ازاى تبقى رزل فى المواصلات

لو راكب فى باص أو ميكروباص وجنبك حد نايم اوعى تسيبه نايم

كل شوية اقعد قول وصلنا عشا ن يصحى مخضوض لو عمل اهبل صحيه

وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش

ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد

أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى

وخدك وقتك

اتمطع بقى وقول ياسلام على الراحة الواحد مكنش عارف هيعمل أيه لو

مش قاعد

لو العكس بقى اقعد اسأل كل واحد انت نازل فين واقعد قول بصوت

عالى

ياجماعة محدش نازل قريب أصل انا عايز اقعد طول مانت واقف قول كده

لحد مايقعدوك

لما الكمسرى يجى ياخد منك الاجرة اسأله على تمن كذا مكان

يعنى قوله هو لغاية الحتة الفلانية بكام طب لغاية الحتة دى بكام

اسأل على تمن كل الاماكن اللى تعرفها لحد مايقولك ياعم خلصنى رايح

فين

قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قول ه ورينى كده لو سمحت واقعد اتأمل فيها

لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع

كده وينزل

أنت بقى اوعى تديهاله علطول كده أزعل منك والله

دور عليها ساعة حط ايدك فى جيوبك مية مرة هيقولك خلص يا استاذ

قوله ثوانى كانت معايا والله

واقلع الجذمة ودور فيها وفى الاخ ر طلعها من بوقك بعد مايكون هو مات

من الملل وقوله مش قولتلك

كفاية كده بقى حرام المفروض تنزل قبل الناس ماتموت منك

أستنى رايح فين أنت نازل عادى كده ولا كأنك رذل ولا حاجة

وأنت نازل هيبقى فى ناس واقفة أعمل نفسك مش عارف تعدى

وحاول تجاهد على قد ماتقدر وتضيع الوقت اللى تقدر عليه

لحد الناس ماتشيلك وترميك بعد ماتكون جبتلهم السكر ورفعت ضغطتهم
ازاى تبقى رزل فى المواصلات S06

تحيــــــــــــــــــــــــــــاتي ليكم

هههههههههههههههههه
ادي الرزالة ولا بلاش يا بوسي
تصدقي والله في الجامعة كانوا الاولاد ماشيين بالمبدأ ده
وكانوا قارفينا في عيشتنا
بس علي مين احنا كنا ارزل منهم برضو ههههههه
موضوع لذيذ بجد يا بسبس تسلم ايدك يا قمر

ههههههه

انا لو حد عمل فيا مواقف زى دى
هكون بااااردة جدا
وانتى عارفة يابوسى انا باردة ازاى اصلا هههه
يعنى احتمال اشلة اخلية ينزل من الميكروباص على كرسى بعجل
هههه نايس توبيك ياقمر تسلم ايدك

ههههههههههههههههههههههههههه
ازيك يا مهيس هانم
والله انت بت سكره
شوفى انا هبقه اخد تاكسى واريح نفسى من الناس التنحه دى
موضوع مهيس زيك يا قمر
سلام

شكرا لمروركم
منورين يا عساسيل

على فكرة يا بوسي
المواقف دي كلها ممكن تكون ليها نهاية تانية وغير متوقعة تماما
ألا وهى .. علقة سخنة
ويا سلام على الشعب المصري فى حتة الضرب دي
هيضربوه وكأنهم مسكوا حرامي ههههههه

تسلم ايديكي يا بوسي

هههههه وارد جدا يا ايمن موضوع الضرب ده
شكرا لمرورك

يااسلام

دكتورة فى الرزااااااااااااااالة

ههههههههه الله يخرب عقلك رخمة اوووووووووووووى اووووووووووووى

ههههههههههههه

» دروس فى اللماضه ...ازاى تبقى لمض !!,
» كلمة للشباب ازاى تتعامل مع حبيبتك وانتى كمان ازاى تتعاملى مع حبيبك
» بتنادى مامتك ازاى؟؟؟
» ازاي دي تبقى ام ( مهم )
» لو تزوجت هل سوف تبقى في المنتدى ؟