* المعاكسة واجب قومى * .. لازم كلنا نعاكس

المعاكسة واجب قومي وحق تجاه اي مزة نازلة الشارع وتاعبة نفسها ومتشيكه
وحاطة ميكب ونازلة تقول للأرض اتهدي ما عليكي ادي ... عايزين ايه من
الشباب يعني ... مش لازم يشجعوا المنتج المحلي ... وكمان لما البنت دي
تتعاكس والشباب يقرفها في الشارع اكيد هاتتربى وهاتتعلم الادب وتنزل
الشارع بعد كده محترمة .... ماهو لو محترمة والله ما كانش حد قرب ناحيتها .

بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه .؟؟؟....
ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب
اد كده ....لازم نربيها بردو وتنزل الشارع محترمه ... ساكتة ولا تنطق من
اساسه ... مش بقولكم واجب قومي ... بنربي بنات مصر ...

طب واللي ماشية لابسه محترم ولا حاطة ميكب ولا غيره وماشية في حالها لا
بتضحك ولا بتتمايع ماشية في حالها ... ...لأه بقى ما هي نازلة الشارع
وحدها وقاصدة تتعاكس ايه اللي منزلها الشارع وحدها وهي عارفة الشوارع بقت
عاملة ازاي ... ماهي لو محترمة بجد كانت نزلت مع باباها ولا اخوها ولا
خطيبها حتى ... دي عايزة تعمل محترمة وتضحك عالشباب وتجيب عريس ... وبردو
لازم نبينها على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو)
ويطلع لها واحد من ورا خطيبها ولا اخوها بيبصبص ليها كده من ورا ضهر
الراجل الغلبان وعمال يشاور ويعمل حركات ويقرفها ... ... يا
سلاااااااااااام ومين قاللك ان ده خطيبها ولا اخوها .. تلاقيها الواد اللي
ماشية معاه ماهو لو كان خطيبها كان قعد يشوفها في بيتهم .. وانا بعاكسها
علشان اعرفهم قيمتهم هما الاتنين علشان يتربوا ويبطلوا صرمحة في الشوارع
... مش بقولك واجب قومي علشان البلد والله....

طب واللي واقفه في البلكونه الغلبانه بتنشر ولا بتجيب حاجة بالسبت بيطلع
لها ميت واحد من الشارع راصدينها واللي يعاكس واللي يشاور.. الله ما هي
قاصداها اهي وطالعة البلكونة علشان الناس تشوفها وتتعاكس .. هي اللي عاوزة
تتعاكس من الاساس .. وانا لما بعاكسها بوريها قيمتها اصلا ... هي ايه اللي
طلعها البلكونة من الاساس .. تنشر .. هههه دي تلاكيك يا عمنا ... دي عاوزة
تتعاكس ... ماهو لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص
ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة
الشباك علشان الراجل ده يشوفها ويعاكسها ... وتلاقيها كانت بتتمخطر قدامه
رايحة جاية ومتشيكه علشان يشوفها ويعاكسها .. هي لو محترمة تفضل في بيتها
وتقفل الشبابيك والبلكونات والبيبان كلها وتقعد تحت السرير كمان علشان
تبقى بنت محترمة بصحيح ومحدش يشوفها خااااااالص وتدفن نفسها بالمرة

أيه ده حرام عليكوا
انتوا لازم فى الاول والاخر تطلعول البنت هى الغلاطانه
وهو انه يعكاس يبقى واجب قومى
ماهو لو كمان لو محترم مش هايبصلها من الاساس ولا هايشوف لابسه ايه ولا حاطه ايه
والنبى لو كانت عامله ايه ف نفسها انا معاك ان فى بنات لبسهم وتصرفاتهم مش كويسه
بس هو بردوا لويتقى ربنا ويخاف على اخواته البنات مش هايعمل كده حتى لو كانت هى عامله كده
وبعدين فى بنات محترمه ومش بتعمل كل اللى انت بتقول عليه ده وبتتعاكس بردوا ده يبقى ايه ان شاء الله واجب قومى بردوا ايوه حرام عشان متحرموهاش من حاجه وتقول انا محدش بيبصلى
ربنا عالقادر والمفترى ههههههه
موضوع بجد يضحك
تقبل مرورى

تسلم يا باشا اديهم فوق رسهم ما تشكتشي ليهم

ههههههههههه
ماشى يا محمد
منورنى يا نجم

اية يا عم الكلام الجامد دة فين الكلام دة من زمان دا احنا تعبنا يا راجل ومحدش مقدر كدة منهم خالص وياريت تديهم على دماغهم كمان علشان انا تعبان نفسيا منهم واللى بشوفة وبتفرج علية
انا تعبت ياراجل موضوع جامد
تقبل مرورى

مرورك مقبول يا نجم

لا بجد جامد تسلم أيدك
مشكور يامجاهد
قصدى ياعايش

موضوع جميل بجد بس للاسف بيبرروا افعالهم دي بردو
تقبل مروري

ميرسى يا احمد على مرورك
بس هما اللى بيطرونا نعكسهم نعمل ايه بس

ههههههههه حسبى الله ونعم الوكيل
يعنى ننتحر يعنى ولا نعمل اية
دة انت مخلتش حاجة ياعم اية دة
وانتو بقى كل شغلتكم ف الحياة انكم تعاكسو البنت ف الرايحة والجاية
هى البلد باظت من قليل
هههههه بس موضوع جميل والله تسلم ايدك
استمر استمر

ههههههههههههههههههه
منورانى يا شوشو دايما ههههههههههههههههههههه

لاتعليق

نو كمنت يا احمد

معلش ياعايش
أصل أن لغتى ألمانى فعلشان كدة مبعرفش أكتب ولا أقرا غير
فرنساوى

اوك يا احمد اى لغه تيجى منك يا نجم زى العسل

مشكور كتيرموضوع حلو مره

موضوع جامد تسلم ايدك يا مان
بس كدا الثقه هتنعدم في كل البنات
وكدا هنظلم المحترمين فعلا
وهما دايما اول ضحيه

تمام يا معلم هو ده الكلام

دى احنا حتى تعبنا من كتر المعاكسات

نعمل اى بس

احسن حاجة نعملهم مكان كدة مخصوص ليهم معمول من الحديد ما يخرجوش منه

ويستحسن زنزانه

هههههههههههه
لازك كلنا نأدى الواجب الوطنى

اه والله عندك حق

دى واجب مقدس يا عمنا ولا اى رايك؟

ههههههههههههههه

بجد يا عطية موضوع حلو

هما البنات دول عاوزين ايه

مش كفايه اننا بنرضى اساسا اننا نعاكسهم

بنحسسهم انهم حاجه اصلا

طب انا هقولك على موقف حلو قوى

كنت مسافر مره فوانا بركب الميكروباس

لقيت واحد سواق من السواقين الهايفين دول

ماسك واحده وهاتك يا معاكسات

هوه الجميل ماله كده مبوز

طيب افردها شويه خلينا الدنيا تطرى

هههههههههه

وكلام من ده يعنى

الغريبه ان البنت ولا عملت حاجه خالص
وشكلها كده كانت مبسوطه

دا اللى خلانى
ما اتكلمش واتدخل بنفسى

فبقوله كده بهزار
ايه يا اسطى انتى متقلها قوى عليها كده ليه

قاله ايه يا عمنا
انا بس بحاول ارفع من روحها المعنويه

انا سمعت الكلمة دى وهاتك يا ضحك
لانها كانت طلعه منها فظيعه

فانا رأيى

ان البنت لو كانت فعلا كويسه ومحترمه
وعاوزه تتجنب المعاكسات

اولا تخرج من بيتها ملتزمه فى كل شئ
لبس ومظهر ومشيه وادب واحترام

طيب وتعمل ايه لو اتعاكست برده
على طول
تقلع الللى فى رجليها وتضربه بيه
دا لو فعلا هى عارفه انه ذودها وهى مش عاوزه

انما بقه لو ...........
وعجبها الكلام
خلاص هى حرة تستاهل
واكتر من كده كمان

تحياتى ليكم يا جماعه

موضوع جميل
من وجهت نظرى البنت هى اللى بدخلى الولد هو اللى يعكسها
ممكن يكون بلبسها او مشيتها او اسلوب كلمها وصوتها العالى فى الشارع
والضحك اللى من غير لزمه
بس خف عننا شويه ده احنا نسمة
تسلم
تقبل مرورى
ميرو

وانا معاكى يا ميرووووووووو البلد بئت فوضه البنات عايزه تتعاكس وخلاص

بنبرر ايه يا ابو بنبرر انت وهو
ده الموضوع ده حرق ليه دمى
تصدوقوا بالله جنس الرجاله ده عاوز يتولع فيه
كله
وايه ياعم الشاذلى الكلام اللى بينقط سكر ده
يعنى انا واحد بيعكسنى والله لو طوب الارض هينطق ما هعبره لهو ولا اللى خلفوه
ده يبقه قلت ادب منى وان كلامه عجبنى بالعكس
انا اصلا مش معبره ومصدره ليه الطرشه
لانه انسان ميستهلش مجرد انى ابص نحيته
او انى احط كلامه محل الجد
طيب قلنا البنات ولبسها وزفت اطران
ما انتوا مسؤلين برده اعتبرها يا اخى اختك
مامتك بنتك زوجتك
ايه نو احساس عندكم
انا مكنتش عاوزه ارد على الموضوع ده
بس بجد انتوا عصبتونى
يعنى ياريد نلم عنينا ولسانا عن بنات الناس
لان اللى بيعاكس اقسم بالله
له بيبقه واخد باله هى حلوة ولا وحشه
ولا لبسه ايه بيعاكس والسلام
سلامى ليكم
رجالت اخر زمن

اكيد انا معاكم فى ان البنت هى المسؤله
بس الوقتى مبيسبوش حتى
المنتقبه
انا راى
ان البنت تعدى عادى
ومتعتبرش ان الكلام ده ليها
لانها لو اكلمت هتديلوا فرصه يكلم اكتر

» يشباب وبنات لازم تتعلمون
» يا شباب شوفوا هذه المشكلة لازم تحلوها
» يله كلنا نبارك ....................... واللى مش هيدخل هطين عشته
» هل تقبل الزواج بإمرأة لا تنجب ؟ هل تقبلين الزواج برجل لا ينجب ؟ لازم تقول رايك!
» (¯`'•.¸¸.•'´¯) تعالو معايا كلنا نقول لنورا عيد ميلاد سعيد (_¸.•'`'•.¸_)