| الوووووو .... الريس معايا ؟؟ | |
|
|
كاتب الموضوع | رسالة |
---|
كيلوباترا فرند سوبر
عدد الرسائل : 4803 العمر : 34 العمل/الترفيه : طالبه المزاج : رايق جنسيتك : مصرى الاوسمة : تاريخ التسجيل : 01/06/2009
| موضوع: الوووووو .... الريس معايا ؟؟ السبت أبريل 24, 2010 11:34 pm | |
| فرحة كبيرة … إنتابت الجميع
كان أمل الجميع ..شرف مكالمة الرئيس ….وعرض مشكلته عليه … ؟
حتي في دور العبادة … إنشغل الجميع بالتواصل مع الرئيس
حتي الأطفال … أحبوا أن يكلموا ..عمو الريس
وطلبوا منه طلبات غريبة جداً …. عيب أقولها لكم
رقم محمول … الرئيس ..!!؟
أشارت مجموعة منتقاة من خبراء الترويج والعلاقات العامة علي أحد الرؤساء
العرب أن يقوم بنشر رقم تليفونه المحمول في جميع وسائل الإعلام
لتحسين صورة الرئيس وزيادة شعبيته والتي أظهرت إستطلاعات الرأي أنها
في تآكل مستمر ….وافق الرئيس علي مضض وعلي أمل أن يحدث التواصل
المطلوب بينه وبين أفراد الشعب ويتعرف بنفسه علي مشاكلهم وسبب
عدم رضائهم عنه رغم مخاوفه الشديدة من كثرة التليفونات وإمكانية تعرضه
لمكالمات غير لائقة من مغرضين ومندسين بين صفوف هذا الشعب
المدهش المطاوع المسالم المهاود … بمجرد أن وافق الرئيس تم عمل
حملة إعلانية ضخمة وغير مسبوقة في طول البلاد وعرضها للإعلان عن
الرقم … وتم كتابة الرقم علي لوحات مضيئة عملاقة أعلي العمارات
والمباني الحكومية وقد صيغت الدعاية بعبارات جذابة وشيقة …منها
((إتصل برقم الرئيس ..وإنت وأهلك تهيص …. ))
((إتصل بالرئيس … يكون لك خير ونيس ….))
ولم تنس الدعاية المرأة في هذه الحملة فكان منها ما يقول
(( إتصلي بالرئيس …. وبكره يجيلك العريس …. ))
وكان للأطفال أمل الغد أيضاً نصيب فكتبت لهم إعلانات تقول
(( كلموا عمو الريس …. قبل ما يموت ويفيص ))
هذا خلاف الإعلانات التليفزيونية والكليبات المثيرة التي رصد لها ملايين
الجنيهات حتي تخرج الحملة بصورة مشرفة ووطنية
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية
آآآلو الريس فين … الريس هنا …هنا هو … أقولوا مين بيكلموا
وذلك لأن هذه الأغنية سهلة وتوحي أن الرئيس قريب ومتواصل مع شعب
وكان الخلاف حول المكالمة هل تكون مجانية أم لا ..وتم حسم الموضوع بأن
تكون هناك رسوم لزيادة الدخل وتنمية الموارد ودفع عجلة الإنتاج وعمل
ودعم مشاريع الصرف الصحي والمياة وعمل نهضة تنموية مستقبلية
جاءت ساعة الصفر …. وبدأت الخدمة … وتلقي الرئيس عدة مكالمات
المكالمة الأولي
ألو
أيون
- إنت الريس
- أيون يا حبيبي … إيه مشكلتك
أنا ياريس دخلت قسم شرطة أعمل محضر قام الظباط والمخبرين ضربوني
علي قفايا وجابوا ساعة رقمية وقعدوا يشوف من حيضربني أكتر علي قفايا
في الدقيقة وما خلصوش إلا لما ظابط المباحث عمل رقم قياسي وضربني
80 قفا في الدقيقة لغاية ما قفايا ورم ونظري ضعف … يرضيك كده ياريس وأنا
ولا مجرم ولا حاجة أنا رايح أشتكي وأعمل محضر في الجيران
- بص يا مواطن … إحنا كلنا في خدمة الوطن.. والشعب في خدمة
الشرطة ..لما يكون ظابط بيحميك ويحمي أولادك إيده بردانة شوية وعايز
يدفيها ويسخنها في قفاك ده يزعلك … لازم تضحي شوية علشان الوطن
- شكراً ياريس ..ربنا يخليك لنا ويخليك للوطن … ؟
المكالمة الثانية
- ألو
- أيون
- الريس معايا شخصياً
- أيون … قول يا مواطن … إيه مشكلتك
- أنا ياريس وغيري ملايين ساكنين في المقابر وتحت الكباري وفي عشش
في ال …في ال
- أسكت ..إتكلم عن نفسك بس يا مواطن بلاش تعميم … إنت عايز تعمل
لي تنظيم علي التليفون؟ فاهم.. ولا أفهمك بطريقتي
- فاهم فاهم يا ريس
- كمل يا مواطن
- نفسي في شقة من إللي بتتوزع علي لاعيبة الكورة والعقود إللي بتتوزع
وبنشوف تصاويرها في التلفيزيون
- واضح يا مواطن إنك مش متعلم ومش فاهم حاجة … تسكينك في المقابر
إنت وغيرك ده له حكمة عظيمة
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف
أنها دنيا فانية
وإنت محظوظ كل يوم وكل ساعة بتتعظ … ده إنت تحمد ربنا إننا لم نأخذ
منك ضريبة إتعاظ
- طب ما تيجي ياريس تتعظ عندنا شوية
- إخرس … يا
دببببب
وتم غلق الخط
المكالمة الثالثة
- ألو
- أيون
الريس حبيبنا معانا
- أيون أيوه كده ….إيه مشكلتك يا حبيبي …؟؟
أنا ياريس شاب عندي 29 سنه ومتخرج بقالي 9 سنين ومش لاقي
شغل ..ولسة بآخد مصروفي من والدي وقاعد علي القهوة طول اليوم
نفسي أشتغل ياريس
- أنت غريب قوي يا مواطن … مش تحمد ربنا إننا مريحينك ..عايز تروح
للشقي برجليك … وبعدين مالها قعدة القهوة … إتعلم منها حاجة تفيدك
ممكن تبقي بطل شطرنج زي كسباروف وساعتها تعرف إن جلوسك علي
القهوة كان مصلحة
- ياريس عايز أكون نفسي
- ما تكونها يا حبيبي حد حايشك …؟
أكونها إزاي من غير شغل ..؟؟
إيه يا مواطن أنا ماسك أعصابي … إنت عايز البلد تكون ملايين من الناس
إحنا فاضيلنك ولا إيه..؟؟ إحنا عندنا عيال بنكونها برضه …. خلي أبوك يكونك
يا مواطن
دبببب …وتم غلق الخط
المكالمة الارابعة
- ألو ..صباح الخير ياريسنا يا جميل
- ألوووووووووو…صباح الجمال … أيوه يا شابة .. إيه مشكلتك وأنا أحلها لكي
في فمتوثانية
- أنا يا ريس عانس … وصلت لسن 35 ومش لاقية عريس … نفسي أتجوز
زي البنات كلها ويبقي عندي بيت وأسمع كلمة ماما
- هههههه … إنت تحمدي ربنا …جواز إيه وقرف إيه …خلفة وطبيخ وواحد
متخلف ينكد عليكي ومسئولية … خليكي كده
- ياريس … نفسي أحب وأتحب
- يا مواطنة … حب الوطن كفاية عليكي
- يعني أتجوز الوطن وأجيب منه عيال
- يوووه … إنت مش عجبك كلامي طيب
دبببب .. وإنتهت المكالمة
وأخيراً … حد عايز الرقم يطلب ويجرب ….. يتصل بي أويكتب لي…وأنا أعطيه
له فوراً ….بشرط يقول حيقول للريس بتاعه إيه لو كلمه في التليفون :d | |
|
| |
مونى فرند سوبر
عدد الرسائل : 1653 العمر : 33 الموقع : https://friends4.forumegypt.net المزاج : رايق جنسيتك : مصرى الاوسمة : تاريخ التسجيل : 20/11/2009
| موضوع: رد: الوووووو .... الريس معايا ؟؟ الأحد أبريل 25, 2010 6:09 pm | |
| ههههههههههههههههههههههههههههههههه متخليكى فى حالك احسن تسلم ايديك | |
|
| |
Mohamed Shazly مشرف القسم الاسلامى+المنتديات الادبية
عدد الرسائل : 3539 العمر : 37 الموقع : www.friends4.forumegypt.net العمل/الترفيه : رجل دعاية وإعلان المزاج : تماموووووووووز بالموز الاوسمة : تاريخ التسجيل : 10/06/2008
| موضوع: رد: الوووووو .... الريس معايا ؟؟ الإثنين أبريل 26, 2010 1:20 am | |
| - أنت غريب قوي يا مواطن … مش تحمد ربنا إننا مريحينك ..عايز تروح
للشقي برجليك … وبعدين مالها قعدة القهوة … إتعلم منها حاجة تفيدك
ممكن تبقي بطل شطرنج زي كسباروف وساعتها تعرف إن جلوسك علي
القهوة كان مصلحة
- ياريس عايز أكون نفسي
- ما تكونها يا حبيبي حد حايشك …؟
أكونها إزاي من غير شغل ..؟؟
إيه يا مواطن أنا ماسك أعصابي … إنت عايز البلد تكون ملايين من الناس
إحنا فاضيلنك ولا إيه..؟؟ إحنا عندنا عيال بنكونها برضه …. خلي أبوك يكونك
يا مواطن
دبببب …وتم غلق الخط
هههههههه يا سلام عليكى يا ميرو ايه الجراءة اللى انتى فيها دى بس انتى اكيد يعنى ماتقصديش الرئيس اللى بالى بالك انتى اكيد تقصدى حد تانى خالص ههههه مش كده ولا ايه ؟
عموما بجد تسلم ايديكى وانا شخصيا عجبتنى قوى حتة الخريخ اللى الشغل بيترمى عليه وهو اللى انسان كسول مش عاوز يشتغل وتاعب قلب الحكومة معاه ..... ايه ده شباب اخر زمن هههههههه
عدل سابقا من قبل Mohamed Shazly في الثلاثاء أبريل 27, 2010 12:38 am عدل 1 مرات | |
|
| |
البرنسيسه فرند سوبر
عدد الرسائل : 4741 العمر : 33 العمل/الترفيه : طالب ادعوله المزاج : المزاج زى ما رامو عاوز الاوسمة : تاريخ التسجيل : 31/07/2008
| موضوع: رد: الوووووو .... الريس معايا ؟؟ الإثنين أبريل 26, 2010 7:34 pm | |
| شاذلى ربنا معاك اللى كاتبه الموضوع ميرو مش بوسى استلقى وعدك بقه وابقه قولى هتقول لريس ايه وانت بتكلمه
بجد ياميرو موضوع جامد ضحكنى بس دى مش حاجه جديده على تلفيون الريس | |
|
| |
الملاك الشقي مشرفة قسم الشباب والبنات
عدد الرسائل : 5050 العمر : 37 العمل/الترفيه : ليسانس لغة عربية المزاج : شوية فوق وشوية تحت تاريخ التسجيل : 08/08/2008
| موضوع: رد: الوووووو .... الريس معايا ؟؟ الثلاثاء أبريل 27, 2010 11:38 pm | |
| ههههههههههههههههه انتي يا بت مش خايفة لحسن مديرية الامن تطب علينا ولا ايه انا معرفهاش علي فكرة يا عمو الريس ههههه لا بجد موضوعك جميل وبيتكلم عن مشكلات كتير موجودة ومحدش لاقي ليها حل ومهما قلنا واتكلمنا في كل ده برده لاحياة لمن تنادي تسلم ايدك يا قمر
| |
|
| |
a7med مشرف النكت والالغاز
عدد الرسائل : 3389 العمر : 36 الموقع : https://www.facebook.com/ahmed.thabet.88 العمل/الترفيه : كلية التجاره المزاج : +201066856960 تاريخ التسجيل : 16/11/2008
| موضوع: رد: الوووووو .... الريس معايا ؟؟ الثلاثاء أبريل 27, 2010 11:43 pm | |
| هو ده تليفون الريس بحق وحقيقي طيب انا عايز اقوله ان انا .... ولا بلاش ربنا يسترها معانا جميعا تسلم ايدك ياكيلوباترا ع التوبيك الجميل ده | |
|
| |
كيلوباترا فرند سوبر
عدد الرسائل : 4803 العمر : 34 العمل/الترفيه : طالبه المزاج : رايق جنسيتك : مصرى الاوسمة : تاريخ التسجيل : 01/06/2009
| موضوع: رد: الوووووو .... الريس معايا ؟؟ الأربعاء أبريل 28, 2010 12:51 am | |
| - Mohamed Shazly كتب:
- أنت غريب قوي يا مواطن … مش تحمد ربنا إننا مريحينك ..عايز تروح
للشقي برجليك … وبعدين مالها قعدة القهوة … إتعلم منها حاجة تفيدك
ممكن تبقي بطل شطرنج زي كسباروف وساعتها تعرف إن جلوسك علي
القهوة كان مصلحة
- ياريس عايز أكون نفسي
- ما تكونها يا حبيبي حد حايشك …؟
أكونها إزاي من غير شغل ..؟؟
إيه يا مواطن أنا ماسك أعصابي … إنت عايز البلد تكون ملايين من الناس
إحنا فاضيلنك ولا إيه..؟؟ إحنا عندنا عيال بنكونها برضه …. خلي أبوك يكونك
يا مواطن
دبببب …وتم غلق الخط
هههههههه يا سلام عليكى يا ميرو ايه الجراءة اللى انتى فيها دى بس انتى اكيد يعنى ماتقصديش الرئيس اللى بالى بالك انتى اكيد تقصدى حد تانى خالص ههههه مش كده ولا ايه ؟
عموما بجد تسلم ايديكى وانا شخصيا عجبتنى قوى حتة الخريخ اللى الشغل بيترمى عليه وهو اللى انسان كسول مش عاوز يشتغل وتاعب قلب الحكومة معاه ..... ايه ده شباب اخر زمن هههههههه
هههههههههههههههههلا طبعا انت عرف انا ئئقصد اية طبعاوبعدين هو الرئيس فاضى للعب العيال دىولاهم من دا كلو انك نورتينى | |
|
| |
كيلوباترا فرند سوبر
عدد الرسائل : 4803 العمر : 34 العمل/الترفيه : طالبه المزاج : رايق جنسيتك : مصرى الاوسمة : تاريخ التسجيل : 01/06/2009
| موضوع: رد: الوووووو .... الريس معايا ؟؟ الأربعاء أبريل 28, 2010 12:53 am | |
| - البرنسيسه كتب:
- شاذلى
ربنا معاك اللى كاتبه الموضوع ميرو مش بوسى استلقى وعدك بقه وابقه قولى هتقول لريس ايه وانت بتكلمه
بجد ياميرو موضوع جامد ضحكنى بس دى مش حاجه جديده على تلفيون الريس ودا الاهم انك تتحكى يا حبيبتى | |
|
| |
كيلوباترا فرند سوبر
عدد الرسائل : 4803 العمر : 34 العمل/الترفيه : طالبه المزاج : رايق جنسيتك : مصرى الاوسمة : تاريخ التسجيل : 01/06/2009
| موضوع: رد: الوووووو .... الريس معايا ؟؟ الأربعاء أبريل 28, 2010 12:55 am | |
| - الملاك الشقي كتب:
ههههههههههههههههه انتي يا بت مش خايفة لحسن مديرية الامن تطب علينا ولا ايه انا معرفهاش علي فكرة يا عمو الريس ههههه لا بجد موضوعك جميل وبيتكلم عن مشكلات كتير موجودة ومحدش لاقي ليها حل ومهما قلنا واتكلمنا في كل ده برده لاحياة لمن تنادي تسلم ايدك يا قمر
تسلميلى انت يارب وحشانى اووى يا بنوتةوعلى رئيك لا حياة لمن تنادى | |
|
| |
كيلوباترا فرند سوبر
عدد الرسائل : 4803 العمر : 34 العمل/الترفيه : طالبه المزاج : رايق جنسيتك : مصرى الاوسمة : تاريخ التسجيل : 01/06/2009
| موضوع: رد: الوووووو .... الريس معايا ؟؟ الأربعاء أبريل 28, 2010 12:58 am | |
| - احمد ثابت كتب:
- هو ده تليفون الريس بحق وحقيقي
طيب انا عايز اقوله ان انا .... ولا بلاش ربنا يسترها معانا جميعا تسلم ايدك ياكيلوباترا ع التوبيك الجميل ده تسلملى انت يارب
وميرسى لمرورك لالالالالالالا انا مش معاك فى كدا لزم تطلب ومتخليش فى نفسك حاجة | |
|
| |
| الوووووو .... الريس معايا ؟؟ | |
|