10 طرق عشان تعكنن علي مراتك

عشر طرق عشان تعكنن على مراتك
1
الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قولها مادام صحيتى يلاروحى حضري الفطار بقى
2
اذا كنت بتتفرج على التلفزيون وهى عايزة تغير القناة قولها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله ولو كنت بتتفرج على ماتش كورة هيبقى الموضوع اسهل كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( اغلب النساء ذو ثقافة كروية ضعيفة )
3
اصح يوم الجمعة بهمة ونشاط وجهز الافطار لزوجتك بس متنساش انك تستخدم عشرين طبق واكبر كمية من الملاعق والشوك و عشر كوبيات وكام حله من الحلل اللى عندكم فى المطبخ لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض
4
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها عشرين سنه بس اتحجج بضعف الاضاءة فى البيت وانت بتبص على النجفة اللى عندكم اللى فيها تلاتين لمبة مع ابتسامة صفراء خفيفة
5
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات يراعى التجول وانت مستمتع بأكل الجاتوة امامها
6
متنساش رأيك فى طبيخها لو عاملة لحمة قولها حلوه اوووى الفراخ دى ولو طابخة بامية قولها جميلة اوى الملوخية دي ياحياتي حطة عليها اية
ولو عملة كيكة قولها انا بحب اشرب شاى مع البسكويت الحلو دة
7
لو طلبت منك تنشر الهدوم قولها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك
8
لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
9
لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟
10
وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوب تقعد تستريح جنبك بصلها وقولها حبيبتى معلش ممكن كوبية مية علشان ضهرى بيوجعنى

ههههههههههههههههههه إية الدلع ده دا انته كدا مدلعهم على الآخر وممكن ياخذوا على كدا لا عرفهم بس أن الدلع ده مؤقت

كله ده ودلع
بس مهما عملتوا مش هاتقدروا تعكننوا علينا أحنا بقى بــــــــــارديــــــــن خالص
ولا هايأثر معانا كل ده بس هانعرف أزاى أحنا اللى نحرق دمكم
1_مش هاتقوم من النوم مهما عملت ولو تكرمت وفتحت عينيها هاتقولك الاكل عندك فى التلاجه روحه سخنه ياحبيبى أصل رجلى مش قادره أأقف عليها
2_تشيل كوبس الكهرباء وانت دمك يتحرق ومتعرفش تتفرج عالمطش ههههههه
3_ياسلام ده كده عال العال يبقى يكمل جميلته بقى وغسل المواعين وينضف المطبخ
4_هاتقولك ميرسى يا حبيبى قد كده انا غاليه عندك كل ده شمع علشانى وفى عيد ميلاد مش هاتجيبلك غير شمع وخرطه من التورته طفايه عليك علشان تعرف انت كمان غلاوتك عندها
5_هاتبصلك فى الجاتو وان شاءالله هايجيلك تسمم وعالمستشفى عدل يا مان ههههههه
6_عادى جدا هاتقولك عجتك الملوخيه والفراخ ياحبيبى ياسلام ده انا هاعملهالك كل يوم وطبعا هى بتقول كده رأفة بيك لانك أهبل ومش عارف تميز بين اللحمه والفراخ والملوخيه والباميه بس يالله عشان تعرفوا اننا بنستحملكم بردوا
7_دى بقى بسيط ولا يهمك الهدوم اللى وقعت تغسلها عــــــــــــادى خالص وكذلك مسح الارضيه اللى وسختها
9_الكوبايه دى بقى بسيط
لم اللى اتكسر كده وانت زى الشاطر وروح ارميها فى سله الزباله اللى فى اخر الشارع
10_واخيرا هاتقولك الميه قاطعه يا حبيبى وانت تقوم تلاقيها موجوده بس ده طبعا بعد ماتكون قومت شفت وشك حلو الميه جات على طول اول ما مسكت الحنفيه ههههههههههه
اى خدمه لما نشوف بقى مين اللى هايحرق دم التانى

ههههههههه
ايه ده يابوسي وانتي فاكره بقي ان احنا عبط وبينضحك علينا كده بالساهل
1_مش قادره تقفي علي رجلك ياحبيبتي ياخساره كنت ناوي افسحك النهارده
2_كوبس الكهربا اساسا هو مكهربه عشان لو فكرت تشيله
3_اصل المعروف ان الراجل بردو هو اللي بينضف المطبخ ويغسل المواعين
طيب الشغاله اللي هو متجوزها دي لزمتها ايه؟
4_هيقولها غاليه ايه يابنتي ده الشمع ده كله عشان لما نطفي النور المكان يبقي منور
5_وتبصلي ليه ماانا اساسا هاعزم عليها واكلها بايدي كمان (بالسم الهاري) لو عايزه تاكل
6_ياريت ياحبيبتي تطبخيها كل يوم بس كتري الملح شويه اصلها دلعه حبتين
7_مسح الارضيه وغسيل هدوم لما تزهق وتفقين خلاص
8_ومفيش سله في البيت ولا ايه؟
9_الميه قاطعه ياحبيبي
لا ياحبيتي انا اقصد من التلاجه
اتحرقوا بقي

هههههههههههههههه
حرام عليكم يا ظلمه يا مفتريين
كل ده عايزين تعملوه فينا
ده علي اساس انكم هتتجوزوا بنات هبله يعني ههههههههه
لا ده بعدكم
ده احنا هنخليكم تنضفوا البيت وتحموا العيال وتجهزوا الاكل كمان
اه اومال احنا متجوزينكم ليه يعني هههههههههههههه

نتزوج بنات هبلة ليه دا على اساس إنه في بنات عندها عقل ولا ايه ايه المعلومات البتوصل متأخره ديه ما كل البنات هبله وعبيطة وعندها تخلف عقلي كمان شوفي يا بينتي إنتي وهيه عيشوا اليومين الانتوا هتعشوهم بسلام بدل ما نعكنن عليكم ونطلع عنيكم وكمان هتعملوا الاحنا عاوزينه

ههههههههههههه
يا محمود بلاش تخلينا نوريكم الوش التاني
خلي الطابق مستور

طول عمركم كلام وش تاني ايه يا أم وش انتى وهيه

واد يا عسليه انا خيفه عليك والله لما تجوز مراتك هطين عشتك وهتيجى تقولى سعدها حقى برقبتى
على فكره انا شايفه الكلام ده من زمان بس بصراحه انا كنت هموت من كتر الضحك
وكنت وقتها قعده مع صحابى ويقولولى الى كاتب الكلام ده عاوز الدبح وانتى بتضحكى
بس بصراحه عجبتنى عشان لو جوزى فكر مجرد التفكير انه يعمل كده هدمره وهيندم على اليوم اللى فكر فيه يعمل حاجه زى دى
سلام يا عسليه

تدمرى مين بس انتى محسسانى انك تبع تنظيم القاعدة روحى ربى عيالك بس احسن تموتى هنا انتى وهى

متخافيش يااسماء انا اعرف ازاي اتعامل معاهم
بص وطل دول كلام ع الفاضي

بس مهما عملتوا مش هاتقدروا تعكننوا علينا أحنا بقى بــــــــــارديــــــــن خالص
ولا هايأثر معانا كل ده بس هانعرف أزاى أحنا اللى نحرق دمكم

ايه يابوسي مش سامعلك حس
طيب فين الردود ع الردود مش انتوا هتعرفوا ازاي تحرقوا دمنا
انا مستني

دا اكيد بوسي زمالكاوية وعاملة ثلاث ايام حداد على الزمالك

عتتعامل معاها ازى نورنى ههههههههههههههههه اشك انك هتقدر ترفع عينك بس فى وشها
وبعدين الاخ التانى اللى شايف نافسه ده ما يخلى فى حاله وما يقعش معايا اصلوه مش هيستحمل

يااسماء انا اعرف اتعامل معاها ازاي وبعدين انا مش هاقدر ارفع عيني في وشها ؟ماشي
مش هاقولك بقي انا هتعامل معاها ازاي
محمود باشا لو هي زملكاويه مكنتش هتكون معانا في المنتدي لانها هتكون عامله حداد طول عمرها

احمد ثابت كتب:: ههههههههه
ايه ده يابوسي وانتي فاكره بقي ان احنا عبط وبينضحك علينا كده بالساهل
1_مش قادره تقفي علي رجلك ياحبيبتي ياخساره كنت ناوي افسحك النهارده
2_كوبس الكهربا اساسا هو مكهربه عشان لو فكرت تشيله
3_اصل المعروف ان الراجل بردو هو اللي بينضف المطبخ ويغسل المواعين
طيب الشغاله اللي هو متجوزها دي لزمتها ايه؟
4_هيقولها غاليه ايه يابنتي ده الشمع ده كله عشان لما نطفي النور المكان يبقي منور
5_وتبصلي ليه ماانا اساسا هاعزم عليها واكلها بايدي كمان (بالسم الهاري) لو عايزه تاكل
6_ياريت ياحبيبتي تطبخيها كل يوم بس كتري الملح شويه اصلها دلعه حبتين
7_مسح الارضيه وغسيل هدوم لما تزهق وتفقين خلاص
8_ومفيش سله في البيت ولا ايه؟
9_الميه قاطعه ياحبيبي
لا ياحبيتي انا اقصد من التلاجه
اتحرقوا بقي

ألهى أشوفك فيك يوم يا أحمد يا ثابت
ايه القدره دى
ربنا عالظلم والمفترى
بس بردوا مش هانستلم ده بعدك

ومين دى اللى زملكاويه يا عم محمود أنت بتشتمنى
عيب يا ابنى الاهلى عم الكل وهو بقى فى الايام دى حد زملكاوى ما انقرضوا من زمااااااان

طمنتيني يا بوسي

بوسي اعترفي ان انتوا مش هتسلكوا معانا

ده بعدك

بس دي الحقيقه بردو مش لاوم اعتراف

عسليه احنا عارفين اللى فيها
دى مراتك هتوقفك صفا وانتباه اكنك فى معسكر فى الجيش
والايام بيننا
وهتيجى تقولى كل كلمه قولتيها صح وانا خلطان

هههههههههههههههه

ايه يا أسماء أنتي محسسانا إنك مرات أبوة

مش عارف ايه ده يامحمود
وبعدين يابنتي انتي مالك انتي

انا مالى ماشى انا كنت عاوزه اعرفك اخرتج سوده ازى
يارب وقعه فى واحده تحبوا حب قصدى تطين عشته وتوريه ايام سوده
قول امين
عارف يا محمود لو كنت مرات ابوه كنت عاملت ايه
كنت طلقت ابوه و .........................

هههههههههههههههههه

خلا ماتكمليشي أصل الواد يخلي أبوة يتزوحك ويشوف بقا هتنفذي القولتية ولا ايه

» بلاش تسيب مراتك فى البلكونه
» ممكن تتنازل شويه عشان حبك
» خبايا عن طبيعة الانثى ...... عشان خاطرك بس ياسليمان مزيكااااا
» ادخلوا يا بنات عشان تعلموا الشباب الادب هههههههههههههههههههههههههههههههه بالصور
» ترجمه تايتنك عشان خاطر لومانسين اللى زييى(saad)