هل الحب بين الشباب والبنات بهذه الطريقه فى الايام دى

في الأيام دي اصبحت كلمة (بحبك) تقال بلا حساب وكأنك بتقول انا بحب المانجة

تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم

من هنا كنت عايز اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه

بالنسبة للشاب:

معنى انك قلت الكلمة دي يعني انت على استعداد انك ترتبط بالإنسانة دي طول العمر وتغير مجرى حياتك لأنك اصبحت مش ملك نفسك لوحدك ولازم تفكر بكل الطرق ازاي تبني مستقبلكم ...لما تقول كلمة بحبك لبنت لازم تكون كلمة من قلبك مش للتسلية لأن كسر القلوب غالي ولو انت عملت كدة أكيد الحركة دي هتترد فيك او في أولادك
لازم تكون على استعداد للتضحية...مش كل حاجة انت بس اللي تاخدها
لما تقولها تكون عارف ومتأكد ان ده حب حقيقي منك مش بتقولها كدة لعب عيال
فكر ألف مرة قبل ما تقولها...واعلم ان مسئولياتك زادت
لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم

ومعلش اسمحيلي بأضافه. كلمه بتجنني .بجد بفقد اعصابي اما بسمع ولد يقولها لبنت. (انا مش عايز اظلمك معايا انا ظروفي مش عارف هتتصلح امتي خلينا اصحاب احسن)
طب وانت ياابن الناس ماكنتش عارف ظروفك دي؟
طبعا كنت عارفها ...طب اما انت كنت عارفها ماكنتش عارف انك كده هتظلمها معاك؟
طبعا كنت عارف...طب واما كنتش عارف قلتلها بحبك ليه؟
ياشباب البنت اما بتسمع كلمة بحبك من شاب وتحسها بيبقي عندها استعداد تقف جنبه مهما كانت الظروف
اتقوا الله فينا واعرفوا انكم ليكم اخوات بنات ماترضولهومش وجع القلب
جرح القلوب مش بالساهل

بالنسبة للبنت:

فكري مليون مرة قبل ما تقوليها لأن بعض الشباب هوايتهم صيد البنات الساذجة الطيبة واللي أول ما يسمعوا الكلمة دي منك يجري لأصحابه ويقول ضحكت عليها يللا نشوف واحدة غيرها
فكري كتير واتعظي من خبرات اللي سبقوكي وانكسر قلبهم
لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قال الشرع
تأكدي من شخصيته..واسألي نفسك هل اقدر اعيش معاه فعلا
مفيش شاب كامل طبعا بس برضو أختبريه بدون جرح مشاعره
أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته
لازم كل حاجة تعمليها يكون هو على علم بيها
في بنت هتقولي انا في كلية وطبيعة المواد والسكاشن اني اتعامل مع شباب...ماشي مقلناش حاجة بس هو لازم يكون يعرف واحترمي غيرته عليكي وعصبيته في الوقت ده لأن دي اشارة انه بيحبك فعلا طالما بيغير وفهميه وجهة نظرك بهدوء
طبعا مفيش داعي ان انا اقول بلاش تقولي كلمة بحبك للتسلية أو لأن في شاب عمل فيكي مقلب وحبيتي ترديه في واحد تاني انتقاما من الشباب!!
لازم تحكمي عقلك كتير أوي قبل ما تحكمي قلبك في بداية الطرق
لحد ما تتأكدي مليون في المية ان الحب بينكم صادق

----------------------------------------------------------------------

كلمة بحبك بداية تكوين أسرة ولو اتبنت على أساس غير سليم يبقى قول على الحب يللا السلام وانهيار الأسرة في الطريقالسؤال دلوقتي ليكم لية البنت بتفكر تخدع او الشاب بيخدع البنت ليه مش كل واحد يعامل التاني علي حسن النية بدون مقالب ولا مشاكلة وكسر قلوب ليه من الاول لما انت عارف انك مش هتكمل معاها تعشمة وتخلية تتعلق بيك هو جرح القلوب بقا رخيص قوي كده
بس عمتا
اعمل ما شئت فكما تودين تودان

عايش/
اهداء/ عطيه شوقى

بجد ياعطيه موضوع جميل اوي

فعلا الحب بقي كلمه سهله اوي ومحدش بيقدرها

البنت تخون

الولد يتسلي

الاول كان الواحد عشان يقول بحبك

يفضل يقول عايز اقولك علي كلمه

مش قادر بجد اقولها

وهي ها بس قول

وهو مش قادر

بصراحه

انا ..انا..انا.....لا مش قادر

وفي الاخر انا بحبك

ههههه

دلوقت من اول مقابله انا بحبك

ولما يروح يضيف لرصيد البنات اللي كلمهم وقالها انا بحبك

تقبل مروري ياجميل

موضوع جميل بجد يا عطية
وفعلا والله عندك حق
كلمة بحبك بقت سهلة اوي دلوقت
مع ان الكلمة دي المفروض اللي يقولها يبقي قدها
ولازم يلتزم بيها
لكن بجد دلوقتي بقت سهلة اوي وخاصة عند الولاد
ودايما البنات هما اللي بيتظلموا لما بيصدقوا الشاب اللي قدامهم

الملاك الشقي كتب:: موضوع جميل بجد يا عطية
وفعلا والله عندك حق
كلمة بحبك بقت سهلة اوي دلوقت
مع ان الكلمة دي المفروض اللي يقولها يبقي قدها
ولازم يلتزم بيها
لكن بجد دلوقتي بقت سهلة اوي وخاصة عند الولاد
ودايما البنات هما اللي بيتظلموا لما بيصدقوا الشاب اللي قدامهم

تسلم أيديك ياباشا بجد
بس صدقينى أنا من زمان بقول مفيش حب بس بحاول أجد حتى لو كان مع
صاحبى
أم حبظلم أكتر حد بيتأثر الشاب مش القتاة ويأكيد أنتى فاهمنى

كلمه بحبك دلوقتى فعلا بقت كلمه رخيصه
من كتر ماالواحد بقى يسمعها فى كل حته مبقاش قادر يفرق بين الحب الحقيقى والتسليه
لان معظم البنات والشباب دلوقتى بيتسلوا الولد حتى لو عارف ظروفه فى اولاد شايفين انه
يعلق بيه بنت ويضحك على دى ويجرح دى انه كده مرغوب منه وبيثبت شخصيته ويتباهى قدام زمايله وده للاسف بقى كتير الايام دى وانا اعرف ناس كده كتير
وبالنسبه للبنات فى بنات زى الشباب كده بتحب تتسلى وعاوزه تحس ان كل الاولاد يبجروا وراها
وفى الاخر هى بتسيبهم واوقات فى بنات بيعملوا كده نتيجه لجرحه اتجرحوا فبتقرر تنتقم من كل ولد تقابله مع انه ممكن يكون مالوش ذنب فى كده
بجد حال البنات والاولاد دلوقتى بقى حاجه تحزن فعلا
بس بردوا فى أولاد وبنات كتير كويسين وعارفين معنى الكلمه دى بجد بس الاغلب العكس
كفايه كده انا طولت عليك
موضوع جميل* تقبل مرورى

ميرسى على المرور يا احلى فرندس فى الدنيا

» مباراة كرة قدم بين الشباب والبنات ؟؟؟؟
» الفراغ العاطفي عند الشباب والبنات في سن المراهقه اسبابه وعلاجه ..!!
» مقارنة بين الشباب والبنات
» قوانبن قسم الشباب والبنات
» همسات الحب بين الزوج وزوجته ..ده الحب بجد