بنات اليومين دول خش ومتكسفش

قبل اى ضرب ( انا مش بتكلم على كل البنات طبعا )..

دى وجهة نظر الشباب الى صعبان عليا
وهقول شوية صفات كده ع الماشى

نبتدى فى اول صفة

1- النكد

مشفتش اى بنت مش بتحب النكد والنكد ليه صور كتير

الخناق عمال على بطال

وتنكد على جوزها او خطيبها

الى يعينى بيكون غلبان وبيستحمل

( ايوه والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى

او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك

اصلى محلتش النقطة الاخيرة فى الامتحان هسسسسسسسقط

( مع العلم ان النقطة دى فى سوال اختيارى وهى حلته زيادة تاكيد)

2- الميول العدوانية

عمرك شفت بنت بتتفرج على مصارعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين

كمان وحركاتهم ...غير ان فى بنات كتير بطلات رفع اثقال- وتايكوندو-

والعاب عنيفة كتير ( يارب لما تعاكس متقعش فى ايد وحدة منهم)

3- الاسراف

بيحبو يشترو اى حاجة مش مهم هى ايه او بتعمل ايه او فايدتها ايه

بس هى حاجة جديدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه

بس تكون عامل حسابك وبايع بيتكم قبلها عشان تسدد الفاتورة

لان مفيش بنت هتدخلك محل كشرى ولا مطعم فول

4- الغيرة

الغيرة للبنت حاجة عادية للولد تبقى شك

طيب والبنت الى بتبص للبنات الى فى الشارع او الكلية او الشغل

عشان تشوفهم بيعملو ايه وتعمله ( تلقيها ديما تقولك هى فلانة حلوة

كل ده ميك اب بس / علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم

تعاله كلم وحدة فى التليفون وقولها اقفلى تقولك لا انت الاول انت تصر انها

تقفل الاول هتعند معاك لحد مارصيدك يخلص والخط يقطع من عندك

( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هادية ولذيذة ودمها خفيف

ولو زعلتها بتسكت وممكن تعيط كمان...بعد فترة لو لمحت من غير ماتقصد

وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها

كفايا كده عشان طولت اوى

ماشى يا عم عطيه الكلام مظبوط

بس انت معرضه اوى كده ليه

ما انتم برده تخنوقه فى حاجات حاجات

وبعدين الا عايز يعرف بنات يستحمل

هو با السهل كده مش لازم تدفع ضريبه

لا ياعيطه مش كل البنات كده طبعا ولا حتى معظمهم كده
يمكن يكون حبه قلييقلين منهم للى كده بس مش كتير
وتسلم ايدك ياعطيه ع الموضوع مع انك مزودها اوى ع البنات

منوارانى يا هبوب
وانتى صافى
والله منا مزودها ولا حاجه بس هيا دى حقيقتهم يا بنات
وانتم عاميلن ايه الوقتى
انا بهزر طبعا محدش يزعل منى على انى باجى عليكم شويه
بس لازمن يكون فى معارضه

تيلم ايدك ياعطيه مع انك مقلل الموضوع ومش مديله حقه

اديهم اكتر من كده
تقبل مروري

ميرسى يا احمد على مرورك الجميل يا نجم
وانا حاسس انى تقلتها على البنات شويه
بس هما يسهلو كل اللى يجرلهم

هههههههههههههههههههههه عجبتنى وشفت انى عجبها ومكلمناش ده واحد من رجالتكم اللى بيغنى الاغنيه دى
وبعدين فيها ايه مفيش من كلامك ده حاجه تزعل
انا بحب اتفرج على المصرعه جدا وحافظ اسامى المصارعين
وبحب الافلام الاجنبى اللى فيها عنف عادى خالص
بس بصراحه مش بحب اشترى واتعب نفسى والف وبحس احيانا انى مش زى البنات فى النقطه دى
وبعدين معظم اللى كتبته ده دلع بنات انا عن نفسى بكون هشل لما بشوف كده
بس البنات دول نسبه قليله من البنات
اسماء

ايه الرد الجامد ده يا بنتى
سمكه منورانى ياقمرايه

بس المعلومات ديه قديمة قوي دا جزء لا يتجزء من شخصية كل البنات

ما قولتش حاجه بس لكل قاعده شواذ انا بقه من شواذ القاعده
مليش فى شغل البنات حتى لو رحت اشترى حاجه بشترى من اول محل واروح
بلا وجع دماغ

هههههههههههه
منورانى يا سمكه
ومنورنى يا حودا باشااااااا

ده نورك يا كميل
الموضوع منور بصحابه بس خف عاليه شويه

ماشى يا سمكه

على فكره مش مكلم على البنات دى خالص بد كدا
ولا انا جايب مواضيع عنهم كدا بدل ده بيزعل ناس منى

مش بيزعل حد منك احنا بنتناقش وبعدين احنا بنهزر مع بعض روق

اروق ايه بقى
خلينا فى قسم النكت والالغاز
بلاش الااقسام اللى بدخل فيها ددى

لا ادخل عادى يا باشا احنا منقدرش على زعلق
وبعدين خليك منتشر احب اشوفك فى كل المنتده بتكتب موضيع
سلامى ليك

اوك يا يا اسماء
ربنا يسهل

هيسهل صدقنى

يارب

» شباب وبنات اليومين دول يا فرحتى
» هم دول بنات حواء...................
» بنات أخر زمن .....
» بنات وبس
» همسات بنات