اسئلة فى الحب ...هامه جدا...للنقاش

ازيكو يااحلى منتدى قى الدنيا

يارب تكونوا كلكو بخير

انا جيبالكم اسئلة يمكن لبعض مممكن تكون صعبة ف الرد عليها

او بعضها مش تعرف تقول فيها ايه بس حبيت اشاركم فيها

مش هطول عليكم كتير وهسيبكم مع الاسئلة وبتمنى الكل

يشارك معانا ويجاوب ع الاسئلة دى




ونبتدى




1- ماهو تعريف الحب ؟
بصى هو ملوش تعريف معين لان الحب احساس وغالبا الاحساس مش بيتوصف

2- هل تؤمن بالحب؟
اكيد طبعا

3-
هل تؤمن بالحب من اول نظرة؟
هو من اول نظرة دى مش اسمها حب بس نقدر نسمية اعجاب او انجذاب لكن كلمة حب دى صعبة شوية
لازم نعدى مراحل كتير اوى عشان نقول ان دة حب

4- هل يختلف معنى الحب عبر العصور؟
هو كل زمن ولية طريقتة ف الحب وف التعبير عنة
بس متهيالى الاحساس نفسة واحد مش بيتغير
بس دة لو كان حب بجد مش هبل وخلاص

5- ماهو تأثير العمر على معنى الحب فى المراحل التالية( مراهقة , شباب, بعد الأربعين )
ف المراهقة دة مش حب دى مشاعر طبيعية وبتتغير برضو زيها زى مالنمو كلة بيتغير
ف الشباب دة بيبقى حب حقيقى لان الانسان بيكون نضج وفهم وقادر يفرق بين الحب والاعجاب وشخصيتة بتكون اتكونت
بعد الاربعين ....
مش عارفة بس متهيالى مش بيكون حب بالمعنى اللى احنا فاهمين بس ممكن يكون احتياج للجنس الاخر او حد يسلى وحدتة
بس مش بيكون لغرض الحب نفسة

فرق العمر بين الطرفين هل يؤثر على علاقة الحب؟؟

بصى لازم يكون فى تكافؤ ف كل حاجة
يعنى مينفعش اكون انا اكبر من حبيبى
وكمان مينفعش احب واحد اد ابويا


7- ايهما انجح الزواج عن طريق الأهل ..ام معرفة سابقة ؟؟ ولماذا؟
لا بمعرفة سابقة
عشان بتكونو خلاص عرفتو طبع بعض وقادرين تتفاهمو
لكن التقليدى ممكن تتفاهمو وممكن لاء
هو طبعا كل حاجة نصيب بس ناخد بالاسباب

8- هل ممكن ان تحب اكثر من مرة؟
لاء

9- هل ممكن ان يكره الأنسان شخص بعد ان احبه؟
حسب الشخصية وحسب اللى الشخص عملة اذا كان يستحق فعلا يتكرة او لاء
اصل الحب والكرة دة بيكون غصب عن الواحد منقدرش احنا نتحكم فية

10- هل للمادة دور رئيسى فى الحب؟؟
لا معتقدش

11- نجاح الحب ممكن .مستحيل . وكم نسبة نجاحه؟
هههه شبة مستحيل
نسبة نجاحة مش كبيرة

12- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
انا بحب حبيبى عشان هو كمان بيحبنى لكن لو اتغير معايا او مشاعرة قلت اكيد انا كمان مشاعرى هتقل

13- ايمكن للحب ان يغير مجرى حياتك
طبعا
هى دى اصلا اهمية الحب

14- البعد أيخفف المشاعر أم يلهب الأشواق؟
البعد لو زاد اوى بيخفف المشاعر ويقللها
يعنى مينفعش مثلا اغيب عن حبيبى عشرين سنة ولا حاجة ولما يرجع يلاقى نفس حبى لية
لكن لو فترة مش كبيرة يبقى فعلا هيوحشنى وهيزود اشواقى لية

15- هل يتغير الحب بعد الزواج
هو بيفضل برضو فى حب بس الروتين بئة وكدة دة بيقلل منة شوية
وبعدين انتو قبل الجواز بتحبو بعض اوى عشان لسة مش طايلين بعض
والحاجة دايما لما تكون مش ايد الانسان بيبقى هيتجنن عليها
لكن لما هتتجوزو هتكونو خلاص اخدتو بعض

16- بوجود الحب أيشترط وجود السعادة؟
فى حاجات كتير اوى لازم تكون موجودة عشان تبقى فعلا سعيدة
بس الحب اهمهم يعنى بوجودة فعلا تبقى اخدتى اكبر حاجة من السعادة

17- هل الغيرة ضرورية فى الحب؟ ومادورها؟
سلبى ام ايجابى؟
طبعا ضرورية
بس بحدود
ودورها ايجابى اكيد وكمان دى دليل على الحب

18- أيهما أخلص الشب أم البنت؟
كل جنس بيكون فى المخلص وبيكون فى الوحش
بس غالبا البنت بتكون مخلصة عن الولد لانها مش بتحلم غير بالاستقرار مع حبيبها

19- هل الحب عبر الانترنت وغرف الدردشة ممكن؟
(بمعنى ان تحب شخص لمجرد معرفتك لأفكاره بدون معرفه شكلة او صوته)
ايوة ممكن
الشخصية اهم من الشكل

20- ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟
قلة ادب يابنتى هنقول اية
الراجل اللى بيخون وشايف انة لية الحق دة يبقى عندة نقص ف شخصيتة وعينة فارغة

21- ليه الحب فى معظم حالات الزواج ينتهى بعد الزواج هل ده مش بيكون حب
ولا مشاكل الحياة بتمحى الحب ده؟؟؟
مشاكل الحياة بتخلى كل حاجة حلوة تروح

22- ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما مش بيحبو بس بيوهمو انهم بيحبو؟؟
ممكن يكون نقص ف شخصيتهم او مش فاهمين يعنى اية حب
بس اكيد الناس دى هتندم ف الاخر لما يلاقو نفسهم لوحديهم ومفيش حد بيثق فيهم ولا بيحبهم

23- ليه دايما كل لما تجرى ورا الحبيب يجرى منك ولما تجرى منه بيجرى وراك؟؟؟
هو الانسان كدة
لما يحس ان فى حاجة مش ف ايدة يبقى عايزها ولما الحاجة تجيلة كدة على طبق من دهب ومش تعبان فيها بيتبطر عليها ويبقى مش عايزها

25-ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟
عشانن بيكون ليهم تحكمات معينة بيتكلمو فيها تحت اسم ( احنا عارفين مصلحتك اكتر منك )
دة غير بئة لو حاولو يوقعو بينهم زى شغل الحموات مثلا


26- لما تحب شخص ممكن تتسائل بينك وبين نفسك ...انا ليه ..بحبه..!؟؟
عشان هو بيكون شخص عادى جدا وممكن يكون كمان اقل من اى حد تانى
بس انتى حبتية ومش عارفة لية
ف بتسالى نفسك

وبكده تكون انتهت الاسئلة
اخيييييرا ههههه
اتمنى مش اكون طولت عليكو

وتكون اسئلة خفيفة

عايزة اعرف ردودكم بكل صراحة


تحياتى

مـــــــــــــــــيرو