بكره ترجع ريما من عند خالتها فى مارينا

بدون مقدمات ..طبعا كلنا عارفين خفة الدم العربيه و خصوصا المصرية
و كلنا عارفين قد ايه الناس بتتشائم و بتؤمن في موضوع العين و الحسد جامد قوي
و بعد متابعه دقيقه .. لفئة السائقين

لوحظ الآتي
>>> اللي تلاقيه معلق فردة شبشب في العربيه من تحت .. و لو غني حبتين بيعلق صندل .. ده طبعا غير الخمسه و خميسه و الخرزه الزرقا و كيس الكمون
.. لزوم فك الاعمال
اما بقي اللي واخد " نحو" الامية
بيكتب الاتي :

{ سولار فى التنك ولا مليون فى البنك }
ده علي اساس ان القناعه كنز لا يفني .. ده قصر ديل

{ عضة اسد ولا نظرة حسد }
لاا .. جامد يا ولا .. كان شغال في سيرك

{ سلام يا بلد الكلام }
يلاا .. الباب يفوت عربيه

{ الرجولة مواقف والندالة دروس }
بما ان الرجوله مواقف اكيد حتلاقيها في مواقف عبود و المنيب و القللي و ام قويق

{ لو كان الرزق بالجرى ماكانش حد حصلنى }
بيشارك في الفورميلا كثير.. يأما حرامي

{ اللى يخاف من العفريت يعمل عبيط }
طيب و يعملوها ازاي دي؟؟

{ المضطر يركب التاكسى }
بما ان ..الضطر يركب التاكسي ../ و المضطر يركب الصعب..
حاصل ضرب الطرفين = حاصل ضرب الوسطين
اذا .. التاكسي = الصعب

{ الباشا مش تلميذ }
ماهو بعد شهاده" نحو" الاميه .. بقي دكتور

{ بكره ترجع ريما من عند خالتها فى مارينا }
انا مش عارف بقي .. ده سواق و لا وزير

{ دى قصة كفاح مش جاية على المرتاح }
شكلك سواق لحلاح .. و خليك معايا صحصاح.. لحسن حديك بالمفتاح

{ ما تبصليش بعين رضية ده انا طلع عين اهلى فى السعودية }
اكيد كان شغال عند القانوبي .. طلعت عينه البنت

{ الحلوة من دمياط وعليها اقساط }
علشان تبطل تاكل مشبّك تاني .. يا طفس

{ الحلوة من حلوان وصاحبها راجل غلبان }
اتلم المتعوس علي خايب الرجي

{ إيسوزو النوزو كوانونزو }
هههههههه .. احلي جمله عجبتني جدا

{ من حق التقيل يتدلع }
افضل ادلع لحد ما حتبور .. يا طخين

{ ان عيشت هزلكو وان مت ربنا يسهلكو }
اللي يشوفوا في الحرب يقتله

{ شوفو الجديد يا بلد التقليد }
انتا اكيد صيني ..

{ تركب معايا اسليك تنزل اولع فيك }
فاتح مقلة لب و تسالي في العربيه

{ لما كنت عصفور اكلونى ولما بقيت اسد صاحبونى }
يا كذااااب .. انت مش لسه قايل نظره حسد و لا عضه اسد

{ تعمل حسابى اقدرك تهزر معايا اعورك }
كان معكم .. المعلم ذكي قدره

{ الحلوة تفاحة للسفر والسياحة }
نزلت عالطول بعد كليب البرتقاله و العنب العنب

{ دلعها فى الغيارات وريحها على المطبات }
و بتغيرلها بأي نوع يا تري؟؟ .. كادلز و لا بامبرز .. ايه القرف ده

{ ماتقولش دى بكام دى جت بدهب المدام }
حوش حوش المحبس و الخلخال اللي كنت داخل بيهم

{ الحلوة لما تدلع تخلى الاسفلت يولع }
السواق ده بيحب قناه موليطي للاغاني

{ الحلوة خوخة جت بعد دوخة }
ده غار من اخوه بتاع التفاحه للسفر و السياحه

{ ما تبحلقش كده يا لوح دى جت بطلوع الروح }
تشكر ياسطي .. و اهو ظل لوح و لا ظل كاوتش

{ ماتبصليش كده يا عبيط الحلوة دى بالتقسيط }
و هو فيه حلوه بالتقسيط .. يا اهبل

{ مافيش صاحب يتصاحب }
مافيش كلام .. سلام يا صاحبي

{ عتاب الندل اجتنابه }
اصلي .. اكيد راكب عربيه مطلعه عينه .. نداله بقي

{ جبنا المازدا وجيبنا الزيت وهى عليها خراب البيت }
هههههههه ..انتبه .. اي شيئ مؤنث بيخرب عالطول

{ اللى امه تدعيله احسن من اللى امه تديله }
يا بركة دعاء الوالدين

{ لو كان الجرى بالرتب كان زمانى لواء }
اهي الجمله دي بقي هي اللي حتودي الموضوع في داهيه .. هو اكيد قصده " لوا لوا " اللي بيلعب في نيجريا

ههههههههههههههههه
مش عارفه بيجيبوا الكلام ده منين ؟؟
يلااا.. كل واحد يتقمص دور سواق
و يقول حيكتب ايه
و اهم حاجه يكون معاه شهادة
" نحو " الاميه

{ ماتقولش دى بكام دى جت بدهب المدام }
حوش حوش المحبس و الخلخال اللي كنت داخل بيهم

ههههههههههههه
فظيعة دي يا بت يا صافي
دايما وانا ماشية في الشارع بحب اقرا الكلام اللي مكتوب علي العربيات وخاصة التكاتك هههه
نايس توبيك يا حبيبتي
تسلم ايدك

ماتبصليش كده يا عبيط الحلوة دى بالتقسيط }
و هو فيه حلوه بالتقسيط .. يا اهبل

عجبتنى دى موت
هههههههههههههههههههههههههههه
الموضوع ده مشكله
انا مع شيماء التكاتك دى اقرئى واضحكى من
هنا لصبح كلام فظيع
موضوع جميل
تسلمى

تسلم ايدك يا حبيبتى
ديما موضوعاتك اجمل من بعضها

[size=24][/size تسلم ايديك يا جميل
]nice topic

ههههههههههههههههه
موضوع رائع وامثال
حلوة كتير

» اختصارات تودى مارينا الحمرا
» بكره ممكن يكون متأخر اوووووووووووي