هل تقبل الزواج بإمرأة لا تنجب ؟ هل تقبلين الزواج برجل لا ينجب ؟ لازم تقول رايك!

السلام عليكم ورحمة الله وبركاته
يقوول الله عزوجل
(المال و البنون زينةُ الحياة الدنيا)
فجميعنا نتمنى ان يرزق بأبناء ..

لكن لووجدت البنت شاب لاينجب وهو في غاية الجمال واخلاقه عالية
ولكن عيبه الوحيد لاينجب

(( تقبلين الزواج منه ؟؟؟ ))

وكذلك السؤال موجه للشباب ...

(( هل تقبل الزواج بفتاة لاتنجب ؟؟؟ ))

واذا تزوجتم واكدت الفحوصات بأن احد الطرفين لاينجب
فما هي ردة الفعل ؟؟؟؟

هل تهون عليكم العشرة طوال السنين
التي قضيتموها مع بعض وتفترقا ؟؟؟؟؟

هل يهون عليكم الحب الذي تبادلتموه ؟؟؟

هل تختفي كل المعاني الجميلة بمجرد سماع هذا الخبر ؟؟؟

أم انك ايها الرجل تريد الزواج من امراة ثانية وبقاؤها على ذمتك
(( ام ماذا ؟؟؟ ))

وانت ايتها المرأة ماذا ستكون ردة فعلك ؟؟

هل ستطلبين الطلاق والانفصال او تبقين صابرة محبه

ومتعاونة وتحاولين ان تنسيه همومه ...
يارب الموضوع يعجبكم واتمني اشوف ردود الجميع

اولا بحيك يا نجم الموضوع الجامد دة

ثانيا معرفة الخبر دة بتفرق حسب الوقت

يعنى لما تعرف حاجة زى دى قبل الجواز غير لما تعرفها بعد الجواز

كل وقت بيفرق التفكير

يعنى قبل الجواز ممكن الواحد يفكر انو ما يرتبطش بالانسانة دى

انما بعد الجواز العشرة بتهون على الواحد

لان ممكن تكون الست دى فهمتك من نظرات فهمت من خلال العشرة انت عايز تقول اى قبل ما لسانك ينطق بية

انما فكرة انى اتجوز عليها دى مش ممكن

حتى عمرها ما هتيجى على بالى

لان دة نصيبى

ومحدش بياخد اكتر من اللى مكتوب لية

بجد تسلم ايدك يا باشا

موضوع جميل وعايز كلام كتير

ف انتظار الجديد منك

موضوعك جميل يا عسليه
انا رائى انا لو كنت بحب الانسان ده واكتشفت انه مش بيخلف انا مستعده اتجوز منه ولو حد بعد الجواز مش هسيبه ابدا لانه حبييبى وعمرى وحياتى واكيد هحض نفسى فى موقفه بس فى المقابل عوزه اخلاصه وحبه
يعنى ميلعبش بديله هههههههههههههههه
تسلم يا عسليه

بصي القران اللي بيقول يااسماء ان المال والبنون زينة الحياة الدنيا
يعني انتي ساعتها ممكن يكون رايك مختلف
ربنا يرزقنا جميعا بالذرية الصالحة
منوره الموضوع يالمضه وبجد منورني يامهاجر للحب وعلش لاني مش عارف الاسم
وانا متفق معاك لان ممكن قبل الجواز يكون الموقف مختلف لكن بعد الجواز اكيد هافضل متمسك بيها امتر من الاول كمان
وكمان هنستحمل زن الاهل بقي

لا انا عند رائى معنديش مانع خالص بجد ممكن اضحى على شانه شوف لو موقفتش جمبه فى الوقت ده صدقنى الانسان ده هيتغير من الاحسن للاسوء
وانا لو بحبه وعارفه انه بيحبنى هضحى
اه على فكره المهاجر المحب اسمه احمد على اسمك
سلا يا عسليه

ايه التضحبه دي يابنتي
بصي بقي رد فعلي انا
لو طلع العيب منها هاكمل معاها وهاتمسك بيها اكتر من الاول مع انها ممكن هي اللي تطلب مني اني اطلقها او اتجوز عليها وده حلال للراجل انه يتجوز اربعه بس انا هافضل معاها هي بس وممكن حبي ليها يزيد كمان
ولو طلع العيب مني انا وبجد دي حقيقه انا اللي هاطلقها حتي لو هي طلبت العكس لان ساعتها مش هاكون عايز اظلمها معايا وكمان ممكن تتكلم بعاطفتها مش بعقلها
سلام يالمضه

شوف يا عسليه انا لو طلقنى مش هسمح ليه انا بحبه وانت بتحبنى ليه تطلقنى
وبعدين اكيد المرائه بتكلم بقلبها مش بعقلها ودى حاجه عاديه لو كانت عاكس كده هيكون فى خلل
بس انا هفضل متمسكه بيه لاخر لحظه فى عمرى

انتي
لكن انا مش عايز اظلمها معايا
وبعدين لو اتكلمت بغقلها مش بقلبها هي اللي هتطلي الطلاق
الولد ممكن يتجوز عليها ويعوض النقص ده
لكن هي تعمل ايه
؟؟

بجد تسلم أيدك ياقمر

أحمد لا لو أعرف أقبل الزواج

ودة حديث عن الرسول الله صلى الله عليه وسلم

أما بعد الجواز أكيد طبعا عمرى ماهتخلى عنها

وأكيد أنا لو كدة قبل الزواج ممكن مقبليش عليه

ولو قبلت عليه تبقى واحدة زى

ولو حصل بعد الزواج هخيرها بين أنها تكون معى أو نتفرق

وبكلم بجد تقبل مرورى

انت منور الموضوع ياجميل ومرورك مقبول
وطبعا كل سنه وانت طيب
وانا معاك في اللي انت قلته

سورى ده واحد معندوش دم خالص

مين ده يابنتي اللي معندوش دم خالص ده؟؟

أقلها الله يسامحك
أحنا فى أيام مفترجة

بس اعرف بتقول لمين دي ؟

سيبك منهم

اوكي ياابو حميد

ازيكم ياشباب
وحشتونى والله
اكلتو الخروف ولا لسة
موضوعك حلو اوى يااحمد
انا عن نفسى لو مش بخلف هسالة يحب يكمل معايا ولا لاء
لو عايز يخلف ودة حقة طبعا وهيتجوز واحدة تانية يبقى انا لازم اطلق لانى مستحيل اعيش معاة وهو متجوز واحدة تانية حتى لو لمبرر واسباب زى كدة بس انا عن نفسى مش هقدر استحمل يتجوز عليا
اما بقى لو هو اللى مش بيخلف ف مستحيل طبعا اطلب منة الطلاق ولا اصلا اجيبلة سيرة الموضوع دة بالعكس لازم اقف جنبة
دى جوزى يعنى مستحيل اسيبة لسبب زى كدة لان دى حاجة مش بادينا
وبعدين مش يمكن نجيب اطفال ويطلعو وحشين او فيهم عيب خلقى لقدر الله
محدش عارف الخير فين
تسلم ايدك يااحمد موضوعك كميل ياقمر
وليا طلب لو سمحت
كفاية خناق
كفاية خنااااااااااااااق
مش معقول كل م ادخل موضوع الاقى فية خناقة

منوره الموضوع ياقمر وكل سنه وانتي طيبه
ومن عينيا هابطل خناق بس علي فكره هم اللي بيبتدوا خناق

اولا بسم الله الرحمن الرحيم

اولا يا جماعة ربنا فى كتابه الكريم قال المال والبنون زينة الحياة الدنيا ويجب انا نكون مؤمنين بالله عزوجل

أكيد يامندو بس لا اعتراض على قدرة الله
سبحان الله أعطاك الحياة وقد لا يعطيك أياه
أعطاك
كذا وأسلب منك كذا
فلا أعتراض
كمل كلامك ياريت منتكونش زعلت منى

شوشو بجد زوجة مثالية يارب يكملك بعقلك وتكونى كدة بجد
وعموما أزاى لو هو بيحبك ويريدك ويريد الخلفة تعملى أيه هتطلبى الطلاق بردة
ربنا يوفقك

ايوة يااحمد هطلب الطلاق
بس مش عشان هو اتجوز او عشان هعتبرها اهانة او اى حاجة بالعكس دة حقة وانا هقدر ظروفة
بس للاسف انا عندى مرض اسمة الغيرة زايد عن حدة كتير معايا وعاملى مشاكل كتير
عشان كدة هنسحب انا لان مقدرش اعيش وهو يوم معايا ويوم معاها
صدقنى دة هيكون احسنلى من انى اعيش معاة لانى مش هكون مرتاحة
وشكرا لزوقك ياكميل
مجاملة مقبولة

ازيك يااحمد بيه
انا معاك طبعا في ردك علي مندو
بص يامندو
ربنا قال سبحانه وتعالي
المال والبنون زينة الحياة الدنيا
بس كمان
ومن اياته ان خلق لكم من انفسكم ازواجا
لتسكنوا اليها
وجعل بينكم
مودة
ورحمه

يعني يامندو دي عشره وسكن وموده
صعب العشره تهون
وبجد انت منور الموضوع
انتي وجهة نظرك او كلامك صح في ان انتي هتساليه لو كان عايز يكمل معاكي ولا لا
بس كمان انتي ممكن تكملي معاه مش تطلبي الطلاق
افرضي ان جوزك بيحبك اوي بس كمان نفسه يخلف
انتي بتجبريه وبتقوليله يانا يالاولاد

لا والله يااحمد انا مش قصدى كدة
بس ياجماعة بجد حرام انا كمان احس بالاحساس دة
لانة هيبقى صعب عليا اوى
ممكن واحدة تقبل وتتحمل ودى بجد احسن حاجة انا طبعا مش بقول انى صح بالعكس دة عيب فيا
بس هو كمان لازم يقدر مشاعرى ويحترم رغبتى ويوافق يطلقنى
يااما بقى ممكن نتبنى طفل وهو يتنازل عن موضوع الخلفة دة
يعنى ادامة الحلين بس انا مش قصدى اجبرة او احطة بين اختيارين صعبين

علي فكره فكرة الطفل اللي انتي قلتي عليها بجد فكره حلوه وانا كنت عايز اقول عليها
بس افرضي انه كان عايز طفل من صلبه او من لحمه ودمه زي ما بيقولوا ويشيل اسمه وكده يعني
انتي لازم تقدري ظروفه
انا عن نفسي علي فكره ياشوشو لو مراتي نش بتخلف انا هاكمل معاها
ولو مني انا
ممكن اطلقها حتي لو طلبت انها تكمل مش عارف ليه مع ان ناس قالوا مدام عايزه تكمل معاك تطلقها ليه

» ايهما يدوم... لااااااااااازم تقول رايك
» يشباب وبنات لازم تتعلمون
» هل تقبل بحضور حفل زواج من أحببت؟؟؟؟
» هل تقبل ؟ هلى تقبلى ؟ ياريت بصراحه
» هل تقبل ان يصارحك احد بعيوبك و اخطائك