إزاى تعرف إنك ماشى ف شارع من شوارع القاهرة

WELCOME TO CAIRO

•

لما
تقرى على الميكروباصات جمل مكتوبة بخط اليد هى خلاصة التجربة والحكمة
البشرية زى " يا سلام لو الناس تبطل كلام " " ما تبصليش بأيامه دا انا
بجرى على يتامى " – " الحلو حلو ولو صحى من النوم " – " الحاسد ربنا يعينه
" – " يا بركة دعاكى يامه " – " يقينى بالله يقينى" – " كل واحد عاجبه
عقله " – " ما حدش فاهم حاجة " – " لا افتخار ولا غنى دى من ربنا " – "
للبيع عشان ترتاحوا " .

• لما تلاقى أعمدة النور منورة بالنهار بنورها الاصفر زى كوبايات ينسون ايزيس أورجانيك .

• لما تلاقى نفس العواميد دى مطفية بالليل .

• لما تقرا أسماء شوارع وماتعرفش مين الناس دى " ميدان لاظوغلى " " شارع نوال " " شارع ابن الوز عوام " .

•لما تكون إشارة المرور معمولة مخصوص عشان الواحد يكسرها .

•
لما اى حد يسألك عن أى حاجة بس بصيغه دينية زى " الساعه كام والله ؟ " -
أو " والنبى شارع طلعت حرب إزاى؟ " – فحد يجاويه ب " على طول إن شاء الله " .

• لما تقف بعربيتك ف الاشارة جمب ميكروباص وتلاقى كل الركاب بيبصوا لك ف وقت واحد نظرة ملهاش معنى .

•




وبكده انت فعلا شرفت القاهره واقولك حمد الله ع السلامه وويلكم كمان

بس دا نموذج ملخص يابنتي
بس تسلم ايدك يابنت انتي موضوع حلو اوي