bose فرند سوبر
عدد الرسائل : 3182 العمر : 33 تاريخ التسجيل : 16/12/2008
| موضوع: إزاى تعرف إنك ماشى ف شارع من شوارع القاهرة الثلاثاء يناير 27, 2009 10:14 pm | |
| لوفى مرة كنت ماشى ف حال سبيلك وفجأه لقيت نفسك تايه ومش عارف انت فين ولقيت الحاجات دى يبقى لا زم تعرف ان انت أكيد أكييييد فى مصر WELCOME TO CAIRO • لما تقرى على الميكروباصات جمل مكتوبة بخط اليد هى خلاصة التجربة والحكمة البشرية زى " يا سلام لو الناس تبطل كلام " " ما تبصليش بأيامه دا انا بجرى على يتامى " – " الحلو حلو ولو صحى من النوم " – " الحاسد ربنا يعينه " – " يا بركة دعاكى يامه " – " يقينى بالله يقينى" – " كل واحد عاجبه عقله " – " ما حدش فاهم حاجة " – " لا افتخار ولا غنى دى من ربنا " – " للبيع عشان ترتاحوا " . • لما تلاقى أعمدة النور منورة بالنهار بنورها الاصفر زى كوبايات ينسون ايزيس أورجانيك . • لما تلاقى نفس العواميد دى مطفية بالليل . • لما تقرا أسماء شوارع وماتعرفش مين الناس دى " ميدان لاظوغلى " " شارع نوال " " شارع ابن الوز عوام " . •لما تكون إشارة المرور معمولة مخصوص عشان الواحد يكسرها . • لما اى حد يسألك عن أى حاجة بس بصيغه دينية زى " الساعه كام والله ؟ " - أو " والنبى شارع طلعت حرب إزاى؟ " – فحد يجاويه ب " على طول إن شاء الله " . • لما تقف بعربيتك ف الاشارة جمب ميكروباص وتلاقى كل الركاب بيبصوا لك ف وقت واحد نظرة ملهاش معنى . • لما تلاقى فرق الافطار السريع ف رمضان لحظة اذان المغرب عشان تدى الصايمين ع الطريق أكياس بلح ، وتلاقى الشاب منهم متحمس ويقف لك ف نص الطريق ( ماعندوش مانع انك تدوسه بس المهم تفطر ) . وبكده انت فعلا شرفت القاهره واقولك حمد الله ع السلامه وويلكم كمان | |
|
a7med مشرف النكت والالغاز
عدد الرسائل : 3389 العمر : 35 الموقع : https://www.facebook.com/ahmed.thabet.88 العمل/الترفيه : كلية التجاره المزاج : +201066856960 تاريخ التسجيل : 16/11/2008
| موضوع: رد: إزاى تعرف إنك ماشى ف شارع من شوارع القاهرة الأربعاء يناير 28, 2009 12:33 pm | |
| بس دا نموذج ملخص يابنتي بس تسلم ايدك يابنت انتي موضوع حلو اوي | |
|