اختصارات تودى مارينا الحمرا

اولا : السلام عليكم ورحمة الله وبركاته

شفت فى كذا منتدى ومش عارفة التوبيك ده نزل هنا كمان ولا لا
بس الاكيد ان اغلب الناس قرت توبيك زى كده
ابعد عن كلمة برب ولول وتيت وغيرها من اختصارات اللى بنستخدمها فى الشات او غيره لانها حرااااام !!!!
قبل ما اعلق واقول رايي فى الموضوع ده فى حاجة عايزة اوضحها
اللى يتقال عليه حرام ده حاجة تكون نزلت بنص قرانى او فى حديث صحيح محرمة
زى
حرم عليكم الميتة والدم ولحم الخنزير
حرم عليكم الزنا وقتل النفس بغير الحق
حرم عليكم الخمر والميسر والانصاب والازلام

وغيرها من الايات القرانية دى الحجات اللى محرمة ومينفعش فيها اى جدل او نقاش
غير كده فبيتصنف حاجات تبع المكروهات او غير محببة

فمنجيش بقى نحلل ونحرم بمزاجنا وبعدين لازم يبقى فى امانة ونعرف اللى بننقله ده صح ولا غلط لاننا هنتحاسب عليه

ندخل بقى فى الموضوع
اولا احنا بنتحاسب على الكلمة باللفظ والنية فى نفس الوقت واحنا لما بنستخدم الكلام ده بنستخدمه كاختصار مش اكتر مش بيكون بنية اننا نقصد اساءة او حرام زى ما الناس دى بتقول
ثانيا ايه علاقة الكلام ده اصلا بالاساءة انتوا عمالين تالفوا للكلام ده اصول وتنسبوها للدين
زى اللى قال ان كلمة برب دى مش اختصار دى ماخوذة من قل اعوذ برب الفلق او قل اعوذ برب الناس
بهدف السخريية - تحاشى وتعالى الله عن ذلك _ استغفر الله العظيم

اولا فى فرق فى تشكيل الكلام ونطقه وبعدين ده مجرد اختصار مش اكتر واحنا فى اللغة الدارجة عامة بنستخدم الفاظ ومحدش قالنا عليها حرام ولا حاجة زى كلمة رب تنفع تكون بمعنى عائل للاسرة اما اذا عرفت بالرب بيكون مقصود بيها ربنا سبحانه وتعالى
اشمعن دى بقى عدت
لانها معانى فى اللغة ومش حرام
وكلمة رسول ينفع نستخدمها على اى واحد يحمل رسالة من حد للتانى هل ده معناه انه خلاص بقى نبى ونزل عليه الوحى
ولا هو التشويه فى دينا بقى سهل اوى كده فى ايد اى حد

عامة هى دى وجهة نظرى والله اعلم بمدى صحتها واللى عنده راى تانى ومعاه دليل يتعقل ويقدر يثبته ياريت يقوله علشان نقدر نوصل لحل من غير ضرب ولا حاجة

معلش طولت عليكم بس تكرار الموضوع ده استفزنى وكان لازم نرد

والله عندك حق في كل كلمه قلتها يا سامح

وانا مايد رايك وفكرتك ف موضوعك دا

فعلا احنا حرفنا كلام كتير ممكن يكون بقصد الروشنه او اختار للكلممات

وانا لاحظت ف الفتره دي فعلا كلام كتير استفزني شخصيا

مشكور يا جميل ع موضوعك

موضوعك حلو اوى ياسامح
وطرقتك فى توصيل موضوعك حلوه اوى

ميرسى ليكم كلكم
وان شاء الله محدش يستفزك تانى يا كلمات
ومتشكر يا صافى على المجامله

جميل موضوعك وأداءك فيه يا هيرو سامح ويا ريت تقبل تكون مشارك لينا فى الحجرة الاسلامية وتفدنا بأراءك ومعلوماتك......... farao

شكرا ليك يانجم وربنا يبعدنا عن مارينا الحمرة

تقبل مرورى

استغفر الله العظيم
شكرا ياعمهم على الموضوع
بجد تسلم ايدك مش عارف اقول ايه بس
الاعمال بنيات ولكل ما نؤى بس
تقبل مرورى رامو

عندك حق ياسامح
بس هو كل واحد عايز يعمل مفتى يقوم قايل كلمتين
والله اعلم يعنى
تسلم ايدك موضوع حلو اوى
بس هدى نفسك انت شوية واضح انك فعلا متنرفز
صحتك بالدنيا ياراجل
مراتك وولادك عايزينك هههههههههههه

موضوعك جامد ياسامح بجد وربنا يهدى الجميع ياااااااااااااااارب

يارب يبعدنا عن مارينا الحمرا دى يا عم

» بكره ترجع ريما من عند خالتها فى مارينا