مشكله العنوسه ايه حلها للنقاش

من رأي والله انه الناس الهم الاهالي يعني يخففوا من الطلبات شوية سواء للبنت أو الولد وكمان الناس تحاول تغير من نفسها شوية بردوا بنات وأولاد.

معالشي يعني مش الواد يكون ماشي مع طوب الارض ويضحك على دي ودي ويوعدها بالجواز ولما يجي يفكر يتجوز يفكر في واحده تانية خالص ولما نسأله ما خطبتش فلانه ليه يرد ويقول دا انا مشيت معاها طيب ما نت مشيت معاها وهي وافقت مثلا علشان هتتجوزوا وبتحبك، يعني قاصدي البتحرمة على غيرك ما تحللوش ليك، وكمان على فكرة البيكون ماشي مع كذا واحده ويعمل نفسه ناصح ويروح يخطب واحده فاكر انها ما لهاش تجارب وفي الاخر بيندب فيها.
يعني المفروض نغير نفسنا الاول بنات واولاد.
وكمان عندنا التعدد هي بالنسبة للراجل مش فارقة المشكلة دي على البنت قال ايه اذي واذي يتجوز عليه وايه المشكلة مدام هيعدل وخلاص ويكون ستر واحده.
بس نقول ايه بس للحقد بتاع البنات يعني المشكلة فيكم انتوا حلوا مشاكلكم واحنا جاهزين

اقتباس :

ياسلاااااام ع الحنية
ال يعنى قلبك اوى على البنات وعايز تستر واحدة
بئة بزمتك هو دة اللى جواك ؟
وبعدين مفيش راجل بيعدل الايام دى
انا عن نفسى مقبلش ابدا بالوضع دة
ولو انا العانس مقبلش برضو اكون زوجة تانية وادخل بيت اخربة وابوظ حياتهم عشان انا ابقى اسمى اتجوزت
وبعدن ياجماعة دة نصيب والله ولما الواحدة تصبر اكيد هيجلها
كمان فعلا الطلبات والضغوط اللى ع العريس المفروض تخف شوية لان اصلا اللى لاقية شغل الايام دى يبقى ربنا كرمة
والرسول علية افضل الصلاة والسلام بيقول فيما معناة ان الانسان دوت طالاما كويس وخلقة ودينة كويس يبقى توافقة علية
والرزق دة حاجة بتاعت ربنا
هى المشكلة الاكبر ف الاهل

موضوع حلو اوى يامونى بجد والكلام فية كتير
تسلم ايدك ياقمر

على فكرة احنا ممكن الان بنتكلم براحتنا ونقول أراءنا بس لما الواحد يكون في الموقف بيختلف الرأي 180 درجة ( في مثل استكلندي بيقول عندما تستطيع أن تضع قدميك في حذائي من الممكن أن تتحدث عني ) يعني الواحد بيختلف رأيه حسب موقفه من المشكلة

على فكرة يا شوشو والله قلبي على البنات وخايف عليهم هي البنت مين غير أمي وأختي وبنتي وزوجتي والواحد بيضايق بجد لما يشوف بنات كتير يعني كبر بيهم السن وما اتزوجوا بس انا بردوا ضدد كلمة عنوسة البنت ممكن تتزوج في اي وقت بس احنا عندنا معتقدات سوري يعني غبيه ومتخلفه في موضوع سن البنت في الزواج البنت ممكن تتزوج في اي وقت وده نصيب.

وكلمة للبنت ارحمونا بقا من مشاكلكم دي يعني مشكلتكم وعاوزنا احنا نحلها ليكم ما تتجوز ما تتجوزوش واحنا ملنا ارحمونا بقا

والبنت الايام دي بقا وهي في الكلية تقعد تخطط وتفنن ازاي تضحك على الشاب من دولت علشان يدبس فيها ويخطبها وأول ما تلاقي واحد تاني احسن منه تسيبه أه منكم أه.