ازاى تقابلى العريس لاول مرة

هناك
قاعدة تقول إن "الانطباع الأول يدوم" يعني الفكرة اللي هياخدها عنك الشاب
اللي جاي ده في أول لقاء هيترتب عليها حاجات كتير أوووي نفس الشيء بالنسبة
ليك الفكرة اللي هتاخديها عنه من أول مرة هيترتب عليها حاجات كتير أوووي
علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه
وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش
قال لي كلمة مفيدة أقدر أستفيد بيها
ماتخافيش.. إحنا دلوقتي هنمشي معاكي خطوة خطوة ونقول لك تعملي إيه
*******
الخطوة الأولى
جهزي نفسك نفسيا ومظهريا
1-
علشان ماتتعبيش نفسك وأعصابك على الفاضي ياريت تشيلي من دماغك فكرة إنك
بضاعة جاي العريس يتفرج عليها لأن دي حاجة مش صح وحطي في دماغك إن ده جاي
يتعرف على البنت اللي ممكن تكون شريكة حياته وإن دي حاجة مش عيب ومفيش
منها أي تقليل من شأنك
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو
توتر.. علشان التوتر ممكن يبان على وشك واحنا مش عايزين كده احنا عايزين
عروسة زي القمر وياريت كمان قبل الميعاد ده تاخدي دش دافي
3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي
بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت
خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون
قماش مش جينز أو لو كنت بتلبسي جوب وبلوزة البسيهم برضه وده علشان يشوفك
على طبيعتك في اللبس وبلاش موضوع إنك تلبسي بدلة لأن دي هتخلي الحكاية
تبقى رسمي أوووي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك وتنور وشك
4-
لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم
5-
ياريت في اليوم ده ما تكتريش في المكياج علشان ما تبقيش عاملة زي
البلياتشو.. وخليك بسيطة جدا في مكياجك يعني كفاية أووي إنك تحطي روج
وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي
جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود
طبيعي
6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده
*******
الخطوة التانية
أثناء اللقاء نفسه
1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على
اللي قاعدين.. كفاية قووي إنك تدخلي بابتسامة بسيطة على شفايفك وتسلمي على
كل اللي موجودين وعليه هو كمان.. واقعدي وخليك شاطرة واختاري إنك تقعدي في
الكرسي اللي يكون مواجه له علشان تقدري تشوفيه كويس لأن ده حقك الشرعي
وخليكي واثقة من نفسك وخدي الموضوع ببساطة علشان يعدّي
2-
لو مامته جات معاه ياريت تخلّي بالك منها وبلاش تكشّري في وشها وهي
قاعدة.. خليكي مبتسمة ليها دايما حتى لو قالت حاجة مش عجباك اوعي تردي
عليها رد مش مناسب وكلميها عادي وحاولي تكسبي رضاها وخليكي ذكية وفكري في
كل كلمة قبل ماتقوليها
3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه
4-
لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك
5-
خليكي جريئة ولو وجه لك الكلام ردي عليه بذوق من غير كسوف
*******
كمان خدي بالك أوووي
1-
لو سمحت الظروف وقعدتوا مع بعض ياريت تتكلمي معاه في أمور عادية جدا.. زي
مثلا البرامج اللي بتعجبك في التليفزيون أو عن حاجة تكون حصلت قريب وشدت
انتباهك وابعدي عن الكلام في أي مواضيع تكون مسار جدل زي مثلا الكرة
والأهلي والزمالك.. ولو تطور الكلام بينكم لأي مواضيع فيها جدل خليكي ذكية
وبلاش يكون عندك تحيز في الرأي واسمعي منه وابدي رأيك بأسلوب لطيف من غير
ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا
إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة
اللي من النوع ده ما ينفعش تسأليها في أول مقابلة
2-
لو كان اللقاء في مكان عام زي النادي مثلا أو كافيه أو خلال مناسبة ما
فحاولي تقللي من نظراتك حول الأشخاص الموجودين في المكان وركزي في الشخص
نفسه
*******
الخطوة الثالثة
بعد انتهاء اللقاء
بعد ما يمشوا عايزاكي تقعدي مع مامتك وتحكي لها على اللي حصل وتفكري معاها
كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو
بسيطة هتكون بانت قدامك ولو مش قادرة تحكمي كويس ياريت تطلبي لقاء تاني
علشان تقدري تحكمي على أساس صح.. وربنا يوفقك

تسلم ايدك ياشوشو
معلومات جميله اوى
مشكوووووووووووووووووووووووووووووووووره ياقمر

تسلم ايدك يا قمر

انا لسه ماقريتش بس اكيد هقري وارد
بس انا عارفه انه اكيد موضوع جميل
بس في حاجه انا مش هسمح لنفسي انى اقابل واحد عشان يتفرج عليا

دا انتوا بقا عاملين خطة بقا علشان توقعوا العريس الله يكون في عونة وابعته سلام ( كان بدري عليك عليك بدري وكان بدري عليك عليك بدري )

حلوه اوى ياشوشو النصايح دى

تعيشى وتنصحينا كده ياقمر

اه حلوة النصايح ديه علشان تعرفوا نخطف الشباب مش صح

اسكت يا محمود
بجد نصايح هايل يا شوشو
بس انتى ادعلنا يجى بقه ابن الحلال ده انا هوريه ايام عمره مشافه مش هيشفها اله على ايدى
سلام

هههههههههههه خدعوك فقالوا يشوف ايه مش سامع قولي تاني كدا أيام عمره ما شفها طبعا لازم يشوف أيام عمره ما شفها أيام نكد وحزن وعكننه والله يرحمه مقدماً

ميرسىىىىىىىىىى اوى يا شوشو على المعلومات الحلوه دى

وربنا يخليكى لينا

ما لازم تشكريها مش بتعرفكم ازاي تدبسوا الشباب وتداروا عيوبكم بطلوا بقا

هههههههههههههههه ههههههههههههههههه هههههههههههههه

ايوة ياااا ميس شوشو انتى بدربيهم من دلوقت هههههه عشان يدبسوا العرسااان

هههههههههههه

بس هوا يجي الاول
هههههههههههه
وخلي الباقي عليا
موضوع جامد يا شوووووووووووووشو
دعواتك بقي معايا
تعيشي وتنصحي ازاى تقابلى العريس لاول مرة Icon_cheers

ههههههههههههه
حبايب البى

ميرسى لمروركم الكميل
وبطل بئة يامحمود تهدى النفوس كدة
دة انت حقنة هههههه

دولى حبيبتى
متقلقيش يابت هايجى هايجى يعنى هيروح فين
واحنا مش ساكتين برضك هههههه

منوريييين

اة ياعلم نصابين

بتسرقوا العرساان الله يكون ف عونا والله

ههههههههههه

ههههههههههههههههههه
انت قمر
وكلامك جميل
تقبلى مرورى

ميرسى ياحبيبى
نورتينى يا سكر

عارفه انتي وهي لو اسمع او اشوف واحده فيكم تقول كلمه على الشباب هتشوفوا هعمل فيها ايه
دا انتوا هتموتوا وواحده يطس في نظرة ويفقد عقله ويفكر في واحده فيكم

ميقدروش ياحودة
دا أخرهم يفكروا بينهم وبين بعض

والله انا مش فاهمه انتوا تعبين نفسكم ليه
هو الراجل جاى لوحده محدش ضربه على ايده
وبعدين يعنى
ما انتوا برده من الهبل اللى هيتعمل عاليهم كده
ولا ايه يا حج محمود مش صح
وايه يامتر عاوز تفهمنى انك مش هتجوز
وهتعمل لجواز مقاطعه
ما انت بكره يضحك عاليك

لا أنا يضحك على بمزاجى مش حاجة تانية والكل ..........
سلام

نعم يا ماما احنا بقا البنقعد نحط الخطة ونفنن ازاي نجيب العرسان والواحده تقعد تحط الاحمر والاصفر والرنات والتزبيل وتقعدوا توهموا نفسكم ان في عرسان بتيجي ليكم وبتسأل عليكم علشان تقولوا دا العرسان كتير وهي يا خسارة ولا شمه ريحة راجل هههههههههههههه
والله صعبانين عليه

ههههههههههههههههههههههههههه
ههههههههههههههههههههههههههههه
ههههههههههههههههههههههههههههههه
شكلك اتعمل فيك كده يا حج

هههههههههههه
كان غيرك اشطر لست انا هذا الشخص
ولسه ما اتخلقتشي يا ماما التضحك عليه

كلهم بيقولوا كده فى الاول
وبعد كده بيخدوا على ................
[/img]

ماشي يا .........
هنشوف مين الهيأخذ على ...........
وبكرة نشوف

» كلمة للشباب ازاى تتعامل مع حبيبتك وانتى كمان ازاى تتعاملى مع حبيبك
» لعبة فك الشفرة لاول مرة مع فريندس
» ازاى تحرقى دم الولاد
» هتتصرف ازاى فى المواقف دى؟؟؟؟؟
» ازاى تخنق واحد نايم ؟