني الضحك اهم

لا بجد الشمال طويلة واليمين قصيرة

ياللا مش فارقة ماهي حياتنا كلها متغيرة

يا سيدي انسي ماتفتكرش

دا كيلو اللحمة كان بخمسين قرش

وكان يملا العين قبل الكرش

والحياة كدة كان فيها بركة

والدنيا كات هيصة وحركة

يا خويا هو ايه اللي حصل

زرعنا قمح طلع بصل

هيا الحياة طالعه بينا ولا نازلة

جد معانا ولا هازلة

دة الواد وزه النقاش

كان ضاربها بوية وعايش ببلاش

وكان يقولك ساعه الحظ ما تستناش

اروح ازوره من يومين الاقيه في الانعاش

صحيح الدنيا صغيرة

والدليل علي كدة

ان الرجل الشمال طويلة واليمين قصيرة

تعرف اهم لحظة في حياتك

هيا لحظة وفاتك

ساعتها طظ في اللي فاتك

وطظ في حماتك

وطظ حتي في ذكرياتك

وساعتها الكل هيفتكرك بالخير

ويقولوا كان طيب ...كان امير

لأ وهتاخد لقب مرحوم

ساعة موتك بس بقيت مرحوم

يعني ضهر حياتك هو وشها

وغروب حياتك هو فجرها

دنيا غريبة

العاقل فيها هو الوحيد اللي مجنون

زي رجل البنطلون

فردة وفردة

يوم دافية ويوم باردة

دايما متغيرة

تصدق ان اليمين هي اللي طويلة والشمال قصيرة

Teslam edak ya osso gamda begad thnx..........sha3'aaaaaaaaaaaaaaaaaaaaaaaaaal

ههههههههههههههههههههه
اوكى طيب هو الرجل قصيه ولا مكوتكم بتقطع البنطيل

واللة القصيدة تمام يا بوب بس انت كدا نافست قصائد نذار قبانى وعلى فكرة خلى بالك من الترزى اللى بتتعامل معاة

والله تمام تصدق المشكلة البنطلون دية عندي بجد ومش عارف اظبطها قولي اعمل اية

مع منتدي الاصدقاء مش هتقدر تغمض عنيك

واللة يا وسام يا جندى انت المشكلة من عندك انك
مش عارف تختار الترزى اللى انت شغال معاة
غيرة بقى هههههههههههههههههه

ههههههههههههههههههههههههه

لا والله جامده

مشكووووووووووووووووووووووووووووووووووووووووووووووووووووووووووووور

[b]موضوعك جامد يا اوسو لكنك بتنظر للدنيا نظرة متشائمة جدا
مش شايفها غير فى فردة البطلون القصيرة ........ ليه ما تبصش للدنيا
من خلال الفردة الطويلة وتملا الدنيا حوليك تفاءل وسعاده
ونصيحة منى لازم تتعلم الخياطة علشان مفيش ترزى هيقدر يظبطلك بنطلونك ده
انت نفسك الوحيد اللى تقدر تغير بنطلونك ( حياتك ) من (الفردة القصيرة) التشاؤم واللامبالاه
الى (الفردة الطويلة) التفاؤل وحب الحب ورمى المشاكل للوراء
ومتنساش تبقى تركب سوسته جديده للبنطلون....ههههههههههههههههههههههه[/
b]

قصيدة البنطلون Ac9dbfa

وادى السوسته من عندى يا مان بس يا ريت تيجى على قد البنطلون

ههههههههههههههههههههههه
موضوع حلو اوى
ياقمر

كله الا البنطلون ياكبير

تسلم ياكبير

هههههههههههه ايه القصيده الجامده دى ياسمسم

ههههههه

موضوع جميل جداااااااااا تسلم ايدك

بس خليك بعيد البنطلون كلة الا البنطلوون

» قصيدة بنت مخنوقة من المدرسة ...
» قصيدة تبكي اي فتاة تقرأها......
» قصيدة شعر من واحد ترزى, جامدة بجد
» قصيدة صوت صفير البلبل جامدة جدا
» لعشاق نزار قباني......قصيدة ........اين أذهب ؟