| تعالو ندردش شوية ع المصطبة | |
|
|
كاتب الموضوع | رسالة |
---|
shosho مشرفة كلام فى الحب + بنات فرندس +منتدى التعارف
عدد الرسائل : 4674 العمر : 34 المزاج : الحمد لله الاوسمة : تاريخ التسجيل : 17/06/2008
| موضوع: تعالو ندردش شوية ع المصطبة الخميس أغسطس 14, 2008 11:05 pm | |
| السلام عليكم يا احلى شباب
دلوقتى الموضوع دة عبارة عن دردشة شباب وبنات عايزمين كلنا نعرف راى بعض ف مواضيع مهمة جدا لينا ونحاول نفيد ونستفيد مش هنبخل على بعض ف حاجة
بنطرح كل فترة فكرة او موضوع اجتماعى، نفسى، بناتى، اسري،.....
بيهم البنات والشباب ونناقشه سوا وندردش فيه مع بعض ونتبادل الافكار
منتظرين رأى احلى بنات وشباب بالموضوع
وطبعا لو فيه مواضيع تحبوا تعرضوها او نتناقش فيها طبعا تكتبوا الموضوع هنا وان شاء الله نعرف رأيكم كلكم
ويا ريت كل عضوة قمراية وعضو امور معانا يكتبو بتوقيعهم
يا رب الفكرة تعجبكم ويا رب كلكم تشاركوا يا اعسل بنـات واحلى شباب
وموضوع الفترة دي عن::
*^صداقة الولاد والبنات داخل الجامعة او في المدارس أو على الشات*^
او فى المنتدى اية ايه رأيكم في الموضوع دة من كل الزوايا؟؟
الدينية ، الاخلاقية والاجتماعية
هل دى حاجة صحية من وجهة نظركم
ولا شئ غلط لازم ينتهي
نظرتك لبنت واقفة مع ولاد فى الكلية او المدرسة او حتى فى الشارع
تفتكري الولد الى بتكلمه على شات او فى الشارع او فى الدرسة او الكلية او فى المنتدى نظرتك اليها ايه؟؟
بيحترمها؟
مقتنع اصلا من جواه انه فيه حاجة اسمها صداقة بينها وبينه ولا عارف انه غلط وبيتسلى؟؟
هل فعلا فيه صداقة من وجهة نظرك بين البنت والولد؟؟
وايه حدودها؟
لو انتى طالبة ف الكلية او قاعدة فى ساعة صفا فاتحة ميلك وجه واحد يتكلم معاكى ويفتح حوارات وعايز تبقوا اصحاب بكل صراحة ايه موقفك؟؟
بتعتبري كلام البنات والولاد فى الكلية والمدرسة شئ عادي وطبيعي ولا بتستحرميه؟؟
منتظرك ارائكم كلكم فى الموضوع يا احلى بنات
ويا رب موضوع الفترة دى يعجبكم
شكرااااااااااا ليكم | |
|
| |
samsama فرند نشيط
عدد الرسائل : 177 العمر : 33 تاريخ التسجيل : 18/07/2008
| موضوع: رد: تعالو ندردش شوية ع المصطبة الجمعة أغسطس 15, 2008 4:51 am | |
| صداقة الولاد والبنات داخل الجامعة او في المدارس أو على الشات او فى المنتدى اية ايه رأيكم في الموضوع دة من كل الزوايا؟؟
الدينية ، الاخلاقية والاجتماعية الناحية الدينية انا ماقدرش اتكلم فيها لان اراء المفتيين اختلفت كتير فى الموضوع ده وفى ناس بتقول بشروط وكده, الناحية الاخلاقيه لما تكون طبعا فى حدود الادب والاحترام ويكون الكلام بينهم ليه لازمة مش تسلية وقت على الفاضىاما من الناحية الاجتماعية فالمجتمع المصرى بيرفض هذه الصداقات حتى لو شوفتى بنت وولد واقفين فى الشارع او المترو بتشوفى نظرات الناس ليهم كأنهم شىء غريب او عيب وكده هل دى حاجة صحيحة من وجهة نظركم ولا شىء غلط لازم ينتهى اذا لم تكن لغرض شريف فهى اكيد غلط فى غلط
نظرتك لبنت واقفة مع ولاد فى الكلية او المدرسة او حتى فى الشارع فى الكلية عادى جدا بالعكس انتى لو شوفتى بنت مش واقفه مع ولد بتستغربى , والمدرسة برده عادى عيال يعنى , اما بقى فى الشارع دى قلة ادب على رأى الشعب المصرى طبعا تفتكري الولد الى بتكلمه على شات او فى الشارع او فى الدرسة او الكلية او فى المنتدى نظرتك اليه ايه؟؟ عموما انا مابكلمش غير الولد المحترم فى اى مكان , يعنى مثلا فى الكليه انا بكلمهم عشان الدراسة والمحاضرات وكده ومابكلمش غير الشاطرين طبعا فأكيد بحترمهم , وفى المنتدى انا بتعجبنى ارائكم ومواضيعكم جدا وممكن جدا احترم الشخص من أرائه ومواضيعه واحاول اكون صورة ليه , اما بالنسبة للشات انا مش بثق فى اى حد بيحترمها؟ لو بالنسبة للولد ياريت الاولاد يقولوا على اللى جواهم بصراحة, بس البنت لو محترمة هتجبر اى حد مهما كان على احترامها مقتنع اصلا من جواه انه فيه حاجة اسمها صداقة بينها وبينه ولا عارف انه غلط وبيتسلى؟؟ ممكن يكون مقتنع ذى ماقولتلك لو ليه غرض ذى مذاكرة او نقاش وكده , اما كلام فاضى هو عارف انه بيتسلى اكيد , بس فى ولاد بجد بتعامل بنات كأنهم اخوات ليهم هل فعلا فيه صداقة من وجهة نظرك بين البنت والولد؟؟ اه لما تكون لغرض سليم وايه حدودها؟ حدود الصداقة بس وفى اطار العمل او الكليه وبس وطبعا يكون فى احترام وتقدير متبادل لو انتى طالبة ف الكلية او قاعدة فى ساعة صفا فاتحة ميلك وجه واحد يتكلم معاكى ويفتح حوارات وعايز تبقوا اصحاب بكل صراحة ايه موقفك؟؟ هسيبه وامشى وممكن اهزأه كمان لانه مش لاقى نفسه فاضى وجاى يتسلى , لكن لو هيتكلم عن المحاضرة انا ممكن افهمه لو فى حاجة مش واضحة وخلاص, لكن حوارات لاء بتعتبري كلام البنات والولاد فى الكلية والمدرسة شئ عادي وطبيعي ولا بتستحرميه؟؟ ذى ماقولت لو ليه فايدة, لكن على الفاضى مش عادى منتظرك ارائكم كلكم فى الموضوع يا احلى بنات
ويا رب موضوع الفترة دى يعجبكم
لاء بجد موضوع كويس ومعااااااااااصر تسلم ايدك
شكرااااااااااا ليكم[/size][/size][/quote] | |
|
| |
el_ashek مشرفة المنتدى العام ومنتدى القضايا والحوادث
عدد الرسائل : 4989 العمر : 32 المزاج : You are wounded my heart تاريخ التسجيل : 29/07/2008
| موضوع: رد: تعالو ندردش شوية ع المصطبة الجمعة أغسطس 15, 2008 8:31 am | |
| فكر الموضوع هايلة يااشوشو بجد هايلة samsama بداية هايلة انا هاقول انا فى اولاد وبنات اصدقااء بزااوية من الاخوة والصداااقة مفيش اى حاجة تانية بينهم دى زوااية انا بحترمها فى الشباااب والبناات جدا ودى مش غلط خاالص وفى صدااقة تانية زااوية الحب والعطف والحناان ودى بردة مش فيها ىا شئ خالص الحب مش عيب ولا حرا م الحب شئ من الجنة قطعة من ارد احلالام ساحة ألتقااء الامااال وانا معاكى ان لم تكن لغرض شريف فهى غلط غلط غلط غلط غلط دا لوانا عارف ان مشيها مش اللى هو لكن بوااقع الصدااقة عادى جدا جدا جدا انا معاكى فى دى انا ماابكلمش بناات اللى زملالائى فى المدرسة البنت لو وااثقة من نفسها لو معااها 100 رااجل طاالما انها محترمة مفيش اى حد ممكن يتكلم عنها طالما هى فرضة على النااس انهم يحترموها ممكن تكون الصدااقة بين البنت والولد عادى جدا لما تكوون لغرض سليم حدود الصدااقة فى اطاار محدوود يعنى ممكن العلالاقة تتطور ولاكن لو كاانت الصدااقة دى صدااقة بجد بجد مش ممكن تطور لأكتر من اخوات | |
|
| |
shosho مشرفة كلام فى الحب + بنات فرندس +منتدى التعارف
عدد الرسائل : 4674 العمر : 34 المزاج : الحمد لله الاوسمة : تاريخ التسجيل : 17/06/2008
| موضوع: رد: تعالو ندردش شوية ع المصطبة السبت أغسطس 16, 2008 1:49 pm | |
| ماشى يا اسماء انا معاكى ان الصداقة بين الولد والبنت لازم تكون بحدود وبحترام بس انا بعترض ع كلمة صداقة نفسها انا راى ان مفيش حاجة اسمها صداقة اصلا بين ولد وبنت يعنى العلاقة اللى بينهم دى وقت اللزوم دى ممكن اسميها زمالة ومتتعداش حدود الزمالة كمان لكن صداقة وحوارات وواحد يقول احيانا البنت تكون احسن من الولد وواحدة تقول دة زى اخويا وجدع وبيقف جنبى واجدع من صحابى البنات والحاجات دى بصراحة انا مبقتنعش خاااالص بالكلام دة يعنى اية صداقة بين ولد وبنت يمكن تقولو تفكيرى قديم شوية بس دة رايى ومقتنعة بية انا مش ضد ان يكون فى مصلحة ممكن تطلبيها منة بس خلاص بعديها خلصنا يعنى مش نوصل مع بعض لدرجة صداقة يارب اكون قدرت اوضح وجهة نظرى شكرا ياقمر لمرورك وردك الجميل | |
|
| |
shosho مشرفة كلام فى الحب + بنات فرندس +منتدى التعارف
عدد الرسائل : 4674 العمر : 34 المزاج : الحمد لله الاوسمة : تاريخ التسجيل : 17/06/2008
| موضوع: رد: تعالو ندردش شوية ع المصطبة السبت أغسطس 16, 2008 1:52 pm | |
| يامحمد انا مش بتكلم ع الحب دلوقتى انا بتكلم عن الصداقة عن علاقة ولد مع بنت تحت اسم صداقة انا عارفة ان الحب مش حرام ولا غلط ولا حاجة بس الصداقة نفسها دى اولا حرام وف نظرى انا غلط شكرا ياعاشق نورت | |
|
| |
samsama فرند نشيط
عدد الرسائل : 177 العمر : 33 تاريخ التسجيل : 18/07/2008
| موضوع: رد: تعالو ندردش شوية ع المصطبة الأحد أغسطس 17, 2008 1:58 am | |
| يعنى ياشوشو هى بتكون زماله فى الاول بس بتتطور لصداقة يعنى بيقف جمبك بجد فى اى مشكلة تقابلك حتى لو كانت المشكلة دى فى دراستك او اى ظروف حصلت لك بيحاول يتخطاها معاكى يعنى ساعتها بيكون صديق مع وجود احترام متبادل طبعا | |
|
| |
sally فرند مجتهد
عدد الرسائل : 52 العمر : 36 تاريخ التسجيل : 23/07/2008
| موضوع: رد: تعالو ندردش شوية ع المصطبة الإثنين أغسطس 18, 2008 11:32 pm | |
| حلوة اوى مصطبة دى ياشوشو هههههههه لسة دمك خفيف بردو بصى بقى لو على موضوعك ف انا شايفة ان الصداقة مفيهاش حاجة بس طبعا لو ف حدود يعنى مش عيب ان بكون ليكى اصحاب ولاد تكلميهم وتطمنى عليهم ولما بتحتاجيهم بتالاقيهم بس انتى بقى راسك ناشفة ومش مقتنعة بكلامى ومحبكاها اكتر من اللزوم بس موضوعك جميل ومعلش انى بقالى فترة مبدخلشى بس ظروف بقى وهبقى ادخلى دايما ياقمر | |
|
| |
shosho مشرفة كلام فى الحب + بنات فرندس +منتدى التعارف
عدد الرسائل : 4674 العمر : 34 المزاج : الحمد لله الاوسمة : تاريخ التسجيل : 17/06/2008
| موضوع: رد: تعالو ندردش شوية ع المصطبة الثلاثاء أغسطس 19, 2008 2:39 pm | |
| - sally كتب:
- حلوة اوى مصطبة دى ياشوشو هههههههه لسة دمك خفيف بردو بصى بقى لو على موضوعك ف انا شايفة ان الصداقة مفيهاش حاجة بس طبعا لو ف حدود يعنى مش عيب ان بكون ليكى اصحاب ولاد تكلميهم وتطمنى عليهم ولما بتحتاجيهم بتالاقيهم بس انتى بقى راسك ناشفة ومش مقتنعة بكلامى ومحبكاها اكتر من اللزوم بس موضوعك جميل ومعلش انى بقالى فترة مبدخلشى بس ظروف بقى وهبقى ادخلى دايما ياقمر
وجهات نظر برضو | |
|
| |
المهاجر للحب مشرف قسم الشباب والبنات
عدد الرسائل : 321 العمر : 32 المزاج : YOU MADE ME CRY تاريخ التسجيل : 17/06/2008
| موضوع: رد: تعالو ندردش شوية ع المصطبة السبت أغسطس 23, 2008 6:32 pm | |
| اولا بتاسف انى رديت متاخر اوى يا شوشو ع الموضوع الجامد دة
اما بالنسبة للحوار معاكى ان الصداقة بين الولد والبنت لازم تتكون بحدود
انا هقولك على حاجة ممكن ما تصدقيهاش
ان اعز واقرب حد ليا بلجألة وقت لما يكون فى مشاكل عندى او حاجة هى بنت
ومع بعض اخوات مش اكتر ولا اقل
بس كل واحد عارف حدودة مع التانى واحترام متبادل
اوقات كتير اوى بتكون البنت اجدع من مليون راجل
طبعا لازم يكون فى حدود للصداقة مش تبقى سايبة
هو دة رأى وبحترم رايك انتى كمان والاختلاف ف الراى لا يفسد للود قضية | |
|
| |
kalemat مشرف عام
عدد الرسائل : 472 العمر : 63 المزاج : out of service تاريخ التسجيل : 07/06/2008
| موضوع: رد: تعالو ندردش شوية ع المصطبة السبت أغسطس 23, 2008 11:50 pm | |
| والله الموضوع بسيط جدا كل واحد بيتكلم مع بنت او مع ولد او ليه علاقه ببنت سواء ف جامعه مدرسه او حتي ع النت تفكيره بيبان واللي جواه بيظهر من اول موقف وبعدين اكيد الصداقه دي بمعايير وليها حدود انا مش ضد الصداقه بين الولد والبنت بس تكون ف حدود ونستخدمها صح صدقيني ممكن تكون صداقه البنت نفسها اجدع من صداقه الشاب لان البنت مابتظهرش سوء النيه بتتعامل بطيعتها مع الواحد مننا وبم ان الواحد بيتعامل معاها ع سبيل الصداقه وانها اخته كل حاجه هتكون سليمه انما لو اتعامل معاها غير كدا اولا هوا هيخسر نفسه لان اكيد ف يوم م الايام هتبان نواياه وهيخسرها وشخصيته هتقل وهيرجع لورا وبعدين هيندم وممكن تلاقي البنت نفسها هيه اللي نيتها وحشه بس اللي اقصده ان لما تكون الصداقه نفسها معروف حدودها دا ف حد زاته كويس ياريت كل الشاب يتكملوا مع البنات بمنطلق الاخوه ماينفكروش ف اي حاجه تانيه لانهم لو فكروا ف اي حاجه تانيه البنت بتكون عارفه قبل مايفكر هوا علشن كدا الشيء اللي ربنا خلقه واستعظمه كيد النساء المهم اننا نعرف نحتار نعرف نحدد مين هنتكلم معاه مين هيقف جنبنا انما مانخترش واحد مظهره كويس وهوا جواه وحش ونرجع نندم الموضوع فيه كلام كتير بس تقريبا قلت جزء فيه
| |
|
| |
| تعالو ندردش شوية ع المصطبة | |
|