اصول الرزالة ... اوعى يفوتك

بصراحة مقدرتش مضيفش الموضوع ده للرزالة
bounce

علشان تعرفوا تغلسوا على خلق الله بضمير ، و اليكم قواعد الغلاسة الأصلية

· قول نكته طويلة و لما تيجى عند آخر سطر - وهو السطر المهم اللى فى
الأفيه - أعمل نفسك نسيته ، لو حد غلس عليك قوله " و الله كانت نكته جامده
بس الظاهر أنى نسيتها " . Mad

· هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول .

· و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .
Crying or Very sad

· لما حد يشكي لك من حاجة قوله أنا عندى مشاكل أكتر منك !! . rabbit

· و أنت فى مطعم ... بص للى قاعد على الترابيزة اللى جنبك و أنت ماسك لقمه فى ايديك و قول له " ممكن الطحينه بتاعتك ثوانى ؟" !!! .

· كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ،
قوله " أتجوزت ؟! " هيقول : أه الشهر اللى فات ، قوله " الشهر اللى فات ؟!
" و هكذا .

· و أنت بتتكلم مع حد برق عينيك فجأة و اسأله " سمعت ؟! " هيسألك سمعت أيه ؟ ، قوله " ولا حاجة ... راحت خلاص" !!! .
geek

· بعد عشر دقايق كرر نفس الحركه تانى .

· و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر .

· و أنت بتتكلم مع حد ، افضل مركز فى وشه جامد ، لغايه ما هوا يقرف منك فى الآخر . cherry

· طول ما انت قاعد مع زمايلك فى الشغل ، صفر موسيقى نشيد بلادى ، و صدقنى
هايحدفوك بأى حاجه فى وشك أيه الرزاله اللى انت فيها دى يا عم أرحمنا بقى
!!! .

· و أنت بتصور ورق و في حد مستنيك ، اول ماتخلص اظبط مكنة التصوير على 98 نسخه و قوله بابتسامة واسعة " اتفضل " .
أستلف قلم من حد ، و حط القلم فى بقك ، و أعمل نفسك بتفكر و منهمك و أنت عمال تعضعض في القلم ، أوووف يخرب بيت الرزاله jocolor

· و أنت في المول ، ماتمشيش عادى ، لأ ... أفضل نط لحد ماتوصل للمكان اللى
أنت عايزه ، وده فى حد ذاته يعتبر هبل مش رزاله ، بس ما علينا الناس
هاتقرف منك برضه و هو المطلوب .

· في الاتوبيس أمضغ لبانه بصوت عالى و أنت واقف أو قاعد جنب حد بيقرا مجله او جرنان ، و أنت بتقرا معاه طبعا !!! . اصول الرزالة ... اوعى يفوتك 3

· أعزم ناس في حفلات ناس تانيه " عيد ميلاد أو فرح او خطوبه ... " .
في حفلة عيد ميلادك أطلب من ال D.j أنو يشغل أغنية يعيدها 18 مره ورا بعض
... " أنا بحب الأغنية دى اوى يا جماعة " ، يا رزالتك يا اخي ربنا يهدك
بجد .

· لو واقف جنب حد بيعد فلوس و في وسط ماهو بيعد ، قول بصوت عالى أى رقم عشوائى 862 !!! . rendeer

· ألعب فى ألوان التليفزيون لحد ماتبقى كل الناس لونها بنفسجي ، و أعزم
أصحابك يتفرجوا عالماتش عندك ... و لو حد اعترض ، قوله " أنا شايف أن دا
لون الحياة الحقيقي " ، ما كنت تسيبهم يتفرجوا عليه فى القهوة أحسن يا عم
الحج ايه الرزاله دى .

· و أنت ماشى في حته كل ماتقابلك حاجة طبل عليها !!! .

· ألبس جراب زي اللى بيحطوا فيه المسدس ... بس حط فيه الريموت كنترول .

· أحرق الكتاب أو الفيلم في جملة واحدة ، تعرف الناس نهايته قبلها بمدة ، أوف دا أنت فعلا رزل . pale

· غير قناة التلفزيون قبل نهاية الفيلم و أو الماتش ب5 دقايق .

· أضحك لواحدة ماتعرفهاش في الشارع و قولها بصوت عالى صباح الخير ...
عامله أيه ؟ ، هاتديلك بالقلم و تمشى عادى ، يا عم أعمل حساب أنها هيا
كمان ممكن تكون شافت الموضوع ده bom

وكده بقه انا أديتكم العلم اللي ممكن تنتفعوا بيه وتغتتوا على خلق الله
عشان الناس تمشي تكلم نفسهه في الشارع أكتر مهيه متنيله كمان وكمان Sleep

ههههههههههههههه

ههههههههههههههههههههههههههههههههههه
هههههههههههههههههههههههههههههههه
هههههههههههههههههههههههههههههههههههههه والله يا ممكن انا هعمل كدا ده شىء جميل اوى
هههههههههههههههههه

كويس معانا اول رزل ف المنتدى اهو هههه
متقلقش مش لوحد الباقى فيهم الرزالة بالفطرة
هما اللى مخترعينها ف المنتدى هههه نورت ياكميل

مش عارف أقول أه بجد

رزاله

كل واحد شايف ................ولا بلاش علشان محدش يزعل منى

ههههههه موضوع جميل ياشوشو تسلم ايدك
بس حاجه تخنق اوي

ههههههههههههههه
ايه يا شوشو الرزاله
تسلمى

والله الوحد بيقى جميل اما يبقى رزل

موضوووع جاااااامد اوي

دي رزاله اوي
تسلم ايدك ياقمر
تقبلي مروري
اهواك

ههههههههههه نورتو ياجماعة
يالا اتعلمو بقى وادعولى
بس لازم تراعو ضمايركم وانتو بترزلو ع الخلق كدة وتتقنو ف الرزالة
اصل دى موهبة وانا حسيتها فيكم بصراحة ف قولت انميهالكم هههههه

» ضرب نااااااااااااااااااار .............اوعى ..............اوعى