رايكم في الحكاية دي

اي رايك لما البنت هيا الي تبدا تقول للولد كلمة بحبك انا عايزة ارائكم واقتراحاتكم

شوف يا حببتى اولا اهلا بيك فى المنتده
ثانيا احنا فى بلد شرقى فى عدات وتقاليد لازم نحافظ عليها حد لو مكنتش عجبانه احنا كشباب
انا طبعا مش مع ان البنت تروح تقول للولد انا بحبك ده خلط ما ينفعش اولا هتحس انها رخيصه لدرجه انها راحت قلتله وبعدين موقفه هو هيكون ازى ممكن
قوى يكون حمش وعامل فيها راجل ويقول انا مقبلش ان واحده تيجى تقولى بحبك
صدقينى ما ينفعش ان اى بنت تروح تقول لولد انى بحبك
خلط انا لو بموت فى التراب اللى بيمشى عليه عمرى ما ههين نفسى وقوله انى بحبه
ده رائى تقبليه او ارفضيه
تقبلى مرورى اسماء

سؤال بجد هام
بس مستنظر ردك أولا
هو عموما كلام أسماء منطقى
بس ممكن تحسسه بطريقته
تقبل مرورى

انا رأى بردو من رأى اسماء

هو فعلا رايها هو الصح

اهلا بيكى معانا منورة المنتدى

ف انتظار كل جديد منك

موضوع جميل يا قمر

بس للاسف الاجابة محسومة فيه
لو احنا فى مجتمع غربى لايحكمه عادات زى اللى عندنا
هقولك اوك ممكن يكون فى خيارين اما المشكلة اننا فى مجتمع شرقى
لازالت تسيطر عليه العادات والطبائع المتوارثة بين الناس بعضها البعض
فالمعروف ان البنت لو اعجبت بولد استحالة انها تبدأ بالخطوة الاولى للتعارف
هى اينعم ممكن لو الولد نظر ليها على اساس انه معجب بيها هى طبعا لو معجبه بيه
هى كمان بتبتسم او بتنظر نظرة قبول انما لاتقوم بخطوة التعارف الاولى
فيقوم الولد بانتهاز اى فرصة ليتحدث معها ولو لبضع كلمات وكمان ايه بيكون خايف
لترفضه وساعتها ممكن العمليه تمتد الى خلع النعال ههههههههه وعينك ماتشوف الا النور

ومع احترامى لرأيى دا اللى بيتوافق مع رأى اسماء والجميع واللى اصلا هو الصح
للاسف الشديد فى الاماكن المرفهه ولا اقول المتمدنه داخل مصر اللى البنات والشباب
فيها بيقلدوا الغرب فى كل حاجه انعدمت روح الكسوف وزى ما بيقولوا انعدم الحياء والخشا
فممكن بقه تلاقوا عندهم الخيار الثانى ممكن البنت هى اللى تروح تتعرف على الولد لو كان
عجبها ........
كنت عاوز اقول حاجه اخيره انتى تعرفى ان الولد احيان كتيرة فى مجتمعاتنا فى مصر
هو نفسه بيبقه مستحى ومكسوف لو اعجب ببنت بيبقى مش عارف يعمل ايه علشان يتعرف عليها او بيقول ويعبر عن حبه واعجابه فبيبقى محرج ومكسوف وبيقول اكن انا هروح اتعرف عليها كده
لااااااااا ياعم مش هينفع ويتردد كتتتتتتير قبل ما يعمل كده .... فما بالك البنت بقه

عموما موضوع جميل تسلم ايديكى وتسلمى يا اسماء انتى كمان على الرد الجامد ده

تقبلوا مرورى ورأيى : الشاذلى

يا شباب الموضوع بيقول ايه رايك في ان لو البنت هيه القالت للواد اناه بتحبه
مش بتقول ده ممكن يحصل ولا ما يحصلشي هو حصل وخلاص بس ده مقبول ولا مش مقبول بس هي ديه الفكرة
وبالنسببه انه في بنات بتعمل كدا ولا ما تعملشي أه في بنات بتعمل كدا وهي البتبدأ وبتقول للواد أنها بتحبه وأنا متأكد من كدا وممكن يكون الواد ما يعرفهاشي كمان بس طبعا مش بعدد كبير يعني بس موجود

موضوعك جميل تسلم ايدك ومنوره المنتدي
انا رايي من راي اسماء
ماينفعش الواحده تقول لواحد بحبك بس ممكن تخليه يقولها بحبك بعد ما كانت هي اللي هتقوله
هي ممكن تبدا بالكلام
كطلب عادي تلفت انتباهه لكن مش هي اللي تقوله بحبك

طبعا لو البنت هي اللي قالت بحبك للولد
هتبقي اكيد رخيصة في نظره
وطبعا انا مش هشرح
لان اللي قبلي قالوا نفس الكلام اللي هقوله
موضوع جميل
تسلم ايديكي يا قمر

يعنى تقريبا كلنا متفقين على حاجه واحده وده فى حد ذاته كويس
بس انا نفسى اسئل الشباب يتوعنا
هتكون رد فعلك ايه لو واحده جت قالتلك انى بحبك ؟ لو سمحتوا ردو عليه
شكرا

يا بنتي دول ممكن يغما عليهم
ههههههههه
هما لاقيين

ههههههههه دمكم خفيف اوي
انتو تحمدوا ربنا اننا بنعبركم اصلا هههههه انتي يااسماء كان ممكن تعمليه موضوع تاني احسن
انا بجد حصلي موقف زي كده بس عشان انا بحب واحده تانيه حاولت اني افهمها بطريقه متجرحهاش
اللي اتجرح مره اعتقد انه صعب يجرح

اللى أتجرح مرة مش سهل يجرح
بس اللى جرح مرة من السهل أن يجرح عشرات المرات
والعيب لو يكون حد عزيز عليك وتأمناه أكتر من مرة

موضوع جميل
بس اكيد ده مورفوض تماما بالنسبه كدين وعادات وتقاليد و اسس ومناهج نشأنا عليها فمن المتوقع لاى شاب هيتقلو كلمه زى دى من بنت اكيد هتبقى بالنسبه ليه مجرد تسليه واستحاله يبادلها نفس الشعور

انا بضايق قوى لما حد بيقول مجتمع شرقى وله عاداته وتقاليده انا بتهيألى انا قريت الكلمة دى يجى 500مرة فى المنتدى مالها لما البنت تقول للولد بحبك وبعدين هى حرة هى الخسرانة لازم تكون تقيله

لو واحده جات وقالت لي انها بتحبني هنكسف واحط عيني فى الارض وهقولها ماعندكيشي اخوات صبيان وكلمي بابا

ايه ده ياحوده انت طلعت من اللي وشهم بيقلب احمر وكده
ليه ياعم كده انت لازم تتدردح شويه وانا استاذ في التعليم فاشل في التنفيذ

هههههههههههههههه ماشي يا أبو حميد وانا معاك علمني

اول درس
متتريقش بالمدرس بتاعك
جت كلمتك بص في عينها لحد ما هي اللي تبص في الارض

يا جامد ياجامد اشجيني وايه كمان وافرض لو هيه عنيه جامده وفضلت بصه ليه اعمل ايه اخذقهم ولا اعمل ايه

لا ياسيدي ماتخذقش ولا حاجه
مش هتعمل حاجه كتيره عن اللي عملته
هتعمل زيها بالظبط
وتخليها كمان هي اللي تبقي عايزه تخزق عنيك

هههههههههههههههههههههههههه لا ياعم انا عاوزهم ومين ديه أصلا الانا اقف معاها واكلمها كدا لسه بدري

وقت ما تيجي بس ع الاقل يبقي انت جاهز في اي وقت
وبعدين دي بتيجي زي الداهية اللي علي غقله
وكمان بتتبرجل وتنسي كل اللي اتعلمته
تاني درس متتبرجلش

أنا شايفه ان البنت اللى تعمل كده جريئه اوى ومن الاخر معندهاش عزه نفس

وبعدين ممكن ياخد فى نفسه مقلب وهى كمان هاتقلل من كرامتها
لو هى بتحبه فعلا لازم هى اللى تخليه ييجى لحد عندها ويرفع الرايه البيضه
لكن هى اللى تروحله دى مســـــــــــــتـحــــــــــيـــــــــل
بجد شكلها وحش اوى

وميرسى ليكى ياسمسمه عالموضع الجامد ده

bose كتب:: أنا شايفه ان البنت اللى تعمل كده جريئه اوى ومن الاخر معندهاش عزه نفس

وبعدين ممكن ياخد فى نفسه مقلب وهى كمان هاتقلل من كرامتها
لو هى بتحبه فعلا لازم هى اللى تخليه ييجى لحد عندها ويرفع الرايه البيضه
لكن هى اللى تروحله دى مســـــــــــــتـحــــــــــيـــــــــل
بجد شكلها وحش اوى

وميرسى ليكى ياسمسمه عالموضع الجامد ده

[size=29][/size]لاتعليـــــــــــــــــــــــــــــــــــــــــــــق

» ليييييه بيحصل كده ادخلوا وقولوا رايكم