::::::::::: 30 سر عن الشباب :::::::::::::::

انا شفت الموضوع ده فى منتدى وحبيت اجيبهولكم وياريت اشوف رايكم فى الكلام دده.

1-شاب بيبص على البنت الحلوة
(لان الله جميل يحب الجمال)
بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترمي عليه و تتغزل فيه و في جماله عشان ده دوره هوا المفروض .

3- ممكن الشاب يعجب بيكي للحظة و ينساكي بعديها ولا كأنه شافك قبل كده .

4- لما الشاب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيه .

5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .

6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .

7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسانة ويوريكي انك وحشة ) .

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشاب بيتدايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشاب يقولك انو عايز يقابل اهلك اوعي ترفضي بل بالعكس شجعيه و اقفي جنبه في المعركة عشان تحسي بحلاوة النصر .

12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن

13- على فكرة الشاب بيعيط

(مهما بان جامد و قوي مهوا بني آدم برضو) .

14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

15- الشاب ميعرفش يحلم و يتأمل كتيير زيك و معندوش صبر عايز كل اللي يتمناه يتحقق في ثانية .

16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب شاب أنتي كده دخلتي سكة مفيهاش رجعة
(دخول الحمام مش زي خروجه) .

18- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك

19- الشاب بيتجنن لما بيلمس ايدك .

20- الشاب لما يكون بيلعب بكلامه و بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه

21- لما الشب يقولك " اممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .

22- قولي للشاب أنتي عايزة إيه منه بالضبط من الاول قبل ما تقع الفاس في الراس و بعدين يقول باريت اللي جرى ما كان .

23- لما تقولي لشاب " لأ " بيسمعها هوا حاول تاني بكرا
(معلش أطرش هههههههههههههه) .

24- الشاب بيكره الشاب الفافي .

25- الشاب بيموت في أمه (يعني كلوا الا هيا) .

26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الشاب إلا لو سمعتيه كويس
(فبلاش بقاه تنزلي لوك لوك لوك لوك و اديه فرصة ينطق) .

29- الشاب لو قالك بحبك مرة واحدة في القرن اعرفي انو فعلا بيحبك
(بس مفيش مانع حضرته يسمعك شوية كلام حلو عشان يحسسك بأنوثتك) .

30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .

انا شفت الموضوع ده فى منتدى وحبيت اجبهولكم وياريت اشوف رايكم فى الكلام ده.
[size=21]

بجد موضوع رائع تسلم ايديكى يا قمممممر وفعلا اغلب الكلام ده بيحصل بجد ويمكن كله بس مش مع كل الشباب بجد موضوع رائع ويستاهل المتابعه والرد تسلمى ياجمممميل

sasso كتب:: بجد موضوع رائع تسلم ايديكى يا قمممممر وفعلا اغلب الكلام ده بيحصل بجد ويمكن كله بس مش مع كل الشباب بجد موضوع رائع ويستاهل المتابعه والرد تسلمى ياجمممميل

تسلميلى انت يارب
وميرسى لمرورك

وانتوا مالكم ومال الشباب خليكم في حالكم

Mahmoud كتب:: وانتوا مالكم ومال الشباب خليكم في حالكم

طب انت زعلان لية كدة ولية متنرفز اوووووى كدة

ومين بقا ان شاء الله اليقدر ينرفزني ويزعلني
احلموا احلموا
انا مش عارف انتوا مالكم ومال الشباب

مالنا ازى يا محمود
ده انتوا الهوا وانتوا المايه وانتوا بابا
وانتو جدو وانتوا كل حاجه حلوة
لو مخدناش بلنا منكم هناخد بلنا من مين
وبعدين الكلام اللى فوق حلو اوى
وجاى فى صلحكم
انا شخصيا اعجب بالشاب اللى فيه ولو صفه واحده من دى
روق يا حوده ولا يا حج احسن
ههههههههه
تسلم ايدك يا ميرو

ايه الحلاوة دي دا اسماء موجوده وليها صوت كمان

وكمان انتوا تحمدوا ربنا لو حد من الشباب فكر في واحده منكم

» الشباب خطر أم أصلاح؟؟؟؟
» سبع مستحيلات عند الشباب
» قوانبن قسم الشباب والبنات
» الشباب قبل وبعد الزواج
» مقارنة بين الشباب والبنات