حوار خاص لكل محبى الرجل المستحيل ادهم صبرى

طبعا كلنا عارفين أدهم صبري بطل سلسلة روايات (رجل المستحيل ) أكثر الكتب مبيعا بين الشباب..

رجل المستحيل , ضابط المخابرات المصري إللي عمل ما يزيد عن 150 مغامرة دوّخ فيها اجهزة مخابرات العالم و يطلع كل مرة زي الشعرة من العجين.. ضابط المخابرات المصري إللي خلى جيمس بوند راحت عليه خلاص .. رجل المستحيل إللي بيجيد جميع اللغات الحية و الميتة و يجيد جميع رياضات الدفاع عن النفس و استخدام جميع أنواع الأسلحة و يجيد قيادة جميع أنواع المركبات.. كلناعارفينه طبعا...و بنتابع رواياته بكل فخر و انتماء..

و عشان قراءنا الأعزاء قوي قررنا نعمل معاه حوار , من موقع الحدث أثناء أحد مغامراته...أي خدمة يا شباب !

المكان : أحد ابقاع النائية في العالم..

الموقف : سبعة جيوش او ثمانى جيوش من دول مختلفة تطارد أدهم صبري.. النيران و القذائف تحيطه من كل جانب , و القناصة و المدرعات و الطائرات تطارده و مهمتهم الوحيدة هي القضاء عليه لأنه عامل لهم وجع دماغ زيادة عن اللزوم !!

أدهم صبري يحتمي بجدار شبه متهدم و يعيد حشو ( الآر بي جي ) الخاص به .. في هذه اللحظه جاءت فرصتي لإجراء حوار انفرادي معه...

- بنرحب بيك في ( منتديات فرندس فور) يا أستاذ أدهم ..

- أهلا بيك !

- قصصك في معرض الكتاب بتحقق مبيعات هايله بين الشباب.. تفتكر ليه ؟

- يمكن عشان بيحبوا يعيشوا العالم ده .. لكن أنا نفسي مش عارف ليه بصراحة !

- لما بتروح معرض الكتاب بتشتري ايه ؟

- اي حاجه غير القصص بتاعتي !

- إنت مصري صميم و بتكلمني دلوقتي بالعامية.. أمال ليه بتتكلم باللغة العربية الفصحي في قصصك ؟

- أنا باتكلم بالعامية طبعا لكن باتكلم بالفصحى عشان شغل قصص بقى .. مانت فاهم !

- ما هي هواياتك ؟

- إني اطارد عملاء الموساد و أبوظ عملياتهم... و اعكنن على أجهزة المخابرات المعادية.. و المهم طبعا إني أبسط القراء..عن إذنك !

و انحنى ليتفادى طلقة مدفع و انهال بوابل من الرصاص لينسف دبابة و يعود لحشو الكلاشينكوف الخاص به..

- ماذا تفعل في وقت فراغك؟

- ماظنش إن كان عندي وقت فراغ أساسا.. إنت مش شايف ؟؟

- ماهي أكلتك المفضلة ؟ المنسف ؟

- لأ.. باحب الفول و الطعمية !

-طيب..من هو مطربك المفضل ؟

- عاجباني جدا أغنية ( ماتفولش إيه و ازاي و ليه؟) بتاعة فيلم مافيا, إللي غناها مدحت صالح .. لأنها بنتطبق على كل حاجه بتحصل عندنا.. مش هاتفهم حاجة !

- يقال انك ماتجوزتش لحد دلوقتي عشان لسه بتجهز نفسك زي الشباب المصري .. ماذا تقول ؟

- لأ الموضوع مش كده خالص.. كل الموضوع إني لسه باسد الخروم بتاعة الرصاص إللي في جسمي !!

- بيجيلك ايميلات من المعجبات ؟ و بترد عليها ازاي ؟

- عندي ايميل فعلا.. و بيجيلي ايميلات كتير من المعجبات ..لكن باحاول أفوقهم و اقول لهم إني مش شخصية حقيقية و إني شخصية روائية و أقنعهم نهم صعب يلاقوا حد بالشكل ده..كانت (مني) أشطر !

- لما تعمل فرحك على ( منى ) هاتعزم مين ؟

- هاعزم قدري خبير التزييف صاحبي.. لكن المهم أعزم سونيا جراهام- إللي بتحبني- عشان أغيظها !

- بتروح فين في الاجازة ؟

- أنهي أجازة ؟!!

- من الملاحظ إن إنت دايما لابس بدلة زرقاء مع كرافته حمراء.. ليه ؟ و مافكرتش تلبس كاجوال ؟

- بالبس كاجوال طبعا.. لكن الرسام مش بيرسمني بيها !

- بتخرج فين مع شلتك ؟؟

- ماليش شلة.. هم منى و قدري ماليش صحاب غيرهم .. باروح معاهم مغامرة مثلا.. نطارد حد.. نهرب من مطاردة حد.. هي دي التسلية بتاعتنا !

- ايه نوع الموبايل بتاعك ؟

- مش باستخدم موبايل لكن باستخدم أجهزة أكثر تطورا.. لو استخدمت موبايل مش هاعرف أشتغل من كتر ( الميسد كولز ) اللي هاتجيلي.. تخيل كده واحد الموساد تديله (ميسد كول) ؟ ماينفعش طبعا !

- إيه علاقتك بمؤلفك د. نبيل فاروق ؟

- أعرفه من بعيد , لكن باقرا إسمه على القصص بتاعتي.. بيحصل بيننا مشاكل كتير طبعا لأنه كل شوية يموّتني و يدوخني .. ممرمطني معاه و الله الراجل ده !

-جبت كام في الثانوية العامة ؟

- بيني و بينك ماجبتش مجموع طب و لا هندسة بصراحة.. !

- فيه واد صاحبي مضايقني عايزك تروقهولي (عارف نفسك ولا لا ).. ايه نظامك في العملية دي ؟

-لا روح لسونيا هي بتاعة الكلام ده .. أنا راجل محترم ماليش في الحاجات دي !

- بتقرا مواضيعى في منتديات فرندس فور" ايه رايك فى الموضوع بتاعى عند الجرى على الاجابه"؟؟

- طبعا باقراها .. أمال باعمل إيه بين كل مغامرة و التانية ؟!!

الموضوع جميل بس انا مش فاضى اعلق عليه

- نصيحتك إيه للشباب اللي عايز يبقى ضابط مخابرات جامد زيك ؟

- أكتر حاجه بتضحكني لما بيجيلي شاب صغير يقوللي : عايز أكون ضابط مخابرات ! دي عملية صعبه جد أهم حاجه انك تركز تكون انسان ناجح !

- تعرف رأفت الهجان و جمعة الشوان ( كزملاء مهنة ) و بتقعدوا عالقهوة مع بعض و كده ؟

- دول مش زملاء مهنة دول تلاميذ مهنة.. لأنهم عملاء بس مش ضباط مخابرات محترفين.. عملوا خدمات جليلة للوطن طبعا لكن مش زملاء مهنة..مش ضباط مخابرات !

- هل هاتستمر و لا لأ ؟

- فيه عقبات بتواجهني حاليا لكن مش عارف هاستمر و لا لأ.. أنا ناوي لكن مش عارف الحياة ناوية و لا لأ !

- هل لديك أقوال أخرى ؟

- أقر بكل ما جاء في هذا التحقيق !

- شكرا يا أستاذ أدهم..

ابتسم ابتسامة واثقة و أجاب :

- العفو..

و استدار على عقبيه في مرونة فائقة ليلكم أحد المقاتلين في وجهه.. و اعتدل ليواجه الجيوش وحده في بسالة , لأنه الرجل..

رجل المستحيل !!

كان معكم من قلب الاحداث

مراسل فرندس فور
: رامو

ههههههههههههه موضوع من نااااااااااااار يا مان

تسلم ايدك
وانا ان شاء الله هيكون عندى شويه اسأله لأدهم افندى صبرى
بس شويه كده على مايقعد وياخد نفسه

ايه ده مين اللى انا شيفاه وسمعاه ده
لو سمحتوا انا ما اسمحش ان حد يتريق على بطلى
ده انتوا يارجاله مفرسين منه عشان الراجل وسيم وحلو وشهم وفى كل موصفات الرجوله اللى تخلى اى واحد تموت فيه
موضوعك جميل يارامو بس خف على الراجل
تقبل مرورى

موضوعك جميل يارامو
تسلم أيدك
هنتفرس ليه ياأبلة عموما هو من لراجل
روحى موتوا

هههههههههههههههههههههههههههه
ان هسيب رامو ياخدلى حقى منك
متكسفنيش يا رامو ده انا وقعه فى عرضك انصفنى
سلام

أستحالة أنا ورامو حبايب
وأى واحد تدعى أسماء تخرج من الليلة أحسن ليها

لما نشوف رامو هيعمل ايه

هيكون مع الحق
وانا هنا أسمى أحمد وبمثل الحق

هههههههههههههههههههه
حق ايه يا ابو حق احنا هنضحك على بعض ده احنا عملنها سوه فوق

موضوع جميل ياباشا بجد تسلم يامعلم بس انت بهدلت الراجل خالص

اذيكم ياشباب عاملين ايه مكنتش اعرف ياسماء ان ممكن فى بنت يكون عندها خلفية عن بطلى المفضل ادهم صبرى بجد فجاتينى على العموم مرسيه ليكى ياقمر على المرور والاهتمام
ادهم صبرى او رجل المستحيل فارس كل بنت ومثال يحتزى به لشباب بس خيالى شوية ههههه
مرسيه ياعم احند وبرحا عليها شوية مش كده حبيبى قلبى ياشاذلى عامل ايه ياباشا سلامى رامو ومرور منور والله ياشباب رامو

مخدش ليه حقى ليه من المقترى اللى اسمه احمد
مليش دعوه

أنا مفترى الله يسامحك مش هرد عليك
الله يسامحك

» كيف يسعد الرجل المرأةوكيف تسعد المرأة الرجل ؟
» لكل محبى اللون البنفسجى
» مواصفات الشاب المتتامر من غير زعل من محبى تامر لان دى حقيقته اصلا
» حوار مع قلب لم يقتنع بعد
» حوار بين شخص والماضى