نكت جامده مووووت

1_واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

2_شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في الملاهي؟

3_مرة واحد اطرش وقف سواق تاكسي اطرش برده وقاله مصر الجديدة ؟
رد السواق وقال لا والله انا رايح مصر الجديدة
رد الراجل وقال معلش انا كنت فاكراك رايح مصر الجديدة

4_واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه

5_واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول .

6_مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ .

7_مرة واحد بلديتنا راح يشترى قفل فالبيّاع جابلوا قفل كبير فقاله بلديتنا يا بووووى !!

قاك جايبلوا قفل صغير فقال بلديتنا يا خوووووى (من غير زعل)

8_مره دكتور عظام مشى بليل الكلاب طلعت تجرى وراه

9_واحد صاحب مزرعة فراخ محمل العربية فراخ و سايق وقفته لجنة و
سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟".

و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة و تسمم الناس؟".

الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي عايزاه"

10_يقولك فيه حرامي دخل بيت عشان يسرق
وهو يفتش في البيت طلعت عليه صاحبه البيت وكانت تخينه اوي ومسكته ورمته على الارض وقعدت عليه
وراحت تنادي ولدها: محمد انده ابوك من على القهوه
الحرامي قاله بسرعه يامحمد وحياة والدك بسرعة

11_مره دكتور مجانين دخل على العيانين بتوعوا العنبر لقاهم معلقين واحد مكان النجفه بيلفوا حوليه وبيغنوا النور جه النور جه ولقى مجنون قاعد ساكت لوحده فقله الدكتور انت مش فرحان زييهم بالنور ليه قاله يادكتور طيب دوول مجانين حد يعمل كده برده قاله كويس يعني انت عاقل قاله طبعا قاله طيب ليه مش خليتهم ينزلوه رد عليه المجنون كده برده يا دكتور يعني ننزله ونقعد في الضالمه

12_ثلاثة مجانين طالعين فوق الشجرة ، جالهم الطبيب النفساني وقالهم انزلوا من فوق الشجرة
نزلوا اثنين وبقا واحد قاله انته ياللي فوق مانزلتش ليه ؟
صحبابه المجانين قال لو : سيبوا ، ده ليسة ماستواش

13_ابو العربي راح ع القهوة
قال لهم مش تباركوا لي مش انا خطبت البت سعااااااااااد
واحدرد علية وقال له يا راجل سيبك منها دي ماشية مع نص شباب بورسعيد
ابو العربي قال له يا راجل وهيا بورسعيد كلها أد ايه

14_دي لاسماء

مره واحد محشش بيسال واحده اسمك ايه قالت اسماء قالها مفيش اسم محدد

15_مره واحد راح السودان باليل ملاقاش حد

نكت جميله يا احمد بس المشكله انا بجد مش عارف اضحك واخواتى الفلسطينين بيموتوا قدام عنيه ومش عارف اعمل حاجه غير الدعاء
تقبل مرورى محمد(ميدو)

ههههههههههههه ياربى ع التخلف
لا بجد حلوين اوى تسلم ايدك ههههههههه

هههههههههههههه
محمد تسلم أيدك تقبل مرورى

medo2003 كتب:: نكت جميله يا احمد بس المشكله انا بجد مش عارف اضحك واخواتى الفلسطينين بيموتوا قدام عنيه ومش عارف اعمل حاجه غير الدعاء
تقبل مرورى محمد(ميدو)

مرورك مقبول ياصاحبي

shosho كتب:: ههههههههههههه ياربى ع التخلف
لا بجد حلوين اوى تسلم ايدك ههههههههه

شكرا شوشو ويارب يكونوا عجبوك

اقولك حاجه بصراحه يا احمد انت احسن من النكت بس المشكله اننا بجد مش عارفين نضحك ابدا

وننسى الا فى فلسطين تقبل مرورى

ههههههههههههههه

كتير حلوووووووووووه

منايا كتب:: ههههههههههههههه

كتير حلوووووووووووه

شكرا وياريت تكون عجبتك

medo2003 كتب:: اقولك حاجه بصراحه يا احمد انت احسن من النكت بس المشكله اننا بجد مش عارفين نضحك ابدا

وننسى الا فى فلسطين تقبل مرورى

محمد احنا اكيد كلنا بنتاثر باللي بيحصل في فلسطين وكمان مش قادرين نعمل حاجه غير الدعاء وبندعيلهم ليل ونهار

» نكت جامده ع الحبايب (من غير زعل)
» شوية نكت عن المحششين جامده طحن
» نكت جامده جدا على الزمالك (ممنوع دخول اى حد زملكاوى )
» كلمات اغنيه محمد رحيم ياليتنى براقا بس جامده جدا وجميلة جداااااااااا