إبليس يهاجر من مصرالاقيش معاك سيجاره...!!!

السلام عليكم ورحمه الله وبركاته

إبليس يهاجر من مصر

على باب سفارة كندا

لمحت ابليس و ف ايده استماره
بقول له على فين

قاللي بص .. يا هجره يا اعاره
يا عم زهقت كفرت

الاقيش معاك سيجاره

انا انتهيت خلاص

لا نافع وسواس ولا خناس

ولا ليا عيش وسط الناس

دي عالم مجرمين

عندكوا فائض ف الفساد
في كل البلاد

ومش محتاجين شياطين

مليش عيش ف البلد دي

بقالي سنين عاطل

و انتوا بتعرفوا

تقلبوا الحق باطل

و تسلكوا القاتل

و تمشوا ف جنازة المقتول

ومفيش مشاكل

يا عم ده انا بقيت أوسوس بالمقلوب

و أقول للحرامي كفايه بقى توب

..انت هاتعمل كل الذنوب لوحدك
و أنا ابليس

أشتغل واعظ ولا كمساري ف اتوبيس

يا عم ده انا زمان

..كنت استنى حد ينسى يسمي

..وهو بياكل لقمته

..دلوقتي كل اكلكم ملوث

..و بصراحه .....الواحد خايف على صحته

...ده مفيش ضمير اساسا

..عشان اموته

..و كل واحد بمزاجه

..خربانه ذمته

...يا عم ده كل حاجه اتسرقت

..وكده الاجيال الجديده

..م الحراميه اتظلمت

..يا راجل ده من كتر ما لطشت معايا

..خرجت ف مظاهره

..مع الناس اللي بتقول كفايه

و برضه مفيش فايده

اعوذ بالله من الشيطان الرجيم
أشهد أن لا إله إلا الله و أشهد أن محمدا رسول الله

اللهم أعفو عن سيئاتنا وأجعل كلماتنا صدقة طيبة بأمرك يا الله نستغفرك ونتوب إليك ما أحييتنا

ههههههههههههههههههههه
بجد يا ميرو فوق موضوع فوق المتميز

يعنى ايه هوه ابليس عاوز يطلع نفسه براءة من كل مانسب اليه
دا بعده

افهم يعنى انه مالوش يد فى كل الفساد والشر والمصايب
اللى بيحصل كل يوم ده

دا يا إما عبيب يا إما بيستهبل

اينعم وسواس النفس موجود
بس ياترى وسواسه هوه فين ؟

هوه يمكن سبحان موضوع زى ده
عاوز يوصلك ان ابليس يدل الواحد مننا على الشر
وطريق الفساد وبعد ما نرتكب المعاصى
يقول انى بريئ منكم انى اخاف الله

فعلا وسواس خناس

بسم الله الرحمن الرحيم

قل اعوذ برب الناس
مللك الناس
اله الناس
من شر الوسواس الخناس
الذى يوسوس فى صدور الناس
من الجنة والناس

صدق الله العظيم

جزاكى الله خيرا يا قمر

ههههههههههههههههههههههههه

حتى إبليس بقى عاطل

بس هو عنده حق في كل اللي قاله هههههههههه

تسلمي يا ميرو

هههههههه
تسلم ايدك يا قمر

ميرسى ليكم
بجد نورتونى

» لو كان معاك مسدس تقتل مين من الأعضاء