ده حلم ولا علم

موضوع: ده حلم ولا علم الأحد أغسطس 01, 2010 10:20 pm

السلامو عليكو كلكوو
يا مستمعين وقااريين والى حتي مش شاايفين
معاايا موضووع وعاايز الكل يتنااقش معاايا ويقولي ليه وصلنا لكده
مثلا تعمل ايه لو صحيت من النوم فجأة ولقيت :
كيلو السكر بنص جنيه

علبة السجاير بربع جنيه

وطن الحديد بــ 100 جنيه

وجرام الدهب بــ 5 جنيه

والكيلو اللحمة بــ 2.5 وتعال بص

وطن القمح بــ 12 جنيه

والضرائب اتلغت

والتعليم مجانى بمعنى الكلمة

واى حاجة تمسكيها تلاقى مكتوب عليها
made in egypt
ونادر جدا لو لقيت منتج مكتوب عليه
made in china

ومرتبات المدرسين والموظفين 2000 جنيه فيما فوق

ورغيف العيش طعمه زى البسكويت على رأى عادل إمام الفنان الكبير ..

ومفيش مشاكل صرف صحى على مستوى الجمهورية

ولقيت الناس كلها مبتسمه للحياه

ومفيش بطالة فى مصر

والسحابة السوده غير موجودة فى مصر

ومصر كلها بقت منطقة حرة زى بورسعيد كدا

وكل مصر بقى عندها غاز طبيعى ومبنصدروش لإسرائيل ولا بيحصل أزمة أنابيب الغاز بعد كدا

ولقيت مصر بتصنع طائرات وسيارات وموبيلات مصرية علشان منجبش الصينى ويقفلهولنا

وأى مصلحه حكومية تقدر تخلصها بسرعة من غير رشوة

وتقدر تمارس حقك الطبيعى من غير ما تتدخل الواسطة في حياتنا

ومصر بقت بتصنع منتجات البترول وتبيعها بدل متصدر بترول خام

والجمارك اتلغت وتقدر تجيب أى حاجة من أى مكان منتا دافع تمنها في بلدها

ونادر جدا لو سمعت عن واحد اختلس أو عمل غسيل أموال

ومفيش مشاكل زبالة في مصر متراكمة من التسعينيات

وعمرك ما هتشوف حد مادد ايده وبيقولك هات وتلاقى ادين بتقولك خد دا حقك

ومفيش حاجة فى مصر اسمها عشوائيات

ورجع المثل اللى بيقول محدش بيـبات من غير عشا يتقال زى الأول

حلم بس اتغطى كويس

انا فعلا كنت هاقولك اتغطى كويس وانتى نايمة هههههه
بجد بجد لو دة حصل ياااة دة يبقى مفيش حاجة اسمها مشاكل
الكلمة دى خلاص هتختفى وتنقرض
هنبقى عايشين فى المدينة الفاضلة
او ف الجنة
والناس هتموت م الفرحة ف الكثافة السكانية هتقل
ونعيش احسن كمان

بطلى احلام يابت وفكرى ف حاجة مفيدة ههههه
ارجعى لارض الواقع

بس بجد توبيك عسل زيك
تسلم ايدك

تعرفى يا ميرو
لو كنتش اعرفك كويس

كنت قولت عليكى انك اتهبلتى
او جرالك حاجه

ههههههههههههههههههههههه

طيب قولى حاجه واحدة من دول تتحقق
انما مش كل دا

انتى كدا بتقولى ان كل السلبيات تتمحى
لا وايه كمان
تتحول بقدرة قادر الى ايجابيات
وايجابيات مبهرة كمان

عموما
انا من مبدأ شرعيه الاحلام
احلمى زى ما انتى عاوزه
بس خلى لاحلامك حدود
لبعدين تلاقى نفسك واقعه على جذور رقبتك
ههههههههههه

بس لو فعلا حصل كده
ياااااااااااااااااااااااااااااااااااااه

دا فعلا زى ما شوشو قالت
احنا كده مانبقاش فى الدنيا
لا احنا بكده نبقى عايشين فى المدينة الفاضلة
او الجنة

تسلمى يا قمر

فيها ايه لما نفكر بشويه اجابيه ونحلم ان ده يتحقق
بس لازم يبقه فى تغير كامل لكل حاجه
ولنفسنا فى الاول
مش هنقول نفسنا مصر تبقه فيها كل الكلام اللى ميرو قالت عاليه
واحنا قاعدين مكنا مش بنتحرك
فادينا نغير مستقبلنا ومستقبل الجيال القادمه
بس بالفعل مش بالكلام

كنت هقول نفس كلامك يا اسماء

وفيها اى لما نحلم واى يعنى الحلم صعب يتحقق

مفيش حاجه اسمها مستحيل

احنا لو عايزين بلدنا تبقى كده بجد هتبقى كده

انما احنا بقى

ايوه انا عايز بلدى تبقى كويسه وانا قاعد ع القهوه ف ايدى الشيشه وقدامى الطاوله وبلعب

دى يبقى انسان عايز الحرق

ايوه انا عايز بلدى تبقى كده وانا لو حاجه واحده بس اتصنعت بصناعه مصريه ولقيت جنبها المستورد ولو كان حتى مضروب ياعم مصرى اى المستورد احسن

يبقى ازاى هنبقى كده

مش صعب ان حلم ميرو وحلم كل المصريين يتحقق

بس الصعب بقى اننا نتغير العيب فينا

عمرنا ما هنبقى احلى واحسن الا لما نلغى كلمه وانا مالى ومايخصنيش وبعيد عنى وما اقدرش من قاموسنا

وقتها بس نقدر نحقق حلمنا

تسلم الايادى يا ميرو

الموضوع دى فيه كلام كتييير

بس انا مش عايز اتمسك امن دوله

طبعا لو الكلام ده لو حصل يبقى انت اكيد مش في مصر
وكمان انا قلتها لو الكلام ده حصل ابقا ممكن أقول كلمه كويسه على البنات ممكن

ههههههههههههههه

تصدى كل دا لو حصل هيبقى لية اضراار بردة

نص الشعب هايروح فيها

ههههههههههههههههههه

كلام حلو بس احلالام والنوع دا م الاحلا م اللى صعب تتحق

نيس توبيك يااقمر

تقلى مرورى