انتو حاجة فظيعة

------------------------
لو عاملتيه حلو يقولوك واقعة فى هوايا
وان معبرتيهوش
يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده
عشان تلفت نظري ليها
ولو انتي عمليّة شوية يقول عليكي فلاّحة

لو
اتناقشتي معاه هيقول عليكي عنيدة
ولو سكتّي هيقول عليكي مخك فاضي

لو
انتي أذكى منه هيدّيكي الوش الخشب
ويا سلام لو هوّ اذكى منك..
هتتفرّجي

لو مش بتحبيبه هيحاول يتملّكك
ولو انتي بتحبيه وكنتي عبيطة
وبيّنتى حبك ليه بسرعة هيحاول يسيبك

لو قلتيله على مشاكلك هيقول
عليكي مزعجة
ولو مقولتيش هيقول انك مش بتثقي فيه

لو حاولتي تنصحيه هيقول
عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي

لو حصل ووعدتيه بحاجة ومعملتيهاش هتبقي مش موضع ثقة
اما هوّ لو
خلف وعده فده غصب عنه.. اضطر

لو انتي حليتي حلو فى الامتحانات يقولك ده حظ

اما هو لو حل حلو يقولك ذكـاء

لو جرحتيه تبقى قاسية ومعندكيش قلب
اما
لو جرحك فيقولك انتي حساسة اوي ومكبرة الموضوع وهوّ مايستاهلش؟؟

لو
قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش
هيقول انك انانية

الأحسن انك تقريه وتبعتيه لولاد وبنات برضه عشان يقولوا
رأيهم معانا

عشان احنا طبعا ديمقراطيين واللى مش هيعجبوا هيقول بنات آخر زمن
مش عاجبهم حد

شفتو بئة
حاجة فظيعة

ههههههههههههههههههه
على فكرة يا شوشو
الكلام ده اساسا كان على البنات مش على الولاد

والمفروض انه يكون كده ...

لو عاملتها حلو تقولك واقع فى هواها
وان معبرتهاش
تقول عليك مغرور ومناخيرك في السما

لو لبست حلو واتشيّكت تقول بيعمل كده
عشان يلفت نظره ليه
ولو انت عملي شوية تقول عليك فلاّح

لو اتناقشت معاها هتقول عليك عنيد
ولو سكتّ هتقول عليك مخك فاضي

لو انت أذكى منها هتدّيك الوش الخشب
ويا سلام لو هي اذكى منك..
هتتفرّج

لو مش بتحبها هتحاول تتملّكك
ولو انت بتحبها وكنت عبيط
وبيّنت حبك ليها بسرعة هتحاول تسيبك

لو قلتلها على مشاكلك هتقول
عليك مزعج
ولو مقولتش هتقول انك مش بتثق فيها

لو حاولت تنصحها هتقول
عليك عايز تتحكم فيها

لو حصل ووعدتها بحاجة ومعملتهاش هتبقى مش موضع ثقة
اما هي لو
خلفت وعدها فده غصب عنها.. اضطر

لو انت حليت حلو فى الامتحانات تقولك ده حظ

اما هي لو حلت حلو تقولك ذكـاء

لو جرحتها تبقى قاسي ومعندكش قلب
اما
لو جرحتها فتقولك انت حساس اوي ومكبر الموضوع وهي ماتستاهلش ؟؟

لو
قريت الموضوع ده لحد من البنات هتقول مش صحيح
ولو قريته ومبعتهوش
هتقول انك اناني

عشان احنا طبعا ديمقراطيين واللى مش هيعجبوا هيقول شباب آخر زمن
مش عاجبهم حد

شفتو بئة
البنات حاجة لا تطاق

ههههههه انت غيرت الموضوع وقلبتة علينا كمان

فعلا حاجة فظيعنة خالص مالص

ههههههههههههههههههههه
للأسف .. دي الحقيقة

والله يا بت يا شوشو عندك حق
دول ولا بيعجبهم العجب
ولا الصيام في رجب
موضوع لذيذ يا شوشو
تسلم ايدك

دول معندهمش دم يا اختى
وليهم عين يكلموا
بلا قرف انا نفسى تيجى مصيبه تشلهم واحد واحد
او اقولك تجيلهم شوطه زى اللى بتيجى للفراخ

معالشي ياعم ايمن هنعملبس ايه مش جديدة عليهم الكلام بيكون عليهم ويحولوه علينا ده الطبيعي بتاعهم
عموما الحمدلله التاريخ هو البيسجل وبيقول كل حاجة
بس كله يهون فدا دخول الجنة دي الحاجة الوحيده الهنستفدها منهم
لنا الله
حسبي الله ونعم الوكيل
ابتسم ولا تتعجب فأنهم البنات

اسماء اسماء اسماء انتي قد الكلام ده
مستني الرد

الملاك الشقي كتب:: والله يا بت يا شوشو عندك حق
دول ولا بيعجبهم العجب
ولا الصيام في رجب
موضوع لذيذ يا شوشو
تسلم ايدك

تسلميلى يا حبيبتشى هههههه
بس ياختشى يعجبهم ميعجبهمش كدة كدة لازم يرضو باللى هنقول علية Rolling Eyes

ولا اية ؟
منوراني ياقمرى

بييبرس كتب:: دول معندهمش دم يا اختى
وليهم عين يكلموا
بلا قرف انا نفسى تيجى مصيبه تشلهم واحد واحد
او اقولك تجيلهم شوطه زى اللى بتيجى للفراخ

على رايك يابت ياسمسم
خلينا نخلص منهم دفعة واحدة كدة هههههه

Mahmoud كتب:: معالشي ياعم ايمن هنعملبس ايه مش جديدة عليهم الكلام بيكون عليهم ويحولوه علينا ده الطبيعي بتاعهم
عموما الحمدلله التاريخ هو البيسجل وبيقول كل حاجة
بس كله يهون فدا دخول الجنة دي الحاجة الوحيده الهنستفدها منهم
لنا الله
حسبي الله ونعم الوكيل
ابتسم ولا تتعجب فأنهم البنات

اها شكلك كدة جاى وبتقول ياشر
ههههههههه بس حلوة اوى حكاية الجنة دى
احلام يقظة بئة

أحلام ابتسام ان شاء الله هندخلها وموتوا بغيظكم

ليه كده ما كنا حاوين
هو اكيد في الحلو والوحش
بس اكيد الحلو اكتر
وممكن يكون عندك حق
الاختلاف في الراي لا يفسد للود قضيه

يابنتي انتي وهي ربوا عيالكم

ايه ياعم محمود متصور انى هخاف لا يا عمنا فوق
انا اقول الكلمه اللى تعجبنى وتيجى على دماغى
محسسنى كده انك هتجيب عصايه وتضربنى عصايتينعلى طهر ايدى
يا راجل اجرى
وزى ما قولت روح ربى عيالك
بدل ما انتوا عملين زى الفراخ الدايخه كده

أحنا بردوا العاملين زي الفرخة الدايخة ماشي

بجد موضوع هايل تسلم ايدك ياشوشو
تقبلى مرورى ممكن نبا
اصدقاء

ههههههههههههههههه

علي فكره مش كل الولاد

متخليش حكمك علي الكل

Nemooo كتب:: ليه كده ما كنا حاوين
هو اكيد في الحلو والوحش
بس اكيد الحلو اكتر
وممكن يكون عندك حق
الاختلاف في الراي لا يفسد للود قضيه

طبحا طبحا ياهانى
كلامك مظبوط ياكميل
كل مكان فى الحلو وفى الوحش
منور

أحلام ابتسام ان شاء الله هندخلها وموتوا بغيظكم

اقتباس :

يابنتي انتي وهي ربوا عيالكم

اقتباس :

ايه ياعم محمود متصور انى هخاف لا يا عمنا فوق
انا اقول الكلمه اللى تعجبنى وتيجى على دماغى
محسسنى كده انك هتجيب عصايه وتضربنى عصايتينعلى طهر ايدى
يا راجل اجرى
وزى ما قولت روح ربى عيالك
بدل ما انتوا عملين زى الفراخ الدايخه كده

اقتباس :

أحنا بردوا العاملين زي الفرخة الدايخة ماشي

اقتباس :

اية ياكوماحة بس فى اية
انتو قالبين التوبيك شاتينج وصدعتونا ههههههه
ومالك ياعم محمود محموء اوى كدة لية
يابنى نضف البلاك اللى جواك دة بئة ياسااااتر
دة احنا حتى داخلين على شهر كريم

كيلوباترا كتب:: بجد موضوع هايل تسلم ايدك ياشوشو
تقبلى مرورى ممكن نبا
اصدقاء

طبعا ياحبيبى دة يشرفنى
منورانى ياسكر

meto كتب:: ههههههههههههههههه

علي فكره مش كل الولاد

متخليش حكمك علي الكل

هههههههه
انتو وشطارتكم بئة
حاولو تخلونا نغير فكرتنا عنكم

منور يا كميل

» افكار فظيعة
» انا مرعووووووبة واتحداكم ولو مترعبتوش انتو كمان
» اطقم جامدة اخر حاجة
» ياشبااااااااااااااب رابطة الكرافتة وبالصور كمان ... يالا مش حرماكم من حاجة اهو
» عملت حاجة حلوة النهاردة ولا لاء