كرسي الاعتراف

موضوع: كرسي الاعتراف الإثنين يناير 26, 2009 1:52 am

انا ياجماعه جايبلكم لعبه حلوه
اللعبه موجوده في معظم المنتديات وحبيت انها تكون هنا في المنتدي
وكمان بناءا علي طلب العضوه ساره اللي اول ردي ليها خدته قفش وزعلت
واللعبه من اسمها كرسي الاعتراف
هنجيب عضو يقعد علي كرسي الاعتراف وبعدها نهريه اسئله
يعني كل اللي عايز يساله سؤال يسال عادي وبعد كده نستضيف غيره وهكذا
يارب تكونوا فهمتوا اللعبه وتعجبكم
مثلا انا هبدا واختار مين
حبيبة قلبي اللمضه ( اسماء ) واهريها اسئله ولو حد تاني عايز يسالها اسئله تانيه عادي
استعدي ياسمكه

1- اسمك ايه الحقيقى ؟وايه سبب اختيارك لاسم بيبرس

2- عندك كام سنه وبتدرسى ايه؟

3- ايه رايك فى الحب؟

4- امتى بتتنرفزى وبتبقى عايزه تقومى تضربى الشخصيه اللى قدامك دى؟

5- امتى بتكونى فرحانه اووووووووووى لدرجه انك ممكن ترقصى؟

6- بتعملى ايه فى وقت فراغك؟

7- ايه هو شعورك لما واحد معفن يعكسك وكمان لو واحد زى القمر عاكسك؟

8- هتعملى ايه لو انتى ماشيه فى الشارع وواحد جيه مسك ايدك؟9- بتحبينى طبعا لدرجه انك عايزه تقومى تضربينى؟

10-ايه هما اعز اصدقائك؟

11- ايه رايك فى الصداقه بين الولد والبنت؟

12-ياترى بتحبى مامتك اكتر ولا بباكى؟

13- ايه اكتر شخصيه ندله قبلتيها فى حياتك؟

14-بتفضلى الجواز عن حب ولا الجواز التقليدى؟

15-ايه اكتر اغنيه بتحبيها ؟

16-ايه اكتر ممثل وممثله ومطرب ومطربه بتحبيه؟

17-ايه طموحاتك واكتر حاجه بتحلمى بيها فى حياتك؟

18-لو طلبنا منك تختارى عضو او عضوه هنا فى المنتدى تهديله بوسه واخرى تضربيه تختارى مين؟(اكيد هتضربيني انا )

19-ايه اكتر صفه بتكرهيها فى نفسك؟

20- ايه اكتر صفه بتحبيها فى نفسك؟

21-ايه اول انطباع الناس بتاخده عنك؟

22-لو طلبنا منك تنهى اللقاء ده بكلمه تقولى ايه؟

ينهار انت قولت كل لاساله

مافيش اى سوال تانى انا عاوزه اساله مشتاقه اشوف رد اسماء ع الاساله بس

تسلم ايدك ياحمد ع الموضوع وابقى اعمل حسابى فى كرسى

سلامى ليك ياقمر

ماشي يا احمد مش تقولوا انكم حتبداوا اوك

انا بقي حجيب لااسماء كرسي اعترافها حلو اوي

كرسي الاعتراف 8_30

دا سرير الاعتراف مش كرسي الاعتراف

انا طبعا ممكن اسالك

بس جوبي علي كل الاسالة

•°• لمـــاذا •°•

- لماذا تعشق الهدوء ... ؟

- لماذا إخترت إسمك المستعار ... ؟

-

•°• أيـــن •°•

- أين تقضي جل وقتك ... ؟

- أين تجد راحة البال ... ؟

- أين تجد نفسك في البيت ... ؟

- أين تذهب لو أعطيتك اجازة اليوم ... ؟

•°• مــن •°•

- من يعجبك من أعضاء منتدى .. (( عضو واحد فقط )) ... ؟

- من هو صديقك الصدوق ... ؟

- من أى شئ تغضب ... ؟

•°• مـتـى •°•

- متى تبكي بحرقه ... ؟

- متى تجلس لوحدك ... ؟

- متى تقول لا ... ؟

- متى تكون أناني ... ؟

•°• كيف •°•

- كيف تعيش يومك ... ؟

- كيف ترى حال الأمة اليوم ... ؟

•°• ما •°•

- في عصر العولمة الحالي (( ما رأيك في حب الإنترنت )) ... ؟

- يقال أن الحب يمحو جميع العيوب والأخطاء في المحبوب (( ما تعليقك )) ... ؟

- ما هو سر نجاحك في الحياة ... ؟

- ما أجمل مافي الحياة في نظرك... ؟

دا شيز لونج يا استاز محمود عشان بس تبقي مستريحه

واوعدك كرسيك حيبقي اي مفاجاءة

هههههه ماشي يا أبلة سارة عارف والله انه Chair long ما تقلقيشي إحنا مثقفين بردوا بس كنت بتريق بس وكمان هيه يعني قاعده عند طبيب نفساني علشان تقعدايها على Chair long ولا هتخلع أسنانها كلها ولا أضراسها كلها يعني هههههههههههههههههه

هههههههههههههههههههههههههههه ايه كل الاسئله دى انا عملت فيكم ايه
هحاول اجاوب على معظم الأسئله
ماشى يا عسليه انا هوريك

لا لازم تجوبي عليها كلها

هحاول افضى نفسى
وبعدين فى مش هعرف ارد عاليه اصل الزفت اخويه بيدخل على المنتده مش عارفه اتنفس كل كلمه بكتبها بيقراها همحكومه شويه

انتي بتحاولي تهربي يااسماء من الاجابات
ساره يارب تكوني مش زعلانه مني دلوقت وحلوه اوي الاسئله بتاعتك دي
محمود باشا منور يامعلم وبلاش تشمت عشان ليك يوم
صافي او فرحه اكيد ياقمر هتقعدي ع الكرسي بس ايه الجراه دي يابنتي

تحبوا ياجماعه اللعبه تتجدد كل اسبوع ولا كل قد ايه؟

انت صحبها حدد
وبعدين انا مش بهرب اوك هفضى نفسى وارد على الاسئله

حلوه اوي اللعبه دي
ممكن يااحمد تتجدد كل اسبوع
يلا يااسماء في انتظار ردودك

كميلة اللعبة ياحمد
يالا ياسمسم بقى ورينا شطارتك كة ياقمر وجاوبى ع الاسئلة دى حرف حرف
وانا عشان صحبتك حبيبتك هديلك شوية اسئلة صغننين ومش هتقل عليكى ويارب يكونو خفاف كدة
اية اكتر موقف بايخ حصل معاكى
يوم معين متقدريش تنسية ف حياتك
مواصفات حبيب القلب ههههه
اية اكتر حاجة بتلفت انتباهك ف شخصية الى قدامك سواء ولد اوبنت
بتعبرى عن غضبك وزعلك ازاى
وكفاية عليكى كدة ياقمر عشان مبقاش رخمة
شفتى انا شاطرة ازاى هههه

معلش يا جماعه بجد النت عندى ضعيف خالص وبيفصل منى
هحاول اجاوب بس اشوف النت الاول
متزعلش يا عسليه

يا ريت يا احمد كل واحد يبقي لية اسبوع بس

وانا مش حتقل عليكي تاني في الاسئلة حسيب شويا لااحمد

اوكي ياجماعه كل عضو هيكون اسبوع بس
اهواك منور الموضوع
ساره
مش حتقلي ازاي
دا احنا المفروض نتقل ونرخم ونهريها اسئله
اسماء
براحتك خالص

بسم الله الرحم الرحيم
1- اسمى اسماء محمد
2- عندى 18 سنه وكام شهر كده تقربا وشهرين
بدرس ايه انا اولا ازهريه فى اولى درسات اسلاميه قسم شريعه
3- رائى فى الحب
الحب ده احساس راقى اجمل احساس فى الكون بس اللى يجربه هيحس بيه اكتر بس مش شرط تكون حببتك او حبيبك لا اهلك اصحابك وكده يعنى
4-امتى بزتفز شوف انا كنت عصبيه جدا فوق الوصف بس من فتره كده قولت مش معقوله اخد كل حاجه على اعصابى وبدات اعود نفسى انا اظبط اعصابى بطرق كتير
اما بقه امتى بكون عوزه اشيل اى حاجه اخبطها فى اللى بيكلنى لما القيه بيستخف بعقلى ومتصور انى مش فهمه حاجه
بس بصراحه الواد اخويه الصغير الزفت ده بيعصبنى اوى نفسى اخلص منه ههه
5- امتى اكون فرحانه اوى كده
مفتكرش اخر مره فرحت فيها كده امتى بس ممكن اقول انى بحس بسعاده خفيه لما بكون واقفه قدام البحر او النيل بحس بشعور لذيذ احلى اوقاتى وانا واقفه بتفرج على النيل او البحر
6-بعمل ايه فى وقت فراغى بقراء دى هويتى الابديه بحب ا لقرائه جدا بس من يوم المغروب الكمبيوتر ده ما جه وانا متلقحه قاعده عليه بس برده لازم اقرء قبل ما انام ده قانون
7- شعورى ايه لما حد يعكسنى
والله بقه حسب لو واحد حلو وماله مقبوله واحد اى كلام لا بقه مش كفايا افحمنى بشكله اللى يست النفس على فكره انا بهرج
تصدقنى لو قلتلك انا كنت بتعكس وانا صغيره عن وانا كبيره اصلى كنت بت زى العسل بس احكام السن بقه بس بجد لو واحد عكسنى بعمل اكنى ما معتش ولا شفت حاجه اله لو تقل العيال بعطيله كلمتين فى جنابوا اخليه واقف مش شيف قدامه وبعدين هو اللى جابوه لنفسه صح
8-هعمل ايه لو واحد مسك ايدى مش عارفه بس اكيد مش هعبره لانه انسان واطى وانا محبش انزل لمستواه صراحه
انت بقه بلاش اكلم عنك دلوقتى انا هكتب فيك كتاب
9-اعز اصحابى صراحه احنا شله من ست اصدقاء بنحب بعض او ومرتبطين اوى مع بعض بس صراحه فى واحده هى المقربه ليه اكتر وزى اختى واكتر
10- الصداقه بين ولد وبنت مش بؤمن بيها
11- ياترى بحب بابا ولا ماما اكتر
بابا بحبه اكتر مرتبطه بيه اكتر بحب طريقه تفكيره شخصيه قويه فى حنيه الدنيا كلها بيعملنى بحنيه لما بكون خلطانه بيفهمنى براحه وكمان نفسى اكون زيه شخصيتى قويه وشخصيه قياديه وانا بشبهلوا كتير وليه تصرفات كتير منه
12- اكتر شخصيه ندله قبلتا فى حياتى محبش افتكرها لانى كنت متصورها اعز اصدقائى وجت تتنادل عاليه بس على مين
13- بفضل الجواز التقليدى لانى شيفه ناجح اكتر وبس معنديش مانع اجوز عن حب لو صدفنى عشان دى حاجه مش بمزاجى وبعدين امال فترت الخطوبه معموله ليه
14- ايه اكتر اغنيه بحبها
ايامى معاك انا عايش عشان بهواك انا عاشق وبموت فى هواك انا ناسى فى حضنك انا مين جوايا غرام ولا يمكن احكى بكلام من يقدر يوصف احلام كان عايش يحلمها سنين

15- اكتر ممثل كريم عبد العزيز
ممثله منى زكى
مطرب عمرو دياب
مطربه شرين
16- ايه طموحاتى واكتر حاجه بحلم بيها
كان عندى حلم واحد ومعرفتش احققه فمحلمتش تانى ولا عوزه احلم لانى بخاف من الخساره انا عارفه انى مش هستحمل حلم تانى يطيع منى
وحلمى كان ابقه مؤرخه بس مجموعى فى الثنويه مكفاش
17- العضوه اللى هعضيها بوسه صراحه خايفه اقول واحده بس يزعلوا بس على العموم صافى وشوشو وشيماء وبوسى
العضو محمد الشاذلى احمد رفعت محمود رامو ميدوا هانى سيلمان عطيه
وبقيه الاعضاء اللى مقولتش عاليهم ليهم منى برده بوسه
مش فهمه ايه الحجات الغريبه دى اشمعنه بوسه يعنى بس برده مش هداخد واحده
انت العضو الوحيد اللى هتضرب يا عسليه
18- اكتر صفه بكرها فى نفسى
كبريائى محبش حد يمسه يمكن دى اكتر صفه بضايق منها فى شخصيتى
وكمان بحس كتير انى خبيثه وبعمل ابر من تحت لتحت او فى الوش مش بيهمنى حد بس بصراحه بضايق وازعل من نفسى اوى بعد كل ابره بعملها
ولو قلت عدم ثقتى فى حد بحس ان معدش فى حد اعرف اثق فيه
19- اكتر صفه بحبها فى نفسى
بصراحه معرفش وماينفعش حد يعرف يشكر فى نفسه السؤال ده تجاوب عاليه انت وكل الناس اللى بتعامل معاهم
20- او انطباع بيخدوه عنى انى بت سمره دمى خفيف موت واجتمعيا وعشريه ده حسب ما وصل لعلمى من الناس
21- انهى كلامى بكلمه
هقول بحبكم كلكم بجد حب متتصورهوش وبجد احب ان مفيش حد يزعل منى
انا بكلم بطبعتى عوزاكم تعرفوا كده واللى على قلبى على لسانى

عسليه يخرب بيتك قول امين عارف ياض انا بدات احبك اوى
كل دى اسئله خلاص مكنش ينفع تجبها واحده واحده خلاص اهطير منك
بس بجد انا بعزك اوى ومتزعلش منى خلستى دى دليل ان ليك معزه جامده عندى

هكمل بقيه الاسئله بعدين بس اريح ايدى
سلامى ليكم كلكم

اوكي يااسماء
ولسه مستني بقيت الردود مع انك هربتي من بعضها

هههههههههههههههههههههههه
ولا هربت ولا حاجه مخدش بالى من السؤال اللى انت قصدك عاليه
اكيد هكمل بقيه الاسئله انا حسه انى داخلت قسم بوليس مش منتده

طيب جاوبي عليه
وعلي بقيت الاسئله بتاعت ساره وشيماء
وبرافو علي الاجابات اللي فوق

اسماء اخر يوم ليكي النهارده
ياتجاوبي علي بقيت الاسئله يااما...........براحتك
وان شاء الله بكره عضو (ه)جديد وهيتهري اسئله
لو عايزين تختاروا انتوا العضو ممكن نعمل تصويت يااما اختار انا وخلاص

بسم الله الرحمن الرحميم

1- لما اعشق الهدؤ اولا انا بحب الهيصه والدوشه والجنان الرسمى اه ممكن الايام دى بفضل الهدوء بس الاصل مش بحبه
2- لماذا اخترت اسمى المستعار
اصلى بحب التاريخ جدا فوق الوصف وبيبرس اكيد انتوا عارفينه من الشخصيات العظام جدا وانا بحبه جدا ونويه ان شاء الله لما اجوز واخلف اول ولد يكون اسمه بيبرس
3- اين اقضى وقتى
يعنى فى البيت اصلى مش بحب اخرج كتير ممكنى كنت الاول مش بحب قعدت البيت تلوقتى لو حد قالى اخرجى بطين عشته ومش برده اخرج
4- اين اجد راحت البال
فى القرءة
5- اين تجد نفسك فى البيت مش عارفه قصدك ايه
6- اين اذهب لو اعطيتنى اجازه اليوم
اكيد اسكندريا لانى بعشق البحر
7- من يعجبنى فى اعضاء المنتده
اكتر واحد الشاذلى
8- من صديقى الصدوق
مروه صحبتى
9- من اى شئ اغضب
من ان حد يتصور انى متخلفه او يقلل من شئنى
10- متى تبكى بحرقه
مفتكرش اخر مره عيط فيها بحرقه امتى
11- متى اجلس لوحدى
معظم الوقت حاليا يعنى لما بتكون نفسيتى تعبانه او مضايقه
12- متى تقول لا
فى حاجه انا مش مقتنعه بيها اكيد هقول لا والف لا
13- متى تكون انانى
مش بحب الانانيه وبكره الصفه دى اوى بس احيانا بكون انانيه لما احب اغيظ حد
14- كيف اعيش يومى
فى الاجازه بين القرءه والكمبيوتر والقاعد على السطح بليل فى الهواء الطلق
فى الدراسه
بين الكليه والسرير والمذكره
15- كيف ارى حالت الامه
متتهوره جدا مستمره فى الانحطاط الخلقى والسياسى وعوزه تغير ولازم نغيرها احنا
16- حب النت
نسبه نجاحه ضعيفه جدا مش بؤمن بيه بس لو حصل اكيد مش بينجح وبعدين ده عاوز حد جريئ اوى عشان يتحمل الخساره
18- اه الحب يمحوا اخطاء وعيوب الحبيب الحب اعمى يقوده الجنون بيخليكى حسه ان الشخص اللى بتحبيه مفهوش اخطاء وانسان كامل
19- ما هو سر نجاحى
لحد تلوقتى مفيش حاجه نجحت فيها
20- ما اجمل ما فى الحياه
الحب
الصداقه
الصدق
الامانه
الشرف

يارب اكون جوبت كويس
وتعجبكم ارئى
سلام

بيتهيقلي شيماء بردو سالت شويه اسئله
ممكن تجاوبي

طب انا عايزة اتسال بقى بليز ياجماعه

» كرسي الاعتراف لمن لدية الجراءة فقط
» هل أنـــت رجـــل ’’ أم انت رجــل كرسي ’’ ...؟؟؟؟