رابطة ... حب جروب ...

أهلا ومرحبا بيكم أصحابى وأصدقائى أعضاء جروبنا حب جروب

كل سنة وانتم طيبين وبخير وسلامة
ان شاء الله تكون سنة 2009 سنة سعيدة علينا كلنا يا رب

وانا بحب ارحب بعضوة جروبنا * بوسى *
اهلا بيكى معانا يا قمر نورتى جروبنا جروب الحب ... حب جروب ...
وان شاء الله تستمتعى معانا ونكون اضافة ليكى

وطبعا برحب وبشكر اعضاء جروبنا اللى نشطوا اشتراكهم معانا
برحب بشيماء وميدو واحمد ثابت وطبعا سمسمه وكمان صافى مع انها ماملأتش استمارة
تنشيط العضوية .. ههههه

فأهلا ومرحبا بيكم مرة تانية يا أحلى شباب وبنات فى الدنيا
وان شاء الله عندى ليكم شويه أفكار وموضوعات ونشاطات كتيرة ممكن نشارك ونساهم فيها كلنا
نقدر من خلالها اننا نستفيد اكبر قدر من الاستفادة والمعرفة والخبرة ان شاء الله

وان شاء الله يكون شعارنا منوع تبعا للموضوعات يعنى .. ضحك ولعب وجد وحب

اخيرا بقول لميدو انى معاه فى كل كلامه اللى قاله عن غزة والاحداث اللى بتحصل فيها ومعاه فى غضبه وادانته للشعب الصهيونى الخائن الغادر وان شاء الله هعرض هذا الموضوع بصفة اكبر فى موضوع كامل ... فكلنا يد واحدة ضد الصهيون الاسرائيلى

ولنرفع اسمك يا فلسطين فوق الجباة .... النصر للاسلام النصر لعزة

تقبلوا خالص تحياتى : محمد الشاذلى

ممكن أشترك ياباشا معاكم معلش أنا جيت متأخر
بس ياريت أكون ضمن الجروب
بس يكون صداقة وحب بجد
أحمد رفعت
أو مادو

استمارة حـب جـــــــــــــــــــــروب *
الاسم :شيماء
الشهرة :شووشووو
السن :19
البلد :الفيوم
الكلية /الجامعة/الدراسة/ المؤهل :تااااااااربية ههههههه
الهواية :بحب اى حاجة ف الديكور والانتيكات
الحالة الاجتماعية :لسة مدخلتش القفص
المطرب/المطربة المفضلة :تامر عاشور واليسا
الفنان /الفنانه المفضلة :اكيد احمد حلمى وخالد صالح ومنى ذكى برضو
النادى واللاعب المفضل :مليش ف الكورة بس بحب ابو تريكة والله يرحمة محمد عبد الوهاب وعماد متعب ومش بحب ابراهيم سعيد هههههه
الأكلة المفضلة :بعششششق المكرونة بالبشمل والمكرونة عموما
الرياضة المفضلة :كنت زمان بحب الاسكواش
صفات تحبها/تكرهها فيمن تعرفهم :بحب الطيبة والعقل والصراحة وبكرة الكذب طبعا والخيانة والاهانة
سمات فتى/فتاة أحلامك :تكون شخصيتة قوية وحنين وطبعا متدين ويحبنى اوى ونبقى مع بعض ع الحلوة والمرة ( يانعيش عيشة فل يانموت احنا الكل )
قدوتك فى الحياة :اكيد الرسول صلى الله علية وسلم
شخصيه تحترمها وتقدرها :بابا لانة طيب اوى ومحبوب من كل الناس
هدفك فى الحياة :نفسى اعمل مشروع جاليرى يعنى انتيكات وتحف وكل مايتعلق بالديكور

سبب اشتراكك معنا فى حب جروب : طبعا عشان فى احسن ناس وكلهم محترمين بجد وكلنا شلة حلوة اوى
كلمة لأعضاء حب جروب :يارب نفضل على طول اصحاب كويسين ومحدش يغيب منا ابتا ابتا ابتا

استمارة حـب جـــــــــــــــــــــروب *
الاسم :أحمد رفعت
الشهرة :مادو
السن :عجزت
البلد :المنصورة
الكلية /الجامعة/الدراسة/ المؤهل :ليسانس حقوق
الهواية :بحب لعب كرة القدم والقرأة والسفر .
الحالة الاجتماعية :لســــــــــــــــــــــة كتير.
المطرب/المطربة المفضلة :كان فضل شاكر. كانت أصالة .
الفنان /الفنانه المفضلة :اكيد احمد حلمى وكريم عبد العزيز , ريهام عبد الغفور.
النادى واللاعب المفضل :الاهلى بلا نزاع , أبو تريكة , برشلونة ميسى .
الأكلة المفضلة :بلاش علشان متحسدش.
الرياضة المفضلة :كرة القدم.
صفات تحبها/تكرهها فيمن تعرفهم : بحب التسامح والاعتراف بالغلط والتعلم منه , بكرة الخيانة جدا والتلاعب بمشاعر الاخرين والنفاق .
سمات فتى/فتاة أحلامك :تكون محترمة , جميلة , طبعا مش هكلم فى ناحية الغنى أكيد على الحديدة , تصونى , ذات شخصية مستقلة , تحافظ على .
قدوتك فى الحياة : الرسول صلى الله علية وسلم وأى شخص يحترمونه الناس .
شخصيه تحترمها وتقدرها :أكيد والدى احترمه جدة وأقدرة وكفاية أنه مستحملنى .
هدفك فى الحياة :أنا أوصل بطوق النجاة للأخرة , وأحقق ذاتى .

سبب اشتراكك معنا فى حب جروب : طبعا عشان أتعرف على أحلى صحبة فى الدنيا.
كلمة لأعضاء حب جروب :اللهم أجمعنا على ذكرك وفرقنا على ذكرك.

ايون كده يا جماعة جميل قوى الروح الجميلة اللى بينا

روح يسودها الحب والاستعداد على التعاون وكمان زى ما قال احمد رفعت اننا نكون دايما متجمعين على ذكر الله ....
فأنا أحب انى ارحب بشوشو عضوة عزيزة علينا كلنا نورتينا يا قمر فى جروبنا .. حب جروب ..
وبقولك انا سعيد انك معانا بس انتى فينك من زمان ولا بتذاكرى هههههههه شكلك دحاحه

وكمان برحب بيك يا ابو حبظلم حبيب قلبى
اهلا بيك معانا فى جروبنا جروب الحب ... حب جروب ...

أعضاء حب جروب : محمد الشاذلى .. شيماء الملاك الشقى .. احمد ثابت .. اسماء بيبرس .. صافى .. ميدو .. شوشو .. احمد رفعت ..................

هاااااااااااااااااه باب الاشتراك لسه مفتوح يا جماعة

تقبلوا تحياتى : محمد الشاذلى

انا اسف يا جماعة نسيت قمر جروبنا ... بوسى ...

منورانا يا قمر

محمد الشاذلى كتب:: شباب حب جروب اعتذر عن غيابى الفترة اللى فاتت دى بس بجد كان غصب عنى

المهم انا سعيد جدا بيكم وبتواجدكم هنا فى مجموعتكم وجروبكم حب جروب

النهارده بقه علشان نثبت اشتراكنا فى الجروب وعلشان كمان نتعرف على بعض على اساس اننا ابناء جروب واحد ونقدر من خلال الجروب اننا نفيد ونستفيد اكتر من بعضنا البعض ......

* استمارة حـب جـــــــــــــــــــــروب *
الاسم : صااااااااااااافى
الشهرة : صوفا
السن : 19
البلد : القاهره ــــــــــ الهرم
الكلية /الجامعة/الدراسة/ المؤهل : كلية الحقوق جامعة القاهره
الهواية :الرسم
الحالة الاجتماعية : .............
المطرب/المطربة المفضلة : تامرحسنى وشرين واليسا
الفنان /الفنانه المفضلة :عادل امام وغاده عادل
النادى واللاعب المفضل : الزمالك طبعا واللاعب عمرو ذكى واوسهالأكلة المفضلة :
الرياضة المفضلة : المشى
صفات تحبها/تكرهها فيمن تعرفهم : الكدب والخيانه
سمات فتى/فتاة أحلامك : انه يكون طيب ومحترم ومتدين واهم حاجه انه يحترم اهلى ويكون بيصلى يعنى الحاجات للى عاوزها اى بنتقدوتك فى الحياة : امى ونفسى اكون زيها فى كل حاجهشخصيه تحترمها وتقدرها[/[color=red]coبابا اكيد وربنا يخلهولى
هدفك فى الحياة : انى اخلص ان شاء الله واخد اليسانس

سبب اشتراكك معنا فى حب جروب : علشان كل الشباب للى فيها من احسن الناس للى فى المنتدى
كلمة لأعضاء حب جروب : واحشتونى اوى بس والله كان فى ظروف وبجد وحشتنونى كلكم كل الاغضاء الحب جروب وكل غضو فى المنتدى

يلا شباب كل عضو من أعضاء حب جروب يدخل ويملأ استمارته علشان يفعل اشتراكه معانا
وكمان علشان نبدأ مسيرة جروبنا ونقص شريط إنطلاقها للحياة

تقبلوا خالص تحياتى وتمنياتى / محمد الشاذلى

معلش طلعت متغلبطه شويه

ههههههههه اللى واخد عقلك يا صافى

اه شكل المذاكره عامله شغلها معاكى وملخبطاكى كده

بس ولا يهمك اعتبرى نفسك خلاص نشطى اشتراكك
وسجلتى بيناتك

نورتينا يا قمر

حبايبى وأصحابى أعضاء جروبنا اللى زى العسل

يلا بقه كلنا ندخل و اللى خلص امتحانات ورجع لنا بالسلامه
يدخل هنا ويستعد معانا بقه علشان نبدأ أول أفكارنا

وهى: الحرية والديموقراطية

ودى اللى ان شاء الله هنقوم بتنفيذها بينا داخل نطاق جروبنا الجميل
.. حب جروب ..

واللى يكون تنفيذها بينا كجروب نواة لتنفيذها على نطاق أكبر وأوسع فى جميع أنحاء العالم على أختلاف أجناسهم ولغاتهم وديانتهم وتطلعاتهم ....

مستنيكم تدخلوا يا أعضاء جروبنا ونشوف هنفكر ازاى الفترة اللى جايه دى

تقبلوا تحياتى : محمد الشاذلى

اهلا بكم يااصحابى

موضوع جميل فى جروب احلى واجمل

تقبلونى عضو معكم وصديق لكم : النجم

استمارة حـب جـــــــــــــــــــــروب *
الاسم : حماده العجوز
الشهرة : النجم
السن : 22سنه
البلد : المنصورة
الكلية /الجامعة/الدراسة/ المؤهل : انا حاصل على بكالوريوس تجاره(جامعه قناه السويس)
الهواية : كره القدم
الحالة الاجتماعية : نفسى اتجوز
المطرب/المطربة المفضلة : عمرودياب--شرين
الفنان /الفنانه المفضلة : احمد السقا-عادل امام-منى زكى-منه شلبى
النادى واللاعب المفضل: اهلاوى صميم—ابوتريكه, بركات
الأكلة المفضلة : المكرونه
الرياضة المفضلة : كره القدم
صفات تحبها/تكرهها فيمن تعرفهم : احب(الرومانسيه-الصدق-الحنان) اكره(العنف-الغباء-الملل)

صفات فتى/فتاة أحلامك : ان تكون محترمه-متدينه-رومانسيه-كفايه كده انا مش طماع

قدوتك فى الحياة : رسول الله صلى الله عليه وسلم
شخصيه تحترمها وتقدرها : السيد الوالد
هدفك فى الحياة : ان احقق كل ما اتمناه وان اكون شخصيه مرموقه فى المجتمع لكى انال احترام الجميع

سبب اشتراكك معنا فى حب جروب: والله انا قلت ان محمد الشاذلى صاحبى قلت اجمله وادخل فى الجروب بتاعه ومن قدم شئ بيداه التقاه وهنيالك يافاعل الخير والصواب هههههههههههههههههههههههههههههههههههههههههه بس والله انا اشتركت عشان الناس العسل اللى فى الجروب وبجد نفس نكون اصحاب بجد

كلمة لأعضاء حب جروب : اتمنى لجميع اعضاء حب جروب التوفيف ودوام الصحه وان اكون عند حسن ظنكم وان اكون صاحب وفى لكل الاعضاء

تقبلوا تحياتى:النجم

هلا بالنجم
أيون كدا

اهلا اهلا بيك يا مادو

كويس انك موجود يا نجم
بجد ليك وحشه .. وحشنى موووت

عموما خليك معانا الايام الجاية هتشهد تطورات فى جروبنا
فهمتك معانا يابطل ............. اوك

تقبل تحياتى : محمد الشاذلى

ازيكم ياشباب سمعت ان الجروب بتاعكم جامد (طحن)

حبيت ان اشترك معكم لان ... النجم .... حكالى كتير عن الجروب واعضاءه اللى زى العسل

بس انا مش معايا فلوس (هو الاشتراك بكام؟)

ممكن ادخل بالتقسييط المريح هههههههه

لابجد نفسى اكون عضو من اعضاء حب جروب

تقبلوا مرورى

استمارة حـب جـــــــــــــــــــــروب *
الاسم : حسين متولي
الشهرة : تيتو ترك
السن 22 :سنه
البلد : المنصورة
الكلية /الجامعة/الدراسة/ المؤهل : ليسانس اداب قسم لغات شرقيه
الهواية : الرسم
الحالة الاجتماعية : اعزب وارمل
المطرب/المطربة المفضلة : كاظم اللي مابينامشي / فاطمه عيد

الفنان /الفنانه المفضلة : عائشه الكيلاني / عبدالله مشرف
النادى واللاعب المفضل: اهلاوى / بني عبيد – بيرلو/حماده شنح
الأكلة المفضلة : مكرونه والسمك
الرياضة المفضلة : كره القدم 5
صفات تحبها/تكرهها فيمن تعرفهم: احب( الامانه والصدق والهبل (
واكره (الخيانه-الكذب)

صفات فتى/فتاة أحلامك : خفه الدم-جميله-محترمه-
تكون بتعرف تطبخ ومعاها قرصات طبخ
قدوتك فى الحياة : رسول الله صلى الله عليه وسلم
شخصيه تحترمها وتقدرها : اللي بيحترم نفسه
هدفك فى الحياة : اني اجوز العيال وبعد كده اطلق امهم

سبب اشتراكك معنا فى حب جروب :ان انا وحداني وقلت ادخل مع صحابي واتعرف علي ناس لذيذه من خلال الجروب

كلمة لأعضاء حب جروب : ااتمني لكم التوفيق ودوام الصحه وفي واحدهايلف بالصندوق اوعي حد يقوم من مكانه تبرعوااااااااااا ههههههههه

علي فكره انا بهرج معاكم اوعي حد يزعل مني

انا نفسي نكون صحاب وانا بحب الهزار

علي فكره في كلام صدق وكلام هزار

واللي ها يطلع الصدق من الهزار ليه جايزه

الاسم .. اسماء
الشهر.. سمسمه او سمكه
السن.. 18
البلد.. المنصوره
الكليه.. اولا درسات اسلاميه قسم شريعه
الهوايه.. القرائه وفى هوايه تانيه بس مكبوته شويه التصميم بحب اعمل ديكورات
الحاله الاجتماعيه.. لسه والحمد لله
المطرب المفضل.. عمرو دياب - شرين
الفنان \ الفنانه المفضله.. كريم عبد العزيز - منى زكى
النادى المفضل.. الاهلى ..اللعب المفضل فى الاهلى ابو تريكا
بس لعيبى المفضل هو عمرو زكى
الاكله المفضله.. المكرونه بجميع اشكلها والونها - والمحشى
صفات احبها \ واكرهها فيمن تعرفهم.. ( احب الوفاء - الصداقه - الحب )(اكرها الخيانه - الغباء - الرتابه )
الرياضه المفضله.. الملاكمه
صفات فتى احلامى.. يكون محترم عارف ربنا متدين بيحترم اهله لان اللى ملوش خير فى اهله ملوش خير فى حد ويكون بيحبنى ومخلص ليه
قدوتى فى الحياه.. الرسول صلى الله عليه وسلم
شخصيه احترمها واقدرها.. ولدى
هدفى فى الحياه.. حاليا اخلص الكليه الزفت دى وبعد كده اشوف هنعمل ايه
سبب اشتراكى فى الجروب.. يعنى اصلى بحترمك جدا يا شاذلى وبقدرك وبعدين الموضوع حلو وفكرته حلو وبيقربنا من بعض اكتر وكمان عشان اخلس عاليك واقطع عاليك خلاسه تقول ايه
بس بجد انت شخصيه كويسه جدا ومتفهما ويارب متزعلش منى فى اى حاجه حصلت منى اختك الصغيره بس يعنى متخدش فيها هما كام سنه عمى اللى بينى وبينك ده انا بفخ فيك شويه
كلمه لاعضاء المنتده ...
بحبكم

يالا يا شاذلي مستنيين افكارك الجديدة في الجروب

جميل قوى يا جميل الروح الجميله اللى مابينا دى

ويارب تفضل دايما هى السمة السائدة على طول
ونضل طول عمرنا اصحاب ومانتفرقش ابدا

بجد انا اول مره اشوف الجروب ده يا شازلى
وانا معاكم ياباشااااااااا فى الجرووووب الجامد ده
تحياتى لك يا شازلى

استمارة حـب جـــــــــــــــــــــروب *
الاسم : عطيه شوقى
الشهرة : عايش او تيتو
السن : 19 سنه و 4 شهور كدا
البلد : المنصوره
الكلية /الجامعة/الدراسة/ المؤهل : اكاديميه هندسه خاصه
الهواية : لعب الكوره اصل انا بلعب فى نادى عقبال عندكو كدا
الحالة الاجتماعية : لسا على الله
المطرب/المطربة المفضلة : اكيد من غير كلام عمرو دياب ورامى صبرى وحماكى
الفنان /الفنانه المفضلة : منى ذكى صغنتوته كدا
النادى واللاعب المفضل : النادى الزمااااااااااالك طبعا والاعب المفضل جمال حمزه وطبعا عمرو ذكى
الأكلة المفضلة : السمك
الرياضة المفضلة :كوره القدم
صفات تحبها/تكرهها فيمن تعرفهم : صفات احبها الصدق / الحب صفات اكرها الخيااااااااااااااااااااااااااااااانه
سمات فتى/فتاة أحلامك : انها تكون محترمه بتخاف من ربنا وبتصلى وتكون حريصه على حبى لها وتكون رفيعه شويه اصل انا بموت فى البنت الرفيعه
قدوتك فى الحياة : الرسول صلى الله عليه وسلم والدكتور حازم شومان
شخصيه تحترمها وتقدرها : والدى طبعا وخالى ده بمووووووووووت فيه هو ده الوحيد اللى فهمنى
هدفك فى الحياة :انى اسافر بره احقق اللى نفسى احققه وجوايا طموح ان شاء الله هيتحقق

سبب اشتراكك معنا فى حب جروب : مش عارف حسيت بجد انى اتعرفت على ناس بجد كان نفسى اعرفهم من زمان واول مكلمتهم حسيت انى اعرفهم من زمان
كلمة لأعضاء حب جروب : ياريت نحافظ على صدقتنا دى لالابد ونكون اخوات ونحافظ على بعض بجد انا حبتكو وياريت اكون صديق او اخ خفيف عليكو

عطــــــــــيه .....................

3aesh كتب:: بجد انا اول مره اشوف الجروب ده يا شازلى
وانا معاكم ياباشااااااااا فى الجرووووب الجامد ده
تحياتى لك يا شازلى

عايش بجد انا سعيد بوجودك معانا فى المنتدى

وكمان بقيت اسعد انك عضو من اعضاء جروبنا المتميز
.... حب جروب ........

واتمنى اننا نكون فعلا اصحاب بجد
ودايما منورنا ياجميل

انا عضو لسه جديد فى المنتدى بس حبيته
ممكن تقلونى فى الجروب بتاعكم حكون سعيد جدا
اخوكم اسلاااااااااااااام

esso2100 كتب:: انا عضو لسه جديد فى المنتدى بس حبيته
ممكن تقلونى فى الجروب بتاعكم حكون سعيد جدا
اخوكم اسلاااااااااااااام

اهلا بيك يانجم معانا فى جروبنا المتميز دائما

.... حب جروب ....

وطبعا يشرفنا انك تكون معانا فى الجروب
صديق عزيز علينا كلنا وكمان تقدر تساهم معانا بأراءك
وتقولنا وجهات نظرك وأفكارك فى امكانية تطوير المنتدى بصفه عامة
وجروبنا ... حب جروب ... بصفة خاصة

بس لازم الاول تفعل اشتراكك معانا فى الجروب بأنك تملأ استمارة التعارف
زى الأعضاء اللى قبلك .

(استمارة حب جروب)

تقبل خالص تحياتى : محمد الشاذلى

هواااااااااااااا ده

mohamedshams كتب:: هواااااااااااااا ده

اهلا بيك يا محمد معانا فى جروب الحب

........ حب جروب ...........

ويارب يكون هوه ده فعلا اللى انت عاوزه
واللى بتدور عليه
ويكون الجروب اضافه ليك ان شائ الله

بس لازم زى ماقولت يا نجم لازم تفعل اشتراكك بملئ استمارة التعارف

تقبل تحياتى : الشاذلى

» رابطة صيادلة الزقازيق
» رابطة كليه تجاره
» قسم رابطة معهد الدراسات التعاونية
» رابطة شباب وبنات اكاديمية الدلتا للعلوم
» ياشبااااااااااااااب رابطة الكرافتة وبالصور كمان ... يالا مش حرماكم من حاجة اهو