الحج اسماعيل وحماررره

ملاقيش معاك ولاعة؟

لا مش معايا ولاعة معايا كبريت

ينفع؟

ماشى ياعم اهو كلو بيولع

الا قولى يا ابنى

هى دلؤتى كام الساعة؟

الساعة ستة وشوية

تشكر يابنى ويجعل ايامك هنية

بس ممكن سؤال تانى صوغير؟

معلشى يابنى اصل دة سؤال يحير

ممكن؟

اتفضل يا حج

هو يابنى صحيح الحمار الكبير لسة بيتحكم فى الحمير الصوغيرين؟

حمار مين؟ ومين الحمير الصوغيرين؟

اصل فى حمار كبير فرحان بنفسة انة بيتحكم فى الحمير الصوغيرين

الحمير الصوغيرين يفطرو ويتغدو برسيم

وهو يفطر بعسل وفطير

ربنا يشفيك يا حج...
لا حول ولا قوة الا بالله

هو انت يا حج تعبان؟

لا يابنى انا بس يمكن زهقان

بس مش راجل خرفان

بس نفسى اعرف هو بقى عامل ازاى حال الزمان؟

معلشى يابنى انا طولت عليك

ولا يهمك يابا

والله الناس دى غلابة

بتقول حاجة يابنى؟

هو انت لسة هنا ياحج موجود؟

بس قولى يابا بجد

وصدقنى مش هقول لحد

انت قصدك مين بالحمار الكبير؟ ومين هما الحمير الصوغيرين؟

هتسمعنى ولا هتعمل ودنك من طين؟

لا هسمع

الحكاية ابتدت لما كان فى حمار عمل نفسة على الحمير رئيس

الحمار دة فى الاول كان عندة دم وحسيس

فجاة الحمار طمع فى اخواتة الصوغيرين

وبقى يطلع عنيهم

ويكتف ايديهم

حتى البرسيم بقو يقفو علية طوابير

هما مين ياحج الى بيقفو فى طوابير؟

باقى الحمير

المهم بقى ان الحمار الكبير عينلة كام وزير

وزير علشان البرسيم

ووزير علشان التعليم

ووزير علشان التأليم

يعنى اية تاليم يا حج؟

يعنى الحمار الى مش عاجبة الحال

وبدا انة ينهق علشان مش لاقى يأكل العيال

يدخل فى سين وجيم

فهمت ولا لسة مفهمتش؟

مدام سكتت كدة يبقى هتعمل مطنش

طيب المهم جاوبنى على سؤالى

هو الحمار الكبير لسة بيتحكم فى الصوغيرين؟

انت شكلك كدة ياحج ليلتك هتبقى طين

يبقى لسة موجود

وخدها كلمة من عمك عبد الموجود

طول ما الحمار موجود ورافع ديلة

وبيتحكم فى الباقيين

هيفضل حال الزريبة كدة

لا وزير تعليم نافع

ولا حتى وزير تموين

معلشى ياحج

اصلى مبتكلمش فى السياسة

يعنى هو انا الى بتكلم فيها

دة انا حتى معرفش مين الرئيس بتاعنا دلؤتى هو مين

بس اسمع ان الناس بيقولو علية انة كويس

وانة مريح الشعب

ومفيش فى البلد صداع ولا وجع قلب

انا هدعيلة وانت ادعى ورارا وقول امين

اومال انت كل دة بتتكلم عن مين؟

يابنى انا كنت بتكلم عن الحمار

هو مش انت ابن الحج اسماعيل؟

الى عندة فى زريبتة يجى عشرين حمار وجموستين

لا يا حج مش انا

اوعو تكونو فهمتونى صح
انا كنت بتكلم عن حمار الحج اسماعيل

ههههههههههههههههههههههه
بس والله عندك حق فى كل كلمة
هوف علن

دا الى عيشين فية
تقبالى مرورى
ميرو

اكيد طبعا فهمنا صح
موضوع جميل يا صافي
تسلم ايدك يا قمر

كيلوباترا كتب:: دا الى عيشين فية
تقبالى مرورى
ميرو

منورنى بمرروك الغالى
وتسلملى ايدكى وردك الجميل

الملاك الشقي كتب:: اكيد طبعا فهمنا صح

موضوع جميل يا صافي

تسلم ايدك يا قمر

تسلملى انتى ياشيماء وردك ياحبيبتى وديما منورنى

» صبح صبح ياعم الحج ..... ادخل وسيب بصمتك ... او عديتك