السكن مع اهل الزوج

موضوع كبير وعامل مشاكل كتير جداااااااا وعايزة اعرف رايكم فى

السكن مع أهل الزوج .. مع مشقة الحياة وغلاء الاجور للشقق 000 وارتفاع الاسعار فى المعيشة 000 قضية للنقاش

كثيرون وكثيرات يرفضن الفكرة رفضاً قاطعاً ، رغم أن كثيراً من آبائنا وأمهاتنا ربما بدؤوا حياتهم في بيت العائلة الكبيرة

في ذلك البيت كانت الجدة والعمة كلهن أمهات يربين الجميع ، ويتشاركن هم البيت

الآن تعقدت الحياة العصرية وأصبح الأمر مكروهاً وربما من المهلكات عند البعض ..

هناك الكثيـــر من الاصدقاء عندما ناقشتهم في هذا الموضوع وجدت منهم بين مؤيــد وبين رافض للعيش مع

الأهــل في بيت واحـــد .. وذلك لاسباب كثيره ..

فما هو رأيكم ؟ وما هي الاسبـــــــــــاب في وجهه نظـــرك ...؟

ا

لا ياشيخة انا مش ممكن اسكن مع اهل جوزى ابدا وقعدو يقولولى رايحة فين وجاية منين ويبقى بيت عيلة وشقتى فيها كل الناس وتدبهدل وبعدين انا معرفش اعيش معاهم ومش هاخد راحتى لا انا اسكن لوحدى احسن

هو فعلا على حسب الظروف يعنى مثلا لو اخدت واحد قريبى عادى انى اعيش فى البيت العائلة لان وقتها عائلتى هى عائلته
وكمان لو كان اهله كويسين ومش بيتحكموا فيا ومش بتوع مشاكل وانا حبيتهم بجد خلاص مافيش مشكلة بالعكس انا بحب المشاركة جدا واننا نكون كتير مع بعض ونساعد بعض فى كل حاجة
لكن لو انا ماستريحتش ليهم ابعد عنهم احسن بعيدا عن المشاكل
وميرسى ياشوشو على الموضوع

هى فعلا مشكلة كبيرة يا شوشو

وعايزة نقاش كمان

بس ف الزمن اللى عايشينة دة

دة ان لقيو حتى اوضة يعيشو فيها يبقى من عند ربنا

بس تعملى اى لو جوزك ما يقدرش يجيب شقة ولا اى حاجة

تعملى اى وقتها
عموما العيشة مع اهل الزوج بقت دلوقتى لازم منها

ف الغلا اللى احنا عايشيبنة دة

تسلم ايدك يا شوشو

انا بصراحه رافض انى اعيش مع اهلى انا عاوز اكون انا خالد مش اهلى ابدأ انا ومراتى حياتنا فى الحلوة والمرة لحد ماكبر انا وهى
وبعدين اتجوز عاليها ههههههههههههههههههههههههههههههههه
لأ انا اشيلها طول عمرى فى عينى بس البعد عن الأهل احسن لى بالنسبة للمسؤلية وكل حاجه

موضوع حلو قوى يا شباب

وانا رأيى ان لكل واحد بيبقى ليه حرية انه يسكن فى مكان او شقة خاص بيه
وحق كل بنت برده ان يكون ليها شقتها المستقلة بيها
واذا كان الزوج عاوزها تعيش مع اهله ..... والله يسألها
لو هى وافقت خلاص هى حرة
بس فيه حاجه ممكن يكون الزوج ده معندوش امكانية انه يجيب شقه خاصة
او كمان مش ممكن يسيب ابوه او امه يعيشوا لوحدهم ويهملهم
ودا بيحصل كتير
وعلشان هى بتحبه بتستحمل اى حاجه علشانه
وزى مابتقول البنات ( دا انا اعيش معاه فى عشه ) ولا دا كلام وخلاص يا بنات

وشكرا ليكم يا شباب

والله يا شباب دا بتبقى ظروف خارجة عن إرادة الشاب أو الفتاه وأكيد لو الشاب يقدر يعيش لوحده في شقة طبعا مش هيتأخر صح ولا إيه

وكمان انتوا شايفين الظروف عاملة إزاي يعنى الشباب هيلقيها منين ولا منين يعني شقة ولا شبكة ولا عفش ولا ولا ولا وفي الاخر الضحية الشاب والفتاه ولازم يكون العائلتين متفاهمين الظروف كويس يعني فيه ناس بتتحكم لازم شقة ولازم ولازم طيب ليه كل ده المهم ربنا يعين الشباب وربنا يسهل ويكون عند كل الشباب شقة مستقلة

بس بجد معظم الانا شوفته فى حياتي من ناحية السكن مع اهل الزوج بيبقى موضوع فاشل وفاشل فشل زريع بجد مهما كانت العلاقة بينهم كويسه بيبقى فيه مشاكل لازم

بس أنا من رأي ان لو الشاب لو عنده شقة في نفس بيت العائلة يكون احسن حاجة بيراضى الجميع وربنا يوفق الشباب

بصى ياشوشو___انا بختلف مع جميع الاصدقاء فى الموضوع ده ليه؟....

اولا بانسبه للبنت والولد لو بيحبوا بعض اكيد علشان خاطره هتحب اهله وهتعيش معاه فى اى مكان حتى لو فى بيت اوضه وحمام بس .لكن البنت اللى تطلب من جوزها انه يقعدها فى شقه لوحدها وحياه مستقله والكلام ده _طيب افرضى ان الشاب ده والدته كبيره فى السن ايه المانع ان مراته تقعد مع والدته وتخدمها _ولو البنت بتحب جوزها والله علشان خاطره تعمل اى حاجه __لان البنت دى هييجى عليها الدور وتكبر وهتبقى عاوزه اللى يعملها _-وفى الحاله دى اللى كانت بتعمله مع والدة جوزها هيتردلها.

بس خدى بالك الشاب لو مقتدر مفيش مانع انه يستقل بنفسه ويعيش حياته طالما والدته ربنا مديها الصحه وتقدر تخدم نفسها__اما لو مش تقدر تعمل يبقى من اقل حقوق الام على ابنها ومراته انهم يخدموها واكيد انا مش غلطان لان الام عمر ماحد يجازيها حتى لو خدمها هو ومراته طووووووووووووووووووووووووووول العمر .

شكرا على الموضوع بجد جميل ومميز __تسلم ايدك

» همسات الحب بين الزوج وزوجته ..ده الحب بجد