قاضى الغرام.

موضوع: قاضى الغرام. الأربعاء يونيو 11, 2008 8:44 am

والله يا دكتور انا تعبان بجد خلاص الواحد اتخنق من ظروف الحياة اللى بنعشها اتخنقت من كل حاجة حتى البنت اللى بنحبها وطلعنا بيها من الدنيا مش عارفين نتلم ونتجور ونعيش لينا شويه قبل ما العمر ينتهى حتى من كتر الانتظار قربت تضيع منى وانا مش قادر اعمل ايه. اعمل ايه يا دكتور؟

دا طبعا مش انا انا قصدى من الموضوع ان لما نكون فى مشكلة بجد سواء كانت عاطفية او نفسية او اى مشكلة تقابلنا فى حياتنا وخلاص المشكلة دى اخدت اكتر من حجمها لدرجة انها اصبحت بتاثر علينا بأى شكل ممكن اننا نعرضها هنا فى (قاضى الغرام) نحاول نقول لها أراء وحلول ممكن تحل المشكلة او على الاقل نساعد فى حلها . المهم اننا نعيش مع بعض كأعضاء جو الأسرة فى الفرح وكمان فى الحزن والمشاكل .. وانا اتمنى اننا ما نستقلش بالدور ده يا عالم مش ممكن نصلح بيه حاجات كتير انكسرت او نلحق حاجات اكتر قبل ما تنكسر... ابتعتوا مشكلاتكم وربنا يوفقنا ونلاقى الحل مهما كانت المشكلة سهلة او فى غاية الصعوبة................ farao

اريد حلا

واحد عرف بنات كتير عرفهم علشان يلاقى الحب فى اى واحدة فهم بس محسش ابدا بيهم يبقى العيب منى ولا العيب من البنات

قولى وريحنى اية العلة ياقاضى الغرام

قاضى الغرام: مشكلتك ياابنى انك بتدور على الحب والحب دا حاجة نادرة فى الزمن ده لكن موجود أبد الدهر ومش أى بنت ممكن تلاقى اللى انت عاوزه عندها لازم تتعب وتصبر علشان توصل للى انت عاوزه.........
الحكم/ قررنا منح العضو لقب (صابر يا عم صابر ) ووسام ( الكفاح ) من الدرجة الأولى

طب انت ايه ريك لما واحده تحب واحد اكبر منها بسنتين

يعنى العيب منهم الحمد لله طلعت سليم ههههههههههههههههههههههههه

شكرا ياقضى على اهتمامك

بصى يابنتى الحب دا شئ جميل يحب مابين قلبين ويخليهم يعيشم بقلب واحد وروح واحدة وليه معانى جميلة وكتيرة جدا...
أما بخصوص قضيتك فمن المفترض علي أى قلب أنه يختار القلب اللى يلاقلى فيه كل إحتياجاته من حب وعطف ورومانسيه وما أشبه ...
ومهما كانت سمات الشخص صاحب القلب اللى إختاره قلبك سواء كان أكبر منك بسنة ولا سنتين ولا أكثر * لكنه وقع عليه اختيار قلبك *
المهم القلب ده يكون مفيش جواه حد غيرك انتى وبس.
قاضى الغرام: قررنا نحن هيئة القضاة منح الفرصة للعضوه انها تحب اللى قلبها إختاره .
محكمة
نادى يابنى على اللى بعده

معلش ياقضى هاتعبك معايا
طب اية رايك فى واحدة تقولك بحبك وهيى اكبر منك بثلاثة سنين وشوية ودمعت قدامك وهيا بتصرح بحبها ليك واللى انا اعرفة البنت مستحيل تدمع قدام اى حد الا فعلا اذا كانت بتحبة بجد بس مينفعش تكمل معاعها وانت عايز تبعد عنها من غير متجرحها اوبشكل لطيف
فدنى ياقضى

بص ياتيتو الحب شئ صعب إنك تخرجه من القلب ولو حتى لو هى عرفت انك مابتحبهاش وبتحب غيرها مش هتكرهك وهيفضل عنها الأمل إنك فى يوم تكون ليها ........... فدى مش مشكلتك أنما مشكلتها هى
أما بالنسبة ليك لو بتحبها وشاعر تجهها بحب حقيقى ليه ما تبادلهاش بنفس الشعور اللى بتبادلك بيه وتسعدها وتسعد نفسك........... وفى حالة إنك ما بتحبهاش خلاص أحذر إنك تديها أمل فى حبك وحاول تبعد عنها أو يكون أفضل إنك تصارحها بالحقيقة وتأكد لو عملت كده هتقدرك وتتفهم الموضوع.
قاضى الغرام: قررنا نحن هيئة القضاة حبس العو 3 دقايق جراء سرقته لقلب الفتاة....... مع إيقاف التنفيذ لأنه معذور (مش ذنبه)
محكمة
اللى بعده farao

شكرا لجوابك عليه ياقاضى

محمد الشاذلى كتب:: قاضى الغرام: مشكلتك ياابنى

هههههههههههههه
يخرب عقلك يا محمد
طيب انا عندي مشكله ياقاضي ومالقتش ليها حل

ممكن الاقي عندك واصفه هايله ليه

انا يا سيدي باحب وكان مطلوب مني اني اتكلم مع اخوها
واتصلت بيه وكلمته وكمان اصريت اني اخد معاه ميعاد
علشان اثبتله اني باتكلم بجد وفعلا هاقابله الاسبوع الجاي

مشكلتي بقي ياقاضي
اني خايف م اليوم تقدر تقولي اعمل ايه
واتكلم معاه ازاي

بص يابنى ياكلمات: أدام انت واثق من حبك ده هتلاقى نفسك بتتكلم معاه من غير ماتدرى
لانك مش هتكون انت اللى بتتكلم لا اللى هيتكلم قلبك وادام القلب هوه اللى هيتكلم يبقى اكيد مش هيكدب
وادام أخوها لاقيك بتكلم بصراحة وماخبتش عنه حاجه أظن أنه هيتفهم الموضوع وهيستوعب وجهة نظرك
بس ياريت وانت بتتكلم معاه تكون عنك ثقة فى نفسك ومش مرتبك وتبينله انك مش بتلعب ولا بتتسلى بأخته
دا هيخليه ياخد الامر بنظرة صحيحة وروح ........ وربنا معاك ( خليك راجل ) وابقى ابعت لنا وطمنا
قاضى الغرام: قررنا نحن هيئة القضاة بالإسناد للسادة المحلفين إدخال العضو مصحتنا النفسية
وصرف له الأقراص المهدئة لتقلل من ارتباكة...

ههههههههههههههههههههههههه

اوك ياباشا اقراص كمان ماشي

شكرا ليك يا كلمات على مشاركتك ديت وأتمن إنك دايما تبقى معانا حتى ولو شاهد فى المحكة
وصدقنى إرضى بالحكم اللى أخدته لأن دى الحاجة اللى هتريحك

فى حد عنده سؤال .... حدش مشغول البال
مفاجأة سارة يا جماعة: قررت هيئة المحكمة إنها موافقة على فتح مقر جديد ليها قريب
وهيبقى للإستئناف فى الحكم علشان المحكومين عليهم مستقبلا يلاقوا أمل
لكن اللى خلاص إتحكم عليهم ......... ما وعدهمش

طيب تقول اية فى اللى حب واحدة وداب فيها وهى بتموت فية هى كمان بس الواحد دة شاف واحدة تانية
وعجبتة وعايز يرتبط بيها وهى كمان مش ممناعة او بمعنى اصح هى كمان بتحبة تعمل اية يا قاضى
حل يا قاضى الغرام

فى الاول بحب ارمى السلام على كل الشباب اللى مشاركين فى المنتدى الجميل ده وبمسى على احلى قاضى غرام فى المنندى وبقوله خف فى الحكم علينا المهم عشان مطولش عليكم قضيتى متخصنيش بالضبط بس تخص واحد صاحبى هو مش صاحبى هو اخويه :
بص يا قاضى صاحبى اعجب بواحده كانت ملتزمه ومحترمه فى طريقه لبسها المهم اتجرا وراح كلمها وقالها انا معجب مش معجب بس وقالها انه واخد الموضوع جد ونفسه يرتبط بيها صاحبك قال الكلام ده من هنا وحالها اتقلب من هنا وطريقه لبسها اتغيرت وحالها اتغير وبقيت تكلم شبان والله كانت جربانه ده من نظرى المهم قالته انا مرتبطه وهيه مش مرتبطه وطريقه نظراتها بعد كده تدل على انها عاوزاه تكلمه بس مش عارف وبتعمل حركات عشان تلف انتباه يا ريت يا قاضى تفسر !!!!!!!!!!!!!!!!!!!!!!!!!!!

موضوع: رد: قاضى الغرام. الأحد يونيو 15, 2008 1:36 pm

محكمة: قررت هيئة المحمة الموقرة بناءا على قرار قاضيا المبجل
انها تؤجل قضية العضو سيسو لجلسة غدا وذلك لكثرة القضايا
مطالبة اياه بجلب الشهود على الواقعة يعنى اى حد شاه الواقعه بعينه

موضوع: رد: قاضى الغرام. الأحد يونيو 15, 2008 10:54 pm

بص يابنى ياسيسو الموضوع سهل وبسيط جدا وباين زى الشمس
البت للاسف ماكنتش لاقيه حد يحسسها بكيانها وانوثتها من الشباب
ومافيش شاب كان بيعبرها قام لما صحبك كلمها وبين لها شعوره واحساسه اتصدمت
وحصلها ذهون مسكينه ما كنتش مصدقه وبعدين حست انها لازم تكون كفئ للموضوع الجديد ده
فبدأت تعمل تجارب مع الشباب ازاى تتكلم وازاى تلبس علشان تقدر تواكب الحدث ولما كان صحبك بييجى يكلمها كانت بتتمنع منه لانها كانت خايفه تغلط لانها كانت لسه بتتدرب على النظام.......... ولما خلصت دورة التعليم بدأت ترجع وعاوز تكلم صاحبك من تانى وللاسف كان هو خد منها موقف وبعد عنها
دى كل الحكاية .........
محكمة

قاضى الغرام. Ba617f9624

قاضى الغرام : قررنا نحن هيئة القضاة ان صحبك يرجع لها مهما كان شكلها وشخصيتها لانه كلمها وصرحها بحبه ودا بمثابة قراءة فاتحة ( خش ع البنت يا جدع )وإلزامه بمساريف دورة التعلم اللى خدتها المسكينه لانه المسؤل....
نادى يابنى ع اللى بعده............. محكمة

url=http://www.rr4r.com/up/] قاضى الغرام. Aec92363ac

[/url]

انت فاكر انا للى قولتك انى بحب واحد اكبر منى
بس احنا سبنا بعض الامتحان من حاولى اسبوعين كده الامتحان للى فات جالى
وقالى انه بيحبنى بس انا خلاص حاسه انى مش عاوزه هاستنناه لحد امتا هو لسه صغير وانا
كمان جالى عريس كويس اوى اوى وماما وبابا بيزنواو عليه اوى بس مش هايغسبونى على حاجه
انا مش عارفه بحبه ولا لا اتخطب ولا اقول لالا محتاره اوى
بس انا قولتلهم انهم مايكلمنيش فى الموضوع ده دلوقتى لو عايزن هايصبر كمان سنه
على الاقل اكون خت تالته وبيقى فاضلى سنه مش عارفه كده صح ولا لا قولى ياقاضى

اهلا فرحه انا بعد ازن محمد هارد عليكي

من ناحيه حبك الاولاني فانتي اساسا م مقتنعه بيه خااالص
او ممكن يكون اول حب في حياتك علشام كدا ممكن تكوني متمسكه بيه
انما مش مقتنعه بيها خااالص ولو حتي مقتنعه بيه بعد الجواز هتحصل مشاكل كتير

لان دلوقتي فيه فرق سن واكيد هيكون فيه فرق ثقافه وفرق تفكير
انتي قلتي انكم اتفصلتوا ودا كويس ليكي

اما بقي من ناحيه العريس اللي متقدملك فشوفيه ممكن يكون كويس وممكن يكون وحش
انما حاولي ع قد ما تقدري انك تعؤفي عنه كل حاجه لانه ممكن يكون هوا دا الانسان
اللي هيحبك وهيخاف عليكي

الفصل في المواضيع دي صدقيني مش بالمشاعر او بالعواطف انما الفصل في الامور دي
بالعقل لان دي حياه وقرارك هيتوقف عليه حياتك كلها
فلازم تختاري كويس علشان بعد كدا مايحصلش مشاكل وتكون الحياه جميله

واحنا نتمنالك كل خير
بس ياريت ماتنسيش تعزمينا ع اي حاجه فرح خطوبه
وهتلاقينا حواليكي

محمكة:
أولا بنحب نرحب بالعضو فرحة مرة ثانية فى ساحة المحكمة الموقرة.........
واما بالنسبة لموضوعك: بص يافرحة يابنتى انا بضم صوت هيئة المحكمة لكلام الاعضو كلمات
وبقولك /من الجميل يا فرحة انك تحبى وكمان من سنة الحياة الزواج ودا شئ مقدس..
والاجمل من دا ودا أن الحب ينتهى بالزواج السعيد علشان يفضل الحب ويكبر بينكم وتسعدو بعضكم ببعض
او أن يكون الزواج عن حب فلا يصح ان الواحد(ه) يتزوج وخلاص
لان دا هيبقى تدمير لقدسية الحياة الزوجية قبل وجودها وخاصة لو حصل انجاب
هيكون له اكبر الاثار السلبية على الابناء.......... لكن
انا سعيد انك فكرتى صح وقطعتى علاقتك بالشخص ده لان سكتك فلو بيحبك فعلا
فقدامه خياران: اما انه يتقدم ليكى رسمى ويخطبك دا لو امكانياته تسمح.............
او انه يسيبك ويبعد عنك ويتمنى سعادتك مع غيره من باب التضحية لان اللى بحب بيضحى
حتى لو على حساب نفسه.
أما بالنسبه لباباك ومامتك فهما يهدفو لمصلحتك وهدفهم سعادتك اولا واخيرا
والعريس اللى متقدملك حرام ترفضيه من اول مره اديله فرصه يثبت لك نفسه مش يمكن بيحبك
وفيه مثل بسيط بقول (خد اللى بيحبك) فلايمكن يزعلك يوم وهيعمل على سعادتك.
محكمة:
قاضى الغرام/ قررنا نحن هيئة القضاة بالاسناد الى هيئة المحلفين ومراجعة جميع المستندات وسماع الشهود
:سفر العضو فرحة الى قريتنا السياحية اللى فى مارينا على نفقة المحكمة الخاصة
لمدة يومان ترتاح هناك وتفكر بهدوء وتكون قرارها .....
بس ياريت تكحم عقلها مش عواطفها بس

قاضى الغرام. C4a4ca8

تسلم ليه ياهانى
وانت اكيدان شاء الله لو فقت انت هاتكون اول المعزومين
ده انت اعزصديق ليه ياقمر

حاضر ياقاضى هاعمل كل للى انت قولت عليه
وهافكر مره واتنين و
كمان هاصلى استخاره واشوف ربنا هايقولى ايه