حاله من الحياه

ازيك.... انت عامل ايه النهارده... طيب كنت عامل ايه امبارح
عشت قد ايه بتحسب حياتك بايه
بالسنين بالشهور بالايام بالساعات باللحظات طيب شايفها ازاي حلوه.. حزينه.. صعبه.. سهله..
تستاهل تتعاش ولا حاسس انك مغصوب عليها من غير اي اراده.... جيتها ليه وهتسيبها امتي ؟
ياااااااه مالك مخنوق كده ليه... فوق شويه متهزش راسك ولا تشوح بايدك
فاكر..... فاكر اول يوم رحت فيه المدرسه ودي كانت اول مره تسيب فيها ماما الحنينه اللي بتعمل اي حاجه انت عايزها
يااااااه دا كان يوم... وخصوصا لما ايهاب صحبي مكنتش اعرفه وكان .... استني مش دا المفروض تفتكره
طيب انت .... ايوه انت مالك ! مستغرب ليه... فاكر لما عملت عيان علشان ماما كانت زعلانه منك.. وهي خافت وقلقت عليك ورجعت صالحتك تاني وساعتها فرحت قوي...
فاكر صاحبك مدحت جيرانكم اللي عزل ... ياااه دي كانت احلي ايام
فاكر استاذ علاء مدرس العربي اللي كان دايما يدور علي النضاره وهي جنبه
طيب فاكرعم حمزه جاركم اللي مات وانت كنت صغير وكنت مستغرب قوي ومش فاهم اللي كان بيحصل
طيب فاكر اختك الكبيره اللي اتجوزت ..حاسس بايه من المكان الفاضي اللي كانت بتقعد فيه علي الاكل معاكم
فاكر لما كنت في الثانويه وزعلت لما مدخلتش الكليه اللي انت كنت عايزها يااااااااه دا انت ساعتها بكيت وكنت زعلان قوي
وياااااه علي لما دخلت الجامعه كان شكلك يضحك وانت بتكلم داليا البنت اللي معاك في السكشن لاول مره
كنت فرحان وقعدت تفكر لما روحت البيت حسيت باحساس جديد وحسيت بحاله من الـ .... مش عارف
طيب لما احمد صاحبك زعلتوا مع بعض وكنت متضايق انك مش قادر تكلمه وعايز تصالحه
يااااااااااااه ولما اخوك الكبير كان بيتصل كل فتره من البلد اللي مسافر فيها وكنت بتسلم عليه وبتشتاق ليه قوي
طيب فاكر الحادثه اللي عملها خالك دا كان يوم صعب جدا
فاكر قلق مامتك ومرات خالك عليه
طيب استني طيب انت فاكر كل يوم من عمرك حصل فيه ايه بالظبط .... لا
بس انت عندك **** سنه ومش فاكر منهم غير مواقف مش قادر تفتكر كل يوم حصل ايه فيه بالظبط
عشت عمرك كله لكن مش فاكر غير شويه حاجات حسيت فيهم بحاله من الــ....
الفرح
الحزن
الغيظ
الاطمئنان
اللخوف
التمني
الحرمان
الرضا
وعمرك كان كله حاله من الـ.....
ولو هتحسب عمرك باكتر الحاجات اللي اثرت فيك جدا جدا
هيبقي عندك كام حاله مش كام سنه
وكأن عمرك شويه صور في البوم بتتفرج عليه
صوره تشوفها تضحك والتانيه تبكي
صوره تفكرك بالقلق والتانيه تحس معاها بالراحه
وتعيش مع كل صوره حاله من الحياه
.
.
.
وانت
ايه اكتر حاله اثرت فيك ومش ممكن تنساها ؟

بجد موضوع رائع وشدني عجبتني فكرته وافكاره وكللماته

للاسف معظمنا كدا نظرته للحياه كدا وانا كنت كدا

بس الحمد لله اني شفتها بنظه تانيه وحمدت ربنا ع كدا

وربنا يهدي الجميع

اما بقي عن سؤالك

تجربه انا عشتها بس ف الشغل وهيه اللي غيرت تفكيري عن الدنيا كلها

تسلم ايدك يانجم

بجد موضوع جامد

تقبل مروري

موضوع جميل اوي يا وايتي
وكل اللي اقدر اقولهولك
ان اكتر حاجة غيرت حياتي هي ايام الجامعة
تسلم ايدك كمان مرة

ويتى حبيب قلبى وحشنى بجد ياترى الدراسه عامله معاك ايه... .؟
انا رامو موضوعك كتير اثر فيا ههههههه وحشتنى ايام زمان
موضوع كتير جامد جدا ومؤثر ل قصدى لا مش فاكر كل حاجه
بس فعلا فاكر صوره لكل موقف حسيته حزين بكانى او جميل فرحنى
هى حيتنا كده اصل عباره عن
حاله من الحياه تقبل مرورى ياجميل رامو

موضوعك جميل وشتنى بجد ليه بالفعل الحياه زى ما انت بتقول مش بنفتكر منها حاجه اله قوليك معظمها من صور
انا الحاجه اللى غيرتنى هى غيرتنى للاسوء حادثه من تالت سنين بس لسه فكرها اكنها حصلت النهارده
تقبل مرورى اسماء

موضوع جميل تسلم أيدك

تقبل مرورى

موضوع جميل بجد
من المواقف اللي عمري ما انساها لما جدي ابو والدي مات وانا كنت لسه في 3 ابتدائي وكنت واقف مستغرب وكمان لما كنت الاقي والدي بيعيط عليه وكده
موضوع جميل
تقبل مروري

» هنا يجب دخول كل الشباب والرد بحلووول واجابات مقنعه ومن لم يجد الحل فليقف صامتا باكيا علي حاله
» كلمات من دفتر الحياه
» حق الصرصار في الحياه الكريمه
» عذرا ايتها الحياه
» احلى 18 حاجه فى الحياه