** انا جيت نورت البيت *

أهلا بيكم يا شباب ويابنات فريندس

النهارده انا جاى ومعايه موضوع هوه مناسبة وفرحه اكتر من كونه موضوع

وهوه اننا نحتفل بميلاد طفل او طفلة
يقرب لاى عضو من اعضاء فريندس

بس ماعليه العضو ده الا يدخل ويقول ان فيه طفل اتولد فى بيتهم
يعنى مثلا ابن او بنت او اخ او اخت او ابن اخ او ابن اخت او حتى ابن عم او خال
او ابن خال او ابن خاله

ماتعرفوش ياجماعه الفرحة دى بتبقى ازاى
ازاى بنبقى كلنا نشوه وفرحة وسعادة بقدوم الطفل او الطفلة دى لينا

وبنبقى عاوزين نعملها اى شئ فى الدنيا
حتى لو نجيبلها نجوم السما

وطبعا نلاقى الاب والاقارب يجروا يجيبوا لوازم السبوع
او يعملوله عقيقة على السنه
وبيبقى الطفل ده اهم عنصر فى البيت

انا شخصيا بسعد لما الاقى حد جاى يقولى انا عاوز كروت سبوع
اطبعهاله يعنى بفرح قوى واقوله ولد ولا بنت
ومابيكونش همى فى الموضوع الا سعادتى بمنحة ربنا
للانسان ده بأنه حباه وهداه بطفل

عموما انا مهما اتكلم مش هقدر اوصف مشاعرى
اللى اكيد هى نفس مشاعر كل عضو فينا

يلا ياشباب
انا عاوز الموضوع دا يكون خاص بكل الاعضاء
زى ماقولت ان اى عضو اسرته ترزق بطفل او طفله

لازم يدخل ونعمله احلى سبوع واجمل احتفال
وطبعا هتكون ارق هدايا للمولود

تحياتى ليكم ... الشاذلى

ودلوقتى يا جماعه حبيت انى اكون اول مشارك فى المناسبة دى

وكنت سبق ووعدت انى اعمل بارتى صغير ظريف كده

احتفالا بميلاد طفلة

جميلة رقيقة صغنتوته حبيبت مامتها وباباها

وكمان حبيبت خالتها

اكيد انتم نفسكم تعرفوا مين هى دى الطفله الجميلة اللى بتكلم عليها

وكمان تقرب لاى عضو من اعضاء فريندس

انا مش هحيركم كتير

الطفلة الامورة اللى احنا جايين دلوقتى نحتفل بميلادها
اللى كان من ايااااام قليلة

تبقى اسمها

مــــــــــــــــــــريـــــم

وهى كمان تبقى بنت اخت عضوه رقيقة وجميله كلنا بنحبها ونعزها هنا فى منتدانا
منتدى فريندس فور

وهى العضوة سمسمه اسماء

وطبعا بقولها الف مبروك يا سمسمه
ربنا يبارك فيها
ويخليها لمامتها وباباها

ويارب دايما ايامها سعيده
ويسعد ايام اسرتها بيها

وانا عارف اكيد انتى اكتر شخص يا اسماء فرحانه بيها
مش كده .... امال دى بنت اعز الحبايب

عموما مليون مبروك يا قمر
ويارب يخليهالكم

انا عارف انى اتأخرت شويه بس سورى بقه اعذرينا
نظرا لظروف النت الصعبة

يلا يا جماعه كلنا نغنى ونقول ....

حلاقاتك برجالاتك حلقة دهب فى اودناتك

يارب ياربنا تكبر وتبقى قدنا

وتروح المدرسه زينا

ههههههههههههههههههههههههههههههههههههههههههههههههههه
بجد يا محمد فكرتك هاااااااااااااااااايل
بس على فكرة بقا
انا اكلت اسبوع لوحدى يعنى من الاخر كدة لوكنت بدور على سبوع................
هههههههههههههههههههههههه
تسلم ايدك يا شاذلى

تسلم عالفكره الجميله دى
بجد حلوه اوى
ومبروك يا سمسمه
وكده يا ميرو تاكلى السبوع من غيرى
ههههههههه

واااااااااااو
فكرة جامدة يا محمد
وانتي يا سمسم الف مليون مبروك يا حبيبتي
مريم اسم كميل خالص
ربنا يخليهالكم
وكمان انا بقول مبروك لعمي
النهاردة جاله تاني مولود
اسمه مروان
ربنا يخليهوله يارب
تسلم افكارك يا محمد

منورين يا بنات
وبجد انا سعيد جدا مش لانكم دخلتم لااااااا
انا سعيد اكتر لاننا فعلا بنشارك بعض مناسباتنا الجميلة
ودا فى حد ذاته اكبر دليل ع الحب المتبادل والصداقة الحقيقية

وبقول طبعا لشيمو
الف مبروك يا جميل لعمك

مولوده الجديد

مروان

وربنا يخليهوله ويباركله فيه

وعقبال يا جماعه مانبارك لبعضنا احنا كمان
لما يكون المولود ده بن عضو او عضوه من اعضاء فريندس
ساعتها بقه الفرحة تبقى فرحتين
لااااااااا دى تبقى افراح

سلامى للجميع

الف شكر مش عارفه اقولك ايه
لو بتعمل كل ده عشان يعنى اجبلك سبوع
فتنسه خالص انا مش باكل بالكلام ده
قوله صريحه يا اسماء عاوز سبوع
مش تغرم نفسك موضوع عشان كده
يالهوى على تفكيرك
بجد والله مش عارفه اوصفلكم مشعرى
بس انت عارف معزتك عندى

والف مبروك يا شيماء وعقبالك يا جميل
ميرو تصدقى انى خلط انى جبتلك سبوع شكلى
هخده منك تانى
ايمى شكرا ليكى كتير
وعقبالكم كلكم بس الجواز الاول طبعا

الف مبروك ياشوشو ربنا
يخليه لعمك
بس انا كمان بنت خالتى
جبتله عروسه
واسمها
روان

البرنسيسه كتب:: الف شكر مش عارفه اقولك ايه
لو بتعمل كل ده عشان يعنى اجبلك سبوع
فتنسه خالص انا مش باكل بالكلام ده
قوله صريحه يا اسماء عاوز سبوع
مش تغرم نفسك موضوع عشان كده
يالهوى على تفكيرك
بجد والله مش عارفه اوصفلكم مشعرى
بس انت عارف معزتك عندى

والف مبروك يا شيماء وعقبالك يا جميل
ميرو تصدقى انى خلط انى جبتلك سبوع شكلى
هخده منك تانى
ايمى شكرا ليكى كتير
وعقبالكم كلكم بس الجواز الاول طبعا

هههههههه كده يا سمسمه اكن بعمل كده علشان السبوع

لا والله انا عملت كده بس لانى بجد زى ماقولت فرحان بالطفلة الجميلة

مريم

اللى جت الدنيا فرحت الكل حوليها
نور عين مامتها وباباها
وحبيبة قلب كل اسرتها

يارب يخليهالكم يارب

وعقبال كل بنات فريندس وشبابها

لما يتجوزوا ويبقى عندهم نونو لطيف يفرحوا بيه

وعقبالى انا كمان ههه
ولا انا ماليش نفس

» وسع انتمتى جيت نورت فرندس ^_^
» برنامج البيت بيتك فى فرندس
» خليكى ديما متألقه حتى فى البيت
» good luck ( money

**** انا جيت نورت البيت ***

** انا جيت نورت البيت *