يا ابنى انت لسه بدرى عليك اوى؟؟

" اة انا عندى خبرة اكتر منك..وياما عدى عليا ناس وشوفت كتير فى الدنيا دى..انت لسة جديد ابن امبارح
واللى يعيش ياما يشوف وانا شوفت كتيير "

اكيد دة الكلام اللى كلنا بنسمعه ودا اللى دايما بيتقال فى كل بيت
سواء بين الابن ووالده او البنت ووالدتها او حتى بينك وبين اى حد اكبر منك
اكيد كلمة انت لسة صغير او انت لسة صغيرة واسالنى انا
انا جربت كتير وشوفت كتير دايما بنسمعها ودايما لما بتاخد راى اى حد فى
مشكلة تخصك بيقول الكلام دة وبيكون عايزك تنفذ اللى هو شايفه من وجهه نظرة
انه صح ومش عايزك تجرب بنفسك
اكيد الكلام دة مش بيكون بغرض التحكم وخلاص
بيكون هدفة هو انك توصل للطريق والاختيار الصح ولكن باقصر الطرق وباقل
الخساير..لكن احنا طبعا مش بنحسبها كدة ابدا ومش بنقبل كلام ولا نصيحه من
اى حد وبنحب اننا نجرب حتى لو كان محكوم على التجربة بالفشل وبنحب نشوف
بنفسنا ونتاكد ودايما ماشيين وراء مقولة الممنوع مرغوب
ولازم تاخد قرارك بنفسك ومتسمعش كلام حد..ما كلنا بنعمل كدة وانا اولكم بس يعنى مش علطول
يمكن ساعات كتير بنكون فعلا غلط وكلامهم بيكون صح بس بردو دة مش شرط ومش
على طول لان الزمن اتغير والناس اتغيرت وحاجات كتير اوى حولينا اتغيرت
ومبقاش ينفع اننا نتعامل معاها زى ما كانوا بيتعاملوا معاها زمان يعنى زى
ما بيقولوا بالبلدى لكل وقت اذان ولو احنا فعلا ولاد امبارح بس هنقدر
نتعامل مع بكرة علشان هو لسة يوم جديد زى ما احنا لسة جداد فى الدنيا ومش
معنى كدة اننا بنقلل من تجارب وخبرات الناس السابقة اللى بنكن لهم كل حب
واحترام وتقدير واكيد دايما هنلجأ ليهم لما الامور تتعقد ونكون محتاجين
مساعدتهم ماهما بردو الخير والبركة

السؤال بقى

هل انت بتحب تاخد برأى الاخرين
وتستفيد من خبرااهم وتجاربهم
ولا بتحب تخوض انت التجربه
وتتعلم منها بنفسك؟؟

والله يابوسي هو اوقات واوقات
اوقات الواحد بيحس انه محتاج لراي الاخرين والاستفاده من خبراتهم والمشاوره عامه مش عيب ولا حرام واوقات كده ف تجارب معينه كده الواحد بيحب يخوضها ويتعلم منها بنفسه
نايس توبيك
تسلم ايديك

احمد ثابت كتب:: والله يابوسي هو اوقات واوقات
اوقات الواحد بيحس انه محتاج لراي الاخرين والاستفاده من خبراتهم والمشاوره عامه مش عيب ولا حرام واوقات كده ف تجارب معينه كده الواحد بيحب يخوضها ويتعلم منها بنفسه
نايس توبيك
تسلم ايديك

منورنى يا احمد
ميرسى لمرورك ياكميل

» من هو الشخص الذى لاتستطيع ان تنساة لو مر عليك عقوود ....
» اأي الدقائق مرررة عليك
» أغار عليك حتى من نبض قلبك
» متى يسقط انسان غالي عليك من نضرك
» تريد ان تطفئ غضب ربنا{{{ عليك بالصدقه}}}